الغالي - قصيدة وشيله يوتيوب - زيارتكم تهمني يالابتي

السلام عليكم ورحمة الله وبركاته
أسعد الله أواقانكم بكل خير ومحبه وعافيه

هذي قصيدة غزلية أطرحها لأذواقكم وأتمنى تنال أعجابكم وأستحسانكم
القصيدة بصوتي يتبعها شيلة المنشد : عبدالله بن مشهور

http://www.youtube.com/watch?v=jKTX2KQtgF4&feature=g-upl

عــــزالله أنـــي فــــاقد لــي مــع النـاس
...................................الغـالـي اللـي ياحمـد حيـل غـالي
حاليــه ربـــي بــالحـــلا مـــاله اجنــــاس
...................................ومكمـل وصوفـه عظيـم الجــلالي
عــذب الســـوالف والمـــزايا والأنفــاس
...................................لامــن حكــى جريت ياويـل حالـي
فيـــه اللكــاعه والفهــــاوة والأحــساس
...................................فيـه الثقـل مـع العقــل والهبــالي
أجيـــــه متــــوتر وضــــــايق ومنحــــاس
...................................وأقفــي منـه وأنـا من الهم خالي
أنـــا أشهــــد أنـــه للغنــــــادير نبـــراس
...................................بالعيـن يامحــلاه فـي كــل حــالي
إي بـــالله أحبـــه محبــــه بــــلا قيــــاس
...................................إي بـالله أحبـــه مـــن أول وتــالي
لكــن غيـــابه طـــال يــاجعــــل مابـــاس
...................................وأسهر عيوني وأشغل البعد بالي
روّح وفـكــري بيــن سجــه وهـــوجــاس
...................................كنــي عن الـواقع مسافر وسالي
في وحدتي أضرب بالأخماس الأسداس
...................................ياعـــزي لعينــي وعـــزي لحــالي
في غيبتــه أعلـــن مـن الحـب الأفــلاس
...................................ماعــاد في جـوهـ يناسب مجـالي
حــب الحبيـب اللـي بنيتــه على ســاس
...................................مابـدله لـو هـــو جـــرى ماجـرالي
أبـذكــرهـ لاهـــب فــالصـبـح نسنــــاس
...................................وأبــذكرهـ بأحلـى هبـوب الليـالي


أخوكم : ذيب بن جزاء العصيمي

صح الله لسانك ياذيب

صح الله لسانك ياذيب

صح بدنك يالغالي