الجـــــــذع كفين ويضيع انسمه ,,
فواز السعيدي31-Jan-2009, 07:24 PM
مســــــــــــــــــاء الخير يالاسطورة :):)
استلم:
لدت عيوني يم سلطان الجذع وبزهمه = وان قلت ياسلطان هات العلم سلم واستلم !!
لو كان سلطان الجذع كفين ويضيع انسمه = لكن يامحلاه لامن طاح ثم ضاع النسم !!
هههههه
نايف بن ملحق الثعلي31-Jan-2009, 07:28 PM
فواز صح لسانك
وهجد الجذع ونا في صفك
فواز السعيدي31-Jan-2009, 07:31 PM
ارررررررحب يانايف ههههههههه
الله يخارجنا من الجذع شكلنا ماغير بعثرنا الجن علينا هههههههههههههههههههه
سلطان الجـذع31-Jan-2009, 07:41 PM
ارررررررررحب يافواز
لدت عيونك يالسعيدي يم قاض المحكمه = لكن يافواز خلك مع جنابه محترم !!
من لاتنقّد كلمته قدام تطلع من فمه = أقرب قريب يقول له على شحم على شحم !!
سلطان الجـذع31-Jan-2009, 07:47 PM
اذكر الله يانايف :)
ابو بدر تعتبر ليلة عيد الليلة اللي جابتك :)
وبيض الله وجهك على حضورك
ناصر المرشدي31-Jan-2009, 07:49 PM
ياسلااااااااااااااااااااااااااااام سلم
فواز والجذع
من بدايتها حارش مارش
من لاتنقّد كلمته قـدام تطلـع مـن فمـه
أقرب قريب يقول له على شحم على شحم !!
الصف صفك ياسلطان-------------------على شان ابو بدر
سلطان الجـذع31-Jan-2009, 07:52 PM
اجل ازهل السعيدي يااااناصر ...:)
بيض الله وجهك ياابو تركي ... وشرفتنا بتواجدك
فواز السعيدي31-Jan-2009, 08:15 PM
هههههههه
الله الله
ترى القضية ملعبة مافيه هوش وخمخمه = لوكان فيها هوش ياسلطان منته منلزم !!
حنا نعد الصدق واللي ناصفه مانظلمه = انا اتحدى لو تقول الناس (سلطان انظلم ) !!
حاكم الغنامي31-Jan-2009, 08:26 PM
الله الله
احذركم اي اشتباكـ بالايدي سوف نحولكم للمخفر
وعاد فيكم واحد علاه سوابق:eek:
صحت الالسن والقلووب
واصلوو
:)
فواز السعيدي31-Jan-2009, 08:32 PM
ارحب ياحكووووووووووومة هههههه
لاهنت ياحاكم
عاد انتبهو للجذع هههههههه
سلطان الجـذع31-Jan-2009, 08:38 PM
فالملعبه من بعد عبدالله عسى الله يرحمه = مافيكم اللي يعدل الصفين ويرز العلم !!
لا والله الا الكذب فيك مع العرب طبع وسمه = والله واعلم من علومك ماتفيد الا الندم !!
سلطان الجـذع31-Jan-2009, 08:41 PM
...
حاكم هههههههههه
السوابق والله عليك انت :)
لاهنت على توااااااااااااااااجدك يالغالي
عيد العازمي31-Jan-2009, 09:02 PM
ههههههه
فواز اهجد الاسطوره والصف صفك
تراه ماقد انهجد يمكن تسجل سابقه لك يافواز!!
على العموم
طارووق كبار لانه يجمع فواز وسلطان
صحت السنتكم وعلى القوه
سلطان الجـذع31-Jan-2009, 09:09 PM
ارحب يالعازمي احرب هههههههه
شرفت .. بتواجدك والسعيدي لاتوصييييييييه مايحتاج :)
فواز السعيدي31-Jan-2009, 09:10 PM
هذاك نيره تصطلي وانتم سواة المفحمه = ياكم وكم من ربعك العتبان ناسمهم وسم !!
ياقو جهدك يالجذع حتى الجمل تاتلزمه = عز الله ان الصمله اللي فيك ماهي من عدم !!
فواز السعيدي31-Jan-2009, 09:11 PM
هههههههههه
صاحبي العازمي موجود ؟
وفي صفي؟
لااااااااااااا راح الاسطوره الليله ههههههه
علي الثبيتي31-Jan-2009, 09:13 PM
فالملعبه من بعد عبدالله عسى الله يرحمه = مافيكم اللي يعدل الصفين ويرز العلم !!
لا والله الا الكذب فيك مع العرب طبع وسمه = والله واعلم من علومك ماتفيد الا الندم !!سطورة عتابه صح لسانك
وصح لسان اسطورة هذيل ليا رز اعلمه ههههههههه
عبدالله الاصعر31-Jan-2009, 09:15 PM
فواز السعيدي+سلطان الجذع
الله الله صحت الالسن والقلوب ياشعار
وبيض الله وجيهكم
واصلوا الله يقويكم وحنا متابعينكم
للجميع تحياتي
فواز السعيدي31-Jan-2009, 09:16 PM
الله من القشر يالنشمي هههههه
اقول اهجد وكب العنصريه عنك
هههه
الله يحييك ياجار نورتنا
الشــاهد31-Jan-2009, 09:24 PM
فالملعبه من بعد عبدالله عسى الله يرحمه = مافيكم اللي يعدل الصفين ويرز العلم !!
لا والله الا الكذب فيك مع العرب طبع وسمه = والله واعلم من علومك ماتفيد الا الندم !!
سلطان مسى الخير اسطورة فعلاً دون مجاملة صح لسانك ولسان ابن هذيل
ريف المسايير31-Jan-2009, 09:35 PM
فواز السعيدي+سلطان الجذع
صح السنتكم طاروق ممتع ورائع
واصلو وسجلوني متابع
تحياتي للجميع
مشعل الحافي31-Jan-2009, 09:35 PM
فالملعبه من بعد عبدالله عسى الله يرحمـه
مافيكم اللي يعدل الصفين ويـرز العلـم !!
الله الله
ابو فايح31-Jan-2009, 09:38 PM
ابداع ابداع ابداع
متابعين بشغف
فواز السعيدي31-Jan-2009, 09:41 PM
الله يحييكم يالربع
نورتو المحاورة الوديه ههههههه
يامرحبا جميع
سلطان الجـذع31-Jan-2009, 09:43 PM
الفعل حنا سادته .. والهرج ماسر رخمه = اهرج مدام الفعل مالله فيه كاتب لك قسم
خل الكلام اللي وجوده عندنا مثل عدمه = عزالله انك فالشعر يااصاحبي ماانت ونعم
سلطان الجـذع31-Jan-2009, 09:48 PM
...
حياااااااااااااكم الله جميعاً وانا وصديقي
فواز .. مثل ماقال الهاجري : حصنٍ تصاقل والضماير نظيفة :)
فواز السعيدي31-Jan-2009, 09:54 PM
تعال ياسلطان هاك امن السعيدي مرسمه = اباك ترسم ذيب ينهش في قطيع من الغنم !!
البندقيه وش تسوي لو تثور امع الاصم ؟ = مايدري اعن البندقيه لين حتى تلطمه !!
فواز السعيدي31-Jan-2009, 09:56 PM
لا يجيك شك ياصاحبي
الدعوة مكامخ لعب ههههههههه
سلطان الجـذع31-Jan-2009, 10:06 PM
يعلمك صاحبك يافواز ماانت معلّمه = تعال وافتح دفترك عندي وانا اعطيك القلم !!
اللي نقوله تجهله واللي تقوله نفهمه = ياما وياما وقعت فالعظم من تحت اللحم
زياد المزرمي31-Jan-2009, 10:17 PM
ابك ابك ابك
هذا والله الهجاااد
@@ فواز السعيدي @@ سلطان الجذع @@
عز الله الابداع متواجد بحذافيره
تقبلوا اعجابي باللعب الراقي
والصف خنذفي ما يباله :)
فواز السعيدي31-Jan-2009, 10:20 PM
الله الله
انته على ظهرك قراد ووسط اذانيك احلمه = يعني بدون مجامله (ماعاد باقي فيك دم ) !!
اصحى تضيق ويمتعك جلدك على غصن اسلمه = لاضقت والله ماتخلي وسط ديرتكم سلم !!
علي الثبيتي31-Jan-2009, 10:22 PM
تعال ياسلطان هاك امن السعيدي مرسمه = اباك ترسم ذيب ينهش في قطيع من الغنم !!
البندقيه وش تسوي لو تثور امع الاصم ؟ = مايدري اعن البندقيه لين حتى تلطمه !!ابك ابك انت علامك
وش هالشقلبه
فواز السعيدي31-Jan-2009, 10:27 PM
الشطيطي تسلم يابعدي
عساك فالوجوووووووووود
النشمي هههههههههه انت علامك ؟
علي الثبيتي31-Jan-2009, 10:28 PM
الله الله
انته على ظهرك قراد ووسط اذانيك احلمه = يعني بدون مجمله (ماعاد باقي فيك دم ) !!
اصحى تضيق ويمتعك جلدك على غصن اسلمه = لاضقت والله ماتخلي وسط ديرتك اسلمه !!السلم السلم ههههههه
غدابك النوم ياجار
فواز السعيدي31-Jan-2009, 10:30 PM
عدلتها ياعود الله يغثك هههههههههههه
تسلم يامال السلمه انت هههههههههه
قادح شرار31-Jan-2009, 10:31 PM
أنا أبغادر الصفحة قبل لا يصير حرب ولا مصيبة .
صاحبكم ماهو بناقص مصايب .
غنيين عن أي رأي ...
تقبلوا مروري ..
سلطان الجـذع31-Jan-2009, 10:38 PM
,,,
السعيدي صح لسااااااااااانك مليون ... والى لقاء في حلقات قادمه
انا مضطر للمغادرة هالحين :) ...
معجب العتيبي31-Jan-2009, 10:38 PM
فواز السعيدي
لدت عيوني يم سلطان الجذع وبزهمه = وان قلت ياسلطان هات العلم سلم واستلم !!
لو كان سلطان الجذع كفين ويضيع انسمه = لكن يامحلاه لامن طاح ثم ضاع النسم !!
سلطان الجـذع
لدت عيونك يالسعيدي يم قاض المحكمه = لكن يافواز خلك مع جنابه محترم !!
من لاتنقّد كلمته قدام تطلع من فمه = أقرب قريب يقول له على شحم على شحم !!
فواز السعيدي
ترى القضية ملعبة مافيه هوش وخمخمه = لوكان فيها هوش ياسلطان منته منلزم !!
حنا نعد الصدق واللي ناصفه مانظلمه = انا اتحدى لو تقول الناس (سلطان انظلم ) !!
سلطان الجـذع
فالملعبه من بعد عبدالله عسى الله يرحمه = مافيكم اللي يعدل الصفين ويرز العلم !!
لا والله الا الكذب فيك مع العرب طبع وسمه = والله واعلم من علومك ماتفيد الا الندم !!
فواز السعيدي
هذاك نيره تصطلي وانتم سواة المفحمه = ياكم وكم من ربعك العتبان ناسمهم وسم !!
ياقو جهدك يالجذع حتى الجمل تاتلزمه = عز الله ان الصمله اللي فيك ماهي من عدم !!
سلطان الجـذع
الفعل حنا سادته .. والهرج ماسر رخمه = اهرج مدام الفعل مالله فيه كاتب لك قسم
خل الكلام اللي وجوده عندنا مثل عدمه = عزالله انك فالشعر يااصاحبي ماانت ونعم
فواز السعيدي
تعال ياسلطان هاك امن السعيدي مرسمه = اباك ترسم ذيب ينهش في قطيع من الغنم !!
الله يازين البنيه اللي يوم جـات مصمصمـه=سلطان ياسلطان لاتضحك ترى القلب افحمه !!
سلطان الجـذع
يعلمك صاحبك يافواز ماانت معلّمه = تعال وافتح دفترك عندي وانا اعطيك القلم !!
اللي نقوله تجهله واللي تقوله نفهمه = ياما وياما وقعت فالعظم من تحت اللحم
فواز السعيدي
انته على ظهرك قراد ووسط اذانيك احلمه = يعني بدون مجامله (ماعاد باقي فيك دم ) !!
اصحى تضيق ويمتعك جلدك على غصن اسلمه = لاضقت والله ماتخلي وسط ديرتكم سلم !!
معجب العتيبي31-Jan-2009, 10:39 PM
الله الله
مبدعييييييييييييييين
صحة السنتكم
فواز السعيدي31-Jan-2009, 10:42 PM
البندقيه وش تسوي لو تثور امع الاصـم ؟
مايدري اعن البندقيه لين حتـى تلطمـه !!
المعذرة غلطنا فالقاف والفضل يعود للنشمي
ننتظر الربع يعدلون:
الله يازين البنيه اللي يوم جات مصمصمه = سلطان ياسلطان لاتضحك ترى القلب افحمه !!
فواز السعيدي31-Jan-2009, 10:56 PM
معجب تسلم يابعدي
اتمنى تعديل البيت اللي ذكرته والله لايهينك يالغالي
سلطان الجذع تصبح على خير يالقرم واللعب معك مكسب
قادح شرااار لاهنت يابعدي
