خلووووووها

الليل يا شعار دوبه دوبه=وكل شاعر ينعرف بسلوبه
وليا بنينا الجدر طوبه طوبه=راح الربيع وجا ربيع ثاني



ودي اسمع كلام اهل الكلام الرفيع=والرجال العوارف زانت اقوالها
والله اني على مفرق طريق سريع=ودي ابخوة الاجواد وسعالها

الليل توه وانت وين انت ساري
ان كان يارجال عندك طواري
ماحصلك عم ذا الليل غاري
والله يخارج من صواديف الايام

كان ودك تسمع خل بالك وسيع=والفرس ماركبها غار خيالها
الله انه يعز اهل المقام الرفيع=اشرب الدله اللي جاك فنجالها

ابو بندر ونايف صحت السنتكم وطاروق عمالقه

ساري على نور القمر ونجومه=يا الصاحب اللي ودنا بعلومه
والقلب ساع انه رمى بهمومه=راح الربيع وجا ربيع ثاني



ما يطب المعارك غار رجل شجيع=شبت النار والابطال تصلالها
الجمل واقف ابحمله على راس ريع=والبعارين مدري وشهي احمالها

الاخ نايف الروقي مساك الله بالخير
انتبه للموال ماهو على لحن الموال الاول
وكذلك كلمة ( رفيع ) سرت ونا اخوك

لاكن اضنك ودك با النوم
بدري يا ولد روق
الليل الليل

الاخ العازمي صح الله بدنك
وشكرا لتواجدك

الليل توه والمسافه طويلـــــه

لكن لا تطرح شداد الاصيلـــــه

مالك ومال الكلمه المستحيله

الله يخارج من صواديف الايـام



انت في السوق تشري فيه ولا تبيع=العرب تشتري وتبيع من مالها
لو تطول المسافه صاحبك ما يضيع=والحمول الثقيله نعرف اجمالها

اعنان ريمه في يدي يا عميلي=وشدادها ثابت حشى ما يميلي
مبغا وصيه دونها يا زميلي=والله يخارج من صواديف الايام


نشتري كل غالي في الزمان المطيع=ون تردت بيوع السوق ما اشقا لها
لو سمعنا الروادي والاذاعه تذيع=بعض الاخبار نفسي ما توى حالها

صح السانك والجايات اكثر

تصبح على خير

الاخ نايف الرقي

الختام عندك

صح لسانك وتصبح على خير

ورانا دوام وقبل الدوام الصلاه

تقبل تحيات ابو بندر