عايض الدوسري مافيه الا انت تعال

ياعايض الدوسري وشفيك جالس وحيد=وراك ماتشعل النيران وتشبها
تاجر مع القوم جعلك تستفيد وتفيد=وان كان منته بتاجر كبها كبها

احاسب النفس قدام الحشر والوعيد=ليت الاوادم تطيع وتلتجي ربها


تاجر مع القوم ماراجع حساب الرصيد=يوم ان بعض العرب ياذيب مع جنبها

الله يعوضك بأجر والله عذابه شديد=والعالم المسلمه ياخوك وش ذنبها
ان كان عندك رصيد اليوم هات الجديد=ولاصار دلتك تافي صبها صبها

دعوتك يارب تقبل عند رب العبيد=يوم انك خابر عذابه لحيتك ربها


يامنادي القوم ماشفنا السمن والثريد=من عقبك عتيبه الله زايدا حبها

بومناسيب بصلي وبعود

الله الله ..

ناديت يمك وانا خابرك منته بليد=ابغاك تسبح بحر والغبه اتطبها
يالدوسري فنكم وش فيه عنا محيد=افنونك اعتيبه الهيلا ماتلعبها

ناديت يمي واناجاوبت ماني بعيد=قدمك نفودا كثيبه تتعبك ذبها


فني يشابه لفنك لتلف وتحيد=الزير لعتيبه الهيلا وتضربها

ماقدمي الا السهول المجرهده تزيد=مافيه عايق يعوق اللي فطن لبها
ياليت تسمع لبو تركي وتسمع رشيد=مادام ماعندك الا اللي تطيربها

انته تقوله لكن قدمك مقيد بقيد=قيدنا لبعض للجمال الي بدا جربها


ترا السديري يكفي فالنسب والقصيد=ويواجه القوم حتى يطحن حبها

تصبح على خير

والساري على خير