مبروك ياعتيبه الهيلاء خوال الرسول

الف مبروك وتستاهلون الطيب ووجيهكم بيضاء يالهيلاء
هذه قصيده لخالي متعب بن محمد الطريسي الحربي
من اهالي روضة قريدان بالقصيم


مبروك يااعتيبه الهيلاء خوال الرسول=قبيلتن تظرب الامثال بفعالها
انتم هلا البل وفزعتها الرجال الزحول=ان جاء نهارنبه الجهال عقالها
كم طاح من دونها راسن بالارض امعزول=تاكل اسباع الخلاء وتعشي اعيالها
افعال برقا وروق الشرح عنها يطول=من يحصي افعالها من ماضي اجيالها
قبيلتن تكسب الطوله تقول اوتطول=قبيلتن تكسب العلياء وتسعالها
يوم العطف والبيارق واصتفاق الخيول=والسيف والرمح والشلفا على فالها
يوم القبايل العيشتها تصول وتجول=يوم المعيشه كليفه بااصعب احوالها
ايام من هولها العاقل يصيبه ذهول=يذهل وتذهلبه المرضع عن اطفالها
مايجحد افعالهم غير الضلوم الجهول=لو يسأل المعجم وينطق نعم قالها
قبيلتن ماتعيل والا تحب العيول=وان عال داسة على علباه بنعالها
اهل الحسب والنسب من طيبين الاصول=قبيلتن معتلي بالعز منزالها
المدح يستاهلونه طيبين الفعول=قبيلتن من معزتها عنيناالها
والناس مااذمهم والي يذم مهبول=كل القبايل لها هيبه لها ابطالها

صح لسان خالك .. وبيض الله وجهه ..

ومشكور على الموضوع ..

وحياك الله اخوي ..

تحياتي ..

صح لسان خالك..
والنعم بقبيلة حرب كافه حيث أنها من القبائل العرقيه التي لها تاريخ مشرف بالجزيرة العربية.

الله يبيض وجهك وجه خالك يامال الشحم ايوالله ...

والله والنعم فيكم يالحروب ,,,,,,,,,,,

صح لسانك وبيض الله وجهك ولاهنت يا الغالي

...
.
بيض الله وجهك ياسلطان ووجه خالك..
ورايتكم بيضاء ياذخر شبابه
.....

صح لساانه

والله لو اني مسول في اللجنة الثقافية في الملتقى

كاااااان اول من يدعي خالك عشااان القصيدة

وانتم ياحرب

راااعين محل

صح لسان خالك وبيض الله وجيهكم
ولاعليكم زود يافخر شبابه

بيض الله وجهك ياسلطان ووجه خالك..
ورايتكم بيضاء ياذخر شبابه

قصيدة جميلة مشكور انت وخالك

صح لسانك والنعم والله بحرب قبيلة عريقة
لها كل التقدير والاحترام عند كل عتيبة
وانا احس ان كل حربكلهم فرحانين
لفرح عتيبة ولحفل عتيبة

بيض الله وجهك وصح لسان خالك

ولاهنت

ونعم بحرب عزالله ركن من اركان الطيب

وصح لسان خالك ولسانك

صح السانك ودام إبداعك ياسلطان الحربي , وانعم واكرم بك وبقبيلتك حرب ( حرابة الدول ) , والكلام الطيب لايستغرب من اهل الجود والطيب , والله يكثر من امثالك



تحياتي

صح لسان خالك يا الحربي

وماعليكم زود يا ربعنا شبابه

والله اني اتنومس بربعنا حرب