قصيدة مدح لشاعر/ضاوي بن ثاعي/في الفارس الشيخ مقعد الدهينة

ويـن العديـم الفيصلـي القطامـي
اللي دفن جسمه على حفنـة النيـر
وين الشجاع اللي يقـص العظامـي
قاس الضروس مسمر الخصم تسمير
وين اللي فعله لعلى النـاس زامـي
لطـام عبسيـن الوجيـه المناكيـر
وين الأسد وان جا نهـار العسامـي
وتجمعوا والخيـل جتهـم دعاثيـر
واليا دخل فا المعركـة واستقامـي
يقطع كما تقطـع حـداد المناشيـر
لو انهـم كثـر الجـراد التهامـي
ترجع باهلها عـن كمينـه مدابيـر
ماكر حرارن من فـروع المقامـي
خيـال زينـات البكـار الخواويـر
وكل يعرفه مـن بحـور طوامـي
نصر البكار اللـي حلقهـا دواويـر
ماكر حرار مـن سلالـة كرامـي
بطل من أبطـال الدهينـات واميـر
وأهل الجزيـرة لبسـوه الوسامـي
ودرع الشجاعة جاه من سالم الزير
والتاج لبسه مـن سعـود اليمامـي
وعنتر كتب له في الصحيفة مناشير
ومشعان أخو جحله كتب له كلامي
يقول خيـال السلـف والمضاهيـر
وهذال ابن فهيـد يرسـل سلامـي
ويرسل من أنواط الشجاعة تصاوير
وراكان ابن حثليـن عنـده علامـي
* ويرسل قصايد للدهينـة وتعبيـر
ونايف ابن حميـد شـد الحزامـي
وينخى هل التاريخ كـل الشواعيـر
ويكتب لمقعـد والفعـول القدامـي
ولهل الشجاعة والرجـال المناعيـر
وجميع فرسـان الجزيـرة تحامـي
واكتـب تعـازي للدهينـة وتقديـر
وابن ألوى أرسل تعـازي وقامـي
ليوم تربـة ومعسكـرت المساميـر
وسلطان يشهد لـه بيـوم العدامـي
يوم الهدة من قاد حمـر الطوابيـر
ومن فتح البيبـان يـوم الزحامـي
ومن كسر البيبـان واطفـأ الفنانيـر
ومن ورد الهياب حوض الظوامـي
وشرب وسقاهم على جمـة البيـر

ذكر الدهينه يوم الارياق يباس =سواة ناراً زادها الإشتعالي

مقعد ليا درات رحاها بالأضراس =يضرس كما تضرس فهود الجبالي


البيتين هذي للشاعر خالد النفيعي في الشيخ الفارس / مقعد بن سعود الدهينة


الله يرحم ابو غازي ويسكنه الجنه


مشكور يا ابن العم على النقل الجزل


وصح لسان الشاعر ضاوي بن ثاعي


تقبل شكري وتقديري


اخوك


فيصل المسعودي

مشكووووووور اخوي العزيز ولد الحفنه


=====


على القصيده الرائعه



====


والله لايهينك على الابداع



====

ذيب الحنابج

اسمحلي يالجار بتنسيق القصيده



ويـن العديـم الفيصلـي القطامـي=اللي دفن جسمه على حفنـة النيـر
وين الشجاع اللي يقـص العظامـي=قاس الضروس مسمر الخصم تسمير
وين اللي فعله لعلى النـاس زامـي=لطـام عبسيـن الوجيـه المناكيـر
وين الأسد وان جا نهـار العسامـي=وتجمعوا والخيـل جتهـم دعاثيـر
واليا دخل فا المعركـة واستقامـي=يقطع كما تقطـع حـداد المناشيـر
لو انهـم كثـر الجـراد التهامـي=ترجع باهلها عـن كمينـه مدابيـر
ماكر حرارن من فـروع المقامـي=خيـال زينـات البكـار الخواويـر
وكل يعرفه مـن بحـور طوامـي=نصر البكار اللـي حلقهـا دواويـر
ماكر حرار مـن سلالـة كرامـي=بطل من أبطـال الدهينـات واميـر
وأهل الجزيـرة لبسـوه الوسامـي=ودرع الشجاعة جاه من سالم الزير
والتاج لبسه مـن سعـود اليمامـي=وعنتر كتب له في الصحيفة مناشير
ومشعان أخو جحله كتب له كلامي=يقول خيـال السلـف والمضاهيـر
وهذال ابن فهيـد يرسـل سلامـي=ويرسل من أنواط الشجاعة تصاوير
وراكان ابن حثليـن عنـده علامـي=* ويرسل قصايد للدهينـة وتعبيـر
ونايف ابن حميـد شـد الحزامـي=وينخى هل التاريخ كـل الشواعيـر
ويكتب لمقعـد والفعـول القدامـي=ولهل الشجاعة والرجـال المناعيـر
وجميع فرسـان الجزيـرة تحامـي=واكتـب تعـازي للدهينـة وتقديـر
وابن ألوى أرسل تعـازي وقامـي=ليوم تربـة ومعسكـرت المساميـر
وسلطان يشهد لـه بيـوم العدامـي=يوم الهدة من قاد حمـر الطوابيـر
ومن فتح البيبـان يـوم الزحامـي=ومن كسر البيبـان واطفـأ الفنانيـر
ومن ورد الهياب حوض الظوامـي=وشرب وسقاهم على جمـة البيـر

ولد الحفنه

قصيدة رائعة و في واحدا يستاهل المدح


لاهنت



وين الأسد وان جا نهـار العسامـي=وتجمعوا والخيـل جتهـم دعاثيـر
واليا دخل فا المعركـة واستقامـي=يقطع كما تقطـع حـداد المناشيـر

بيض الله وجهك اخوي ولد الحفنه

وهذه القصيده قصيده رثاء في الشيخ مقعد الدهينه (( رحمه الله ))

وبيض الله وجه ذيب الحنابج على هالجهد

وما قصرتوووووو