هافي الحشا

هافي الحشا . . . من عقب ما راف وابهج

من عقب ما استقفى الشبـاب المشيبـي

ورد لي باب الهـوى عقـب مـا انهـج

ولا بلغـت مـن الليـالـي نصيـبـي

ولا شفت لي ملفى حصيـن (ن) ومخـرج

الله علـى ليعـات بقـعـا حسيـبـي

و من سج في ميدان الاشواق ، وامـرج

حمل عليه الويـل . . . حمـل(ن) تعيبـي

ياسعد . . . شف لي في هوى اللام الادعح

حيلة وصـال (ن) ، واجتهـد يانديبـي

سابي عزاي .... من الرعابيـب الاغنـج

لادوا سقامي . . . ياسعـد هـو طبيبـي

موضي جبينه بالدجـى مثـل مسـرج

وسهـام لحظـه للضمـايـر تصيـبـي

أعفر حسين الدل بـو سـن (ن) أفلـج

له مبسـم (ن) حـم الأشافـي عذيبـي

والموت من عيـن اتلـع الجيـد منهـج

ومن فاه يبري جـرح قلـب الصويبـي

وعنق (ن) كما عنق المها حيـن يزعـج

مـن مرتـع (ن) ذاره محـت عطيـبـي

وجدايل (ن) فحم (ن) ملا المتـن وازرج

متعثكلات (ن) حشوهـن كـل طيبـي

يشبه الـى مـن سـار بالهـون وادلـج

مـوز (ن) تثنيـه الهبـايـب رطيـبـي

قلبي عليه اذهل عـزا الصبـر واخلـج

وجاشـي تسعـر مـن فراقـه لهيبـي

ومـن فتنتـه برهـان عقلـي تخسلـج

مالـي علـى لامـاه عـون (ن) يثيبـي

الا ان فـزع لـي عالـم السـر يفـرج

سامـع سؤالـي للـدعـا مستجيـبـي

يجعل على سبـل الهـدى منـه منهـج

واسلـك بامانـه ياسعـد مااستريـبـي

من قدرتـه لـي يعتـدل كـل معـوج

ومـن سـال ربـه ياسعـد مايخيـبـي

يجمـع بلامـا مـن لـه قلـب ينهـج

ويعيـن فكـري دايـم (ن) مايغيـبـي

ياسعد كن عنـي خصيـم (ن) ومحتـج

ان كـان ودك مـن سقامـي اطيـبـي

ناج الحبيـب وديـر للوصـل مـدرج

ورح لـه تـرى مالـي بغيـرك نديبـي

قل له تراك ان كان سجيـت . . ماسـج

وبعيـد باسـك عنـد عزومـه قريبـي

وعامر مقامه دامـر(ن) فيـك وافـرج

حالـه غـدا مثـل المهيـل الكثيـبـي

لولاي احـاذر ياسعـد شمـت مهـرج

واخاف وادرا مـن كثيـر الحكـي بـي

لافجا مراحه لاسجـا الليـل ، وازعـج

عليـه روح(ن) صـار معهـا شريبـي

ياسعد خبر مـن لـه السـاق مدمـج

عن صخف حالي منه . . . جثل السبيبـي

أسكر بعرصات الهـوى فيـه ، وانثـج

ان كـان حدثنـي بحكـي (ن) لبيـبـي

وان دار فـي صبـي عينـه ، ولجـلـج

سبه عزاي ، وصـرت مثـل الرعيبـي

طـاف العنـا بـي ياسعـد ثـم عـرج

وتهت القدا عيـا الأسـى يهتـدي بـي

والحـب عنقـا ظاهـرة ...... مايولـج

لو رمت كتمـه بالمخافـا . . دري بـي


منقوول

صح لسانك ولسان شاعرها



تحيااااااااااااااااااتي

سعدت بمرورك ابن نعيس الكريم عساااااني مانحرم منك


دمت شامخا

صح لسانك ولسان شاعرها

ماقصرت

تحيااااااااااااااااااتي

الدلبحي عطرت صفحاتي بمرورك المشرف عسااااني مانحرم منك



أرق تحيه لك