المشرف سعود جعله في حريقه
علي الثبيتي25-Mar-2009, 07:45 PM
الله يعوض على اهل سعود فسعود= حطوه مشرف ولا يفضي دقيقه!!
ون جالهم ضيف قالو غير ماجود= ماهو بموجود جعله في حريقه!!
سلطان الجـذع25-Mar-2009, 08:35 PM
..
ياسلا ياسلام ... صح لسانك وفي انتظار
المشرف سعود
بدر الكريزي25-Mar-2009, 08:37 PM
:)
صح لسانك يالنشمي ..
و علااك بسعود هههه
متااابع متااابع
بندر المرشدي25-Mar-2009, 08:43 PM
الله يعوض على اهل سعود فسعود
حطوه مشرف ولا يفضي دقيقه!!
الله يعوض على اهل سعود فسعود
حطوه مشرف ولا يفضي دقيقه!!
ابو فهد الله يهديك هذا الانساااان المخلص دائما كذا
انت والجذع الليلة عليكم ملاحظااااات.......... ههههه
على كل حال صح لسااااااانكــ
سعود العصيمي25-Mar-2009, 08:57 PM
هههه
نسمع ونسلم ويهبا كل مقرود = مالك على سعود النشمي طريقه
والضيف يلقى الشحم والهيل والعود = ياعلي خلك مع اصحاب المسيقه
سعود العصيمي25-Mar-2009, 08:58 PM
سلطان الجذع
بدر الكريزي
بندر المرشدي
مرحبا ومسهلا
بندر المرشدي25-Mar-2009, 08:59 PM
والضيف يلقى الشحم والهيل والعود
ياعلي خلك مع اصحـاب المسيقـه
ياسلام ياسلام يابو طايل لا اوصيك اليلة زد الكيلة
تراني في صفك عندك النشمي تراه شاربا الهواء
سعود العصيمي25-Mar-2009, 09:06 PM
بندر مرحبا ومسهلا
ازهله لايهمك
والصف يزهابك.
أخو جوزا25-Mar-2009, 09:07 PM
والضيف يلقى الشحم والهيل والعود
ياعلي خلك مع اصحـاب المسيقـه
كفو ياسعود وصح لسانك ولسان النشمى
سعود العصيمي25-Mar-2009, 09:14 PM
ماعليك ياخو جوزا
وصح بدنك وحياك الله.
علي الثبيتي25-Mar-2009, 09:15 PM
منته لدرب الشقى يسعود محدود= انا ماجاملك واقول الحقيقه!!
الحمل ماينقله فاطر ومفرود= لن كان يالهرش حملك ماتطيقه!!
علي الثبيتي25-Mar-2009, 09:17 PM
..
ياسلا ياسلام ... صح لسانك وفي انتظار
المشرف سعود هلا هلا سلطان حياك ربي وصح بدنك
نوآف الغنامي25-Mar-2009, 09:17 PM
يااااااااااااااااااااااااااااااسلام ياسلام ..
صحت السنتكم
واصلو يامبدعين
ابداع * ابداع ..
..
علي الثبيتي25-Mar-2009, 09:20 PM
:)
صح لسانك يالنشمي ..
و علااك بسعود هههه
متااابع متااابعحياك يابدر وصح بدنك وازهل الحرش الليله ناوي اهجده
علي الثبيتي25-Mar-2009, 09:23 PM
الله يعوض على اهل سعود فسعود
حطوه مشرف ولا يفضي دقيقه!!
الله يعوض على اهل سعود فسعود
حطوه مشرف ولا يفضي دقيقه!!
ابو فهد الله يهديك هذا الانساااان المخلص دائما كذا
انت والجذع الليلة عليكم ملاحظااااات.......... ههههه
على كل حال صح لسااااااانكــهلا هلا احترام ياحكومه
اانت تامر يابندر هههههههه
علي الثبيتي25-Mar-2009, 09:25 PM
والضيف يلقى الشحم والهيل والعود
ياعلي خلك مع اصحـاب المسيقـه
كفو ياسعود وصح لسانك ولسان النشمى ارحب ارحب حي الله اخو جوزا وصح بدنك
سعود العصيمي25-Mar-2009, 09:27 PM
انته تقوله والك غاية ومقصود = لكن يمدي على علمك لحيقه
ماقول غير البرا مردود مردود = كم واحد ياعلي نشفت ريقه
سعود العصيمي25-Mar-2009, 09:29 PM
خيال الصفرا
الابداااع وجودك طال عمرك.
سلطان الجـذع25-Mar-2009, 09:37 PM
ماقول غير البرا مردود مردود
كم واحد ياعلي نشفت ريقـه
طيب طيب
علي الثبيتي25-Mar-2009, 09:38 PM
الباب لا تقفله شرهه ومنقود= فعلتك سوت لها فالصدر ضيقه!!
اللي مايفرق مابين البيض والسود=و الله مايعرف عدوه من صديقه !!
أخو جوزا25-Mar-2009, 09:38 PM
الحمل ماينقله فاطـر ومفـرود
لن كان يالهرش حملك ماتطيقه!!
ماقول غير البرا مردود مردود
كم واحد ياعلي نشفت ريقـه
اوقد النار ياشبابها
علي الثبيتي25-Mar-2009, 09:40 PM
خيال الصفرا
الابداااع وجودك طال عمرك.
سعود العصيمي25-Mar-2009, 10:01 PM
مهما نسوي بعلي ايروح ويعود = ماباقي الا نعشقك اتعشيقه.
إنورد الصادره وانصدر ورود = ماوقت لك ريع غيرك مايويقه
شـــلـــهوب25-Mar-2009, 10:12 PM
اللي مايفرق مابين البيض والسود
و الله مايعرف عدوه من صديقه
كلام كبير
النشمي والمشرف سعود مبدعين
سعود العصيمي25-Mar-2009, 10:21 PM
النشمي =
الله يعوض على اهل سعود فس!!عود=حطوه مشرف ولا يفضي دقيقه!!
ون جالهم ضيف قالو غير ماجود=ماهو بموجود جعله في حريقه
سعود العصيمي =
نسمع ونسلم ويهبـا كـل مقـرود=مالك على سعود النشمـي طريقـه
والضيف يلقى الشحم والهيل والعود=ياعلي خلك مع اصحـاب المسيقـه
النشمي =
منته لدرب الشقى يسعود محدود=انا ماجاملك واقـول الحقيقـه!!
الحمل ماينقله فاطـر ومفـرود=لن كان يالهرش حملك ماتطيقه!!
سعود العصيمي =
انته تقوله والك غاية ومقصود=لكن يمدي على علمك لحيقـه
ماقول غير البرا مردود مردود=كم واحد ياعلي نشفت ريقـه
النشمي =
الباب لا تقفلـه شرهـه ومنقـود=فعلتك سوت لها فالصدر ضيقـه!!
اللي مايفرق مابين البيض والسودو الله مايعرف عدوه من صديقه !!
سعود العصيمي =
مهما نسوي بعلي ايروح ويعود=ماباقي الا نعشقـك اتعشيقـه.
إنورد الصادره وانصـدر ورود=ماوقت لك ريع غيرك مايويقـه
مزيد العصيمي25-Mar-2009, 10:33 PM
ياسلام عليكم
جميع
ابداع
ماشاءالله
سعود صح لسانك
النشمي صح لسانك
.
.
* _ *
علي الثبيتي25-Mar-2009, 10:37 PM
الهرش يرغي وقام يسوقه العود=في قلبه انحاز وجروحه عميقه!!
كثر المدايح غلط بقليل الفود=لو كان بندر واخو جوزا فريقه!!
علي الثبيتي25-Mar-2009, 10:50 PM
اللي مايفرق مابين البيض والسود
و الله مايعرف عدوه من صديقه
كلام كبير
النشمي والمشرف سعود مبدعين ارحب ارحب ومشكو رعلى المرور الكريم
علي الثبيتي25-Mar-2009, 10:52 PM
مزيد العصيمي حياك الله وصح بدنك
ودور عقال وعقل الهرش واكفنا شره خخخخخخخخخ
ابو لمار25-Mar-2009, 10:56 PM
الله الله الله
النشمي + والمشرف الجديد سعووود
محاورة عمالقه
صحت الالسن والقلوب
والصف حجازي مافيها كلام
الجار للجار ولو جار ههههه
الظاهر علي بيورطني الليله
اشوف داخل في الحكومه عرض
ههههههههههههههههه
الله يخارجنا
واصلواااااااااااا يامبدعين
تحيااااتي
سعود العصيمي25-Mar-2009, 11:10 PM
الهرش يكسر بعين الحاسدي عود = ماهوب مثل السراب ولا بريقه
علمك هذا مامنه نقصآ ولا زود = ياجامع الناس في ماه ودقيقه
علي الثبيتي25-Mar-2009, 11:11 PM
حي الله الجار ابو لمار على حشمه ومقدار ولا يحمى فالدار الا حجر الدار
ونبا نولع في سعود النار خخخخخخخخخخخ صح بدنك ياعبد الرحمن
سعود العصيمي25-Mar-2009, 11:18 PM
ابو لمار
مرحبا حياك الله.
علي الثبيتي25-Mar-2009, 11:28 PM
حرام يالهرش ماتصلح مع الذود= ياليت ناصر يوديك الحديقه!!
اثنين ويسد فيكم عظم عجرود= ويكفيكم السور من قدر السليقه!!
هههههههه تصبح على خير يابوطايل والسلامه منك غنيمه يامجرم
الحروب العالميه
سعود العصيمي25-Mar-2009, 11:43 PM
ههههه
طيب طيب
يالمجرم
دوك الختام.
ياعلي انا بنشدك متى انت مولود = وش عرفك فالبعير وفالنويقه.
من يوم طلعت راسك عن هل الجود = مالك عروق مع عتيبه عريقه.
سعود العصيمي25-Mar-2009, 11:56 PM
النشمي =
الله يعوض على اهل سعود فس!!عود=حطوه مشرف ولا يفضي دقيقه!!
ون جالهم ضيف قالو غير ماجود=ماهو بموجود جعله في حريقه
سعود العصيمي =
نسمع ونسلم ويهبـا كـل مقـرود=مالك على سعود يالنشمـي طريقـه
والضيف يلقى الشحم والهيل والعود=ياعلي خلك مع اصحـاب المسيقـه
النشمي =
منته لدرب الشقى يسعود محدود=انا ماجاملك واقـول الحقيقـه!!
الحمل ماينقله فاطـر ومفـرود=لن كان يالهرش حملك ماتطيقه!!
سعود العصيمي =
انته تقوله والك غاية ومقصود=لكن يمدي على علمك لحيقـه
ماقول غير البرا مردود مردود=كم واحد ياعلي نشفت ريقـه
النشمي =
الباب لا تقفلـه شرهـه ومنقـود=فعلتك سوت لها فالصدر ضيقـه!!
اللي مايفرق مابين البيض والسود=و الله مايعرف عدوه من صديقه !!
سعود العصيمي =
مهما نسوي بعلي ايروح ويعود=ماباقي الا نعشقـك اتعشيقـه.
إنورد الصادره وانصـدر ورود=ماوقت لك ريع غيرك مايويقـه
النشمي =
الهرش يرغي وقام يسوقه العود=في قلبه انحاز وجروحه عميقه!!
كثر المدايح غلط بقليـل الفـود=لو كان بندر واخو جوزا فريقه!!
سعود العصيمي =
الهرش يكسر بعين الحاسدي عود=ماهوب مثل السراب ولا بريقـه
علمك هذا مامنه نقصـآ ولا زود=ياجامع الناس في مـاه ودقيقـه
النشمي =
حرام يالهرش ماتصلح مع الذود=ياليت ناصر يوديك الحديقـه!!
اثنين ويسد فيكم عظم عجـرود=ويكفيكم السور من قدر السليقه
سعود العصيمي =
ياعلي انا بنشدك متى انت مولـود=وش عرفك فالبعيـر وفالنويقـه.
من يوم طلعت راسك عن هل الجود=مالك عروق مع عتيبـه عريقـه.
%الصامل%26-Mar-2009, 07:43 AM
ياسلام ابداع حقا
لكما الشكر
حاكم الغنامي26-Mar-2009, 10:22 AM
الله الله
صحت الالسن والقلووووووووب
كثر المدايح غلط بقليـل الفـود
لو كان بندر واخو جوزا فريقه!!
(( هذا عاقبته ووخيمه يالنشمي))
معجب العتيبي26-Mar-2009, 12:13 PM
النشمي
صح لسانكم
دائما متميز ومبدع وشرسسسسس
سعود مافيك حيله
ضد جبهتين ومايقدرونك بدرررررررررري عليهم
صح لسانك
استمتعت بمتابعة الطاروق والتزمت الصمت
سعود العصيمي26-Mar-2009, 05:47 PM
الصامل
مشكووور على المرور
والاطراااء
حاكم الغنامي,
صح بدنك يالغالي.
سعود العصيمي26-Mar-2009, 05:50 PM
النشمي
صح لسانكم
دائما متميز ومبدع وشرسسسسس
سعود مافيك حيله
ضد جبهتين ومايقدرونك بدرررررررررري عليهم
صح لسانك
استمتعت بمتابعة الطاروق والتزمت الصمت
ابو سلطااااان
يامرحبا ويامسهلا
وصح بدنك ومشكووور على التحفيز الرااائع.
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
