الله الله مرحبا بالنشمي اللي ياعتيبه
عبدالله الاصعر13-Jun-2009, 06:53 PM
الله الله مرحبا بالنشمي اللي ياعتيبه=الله الله شاعر مايختلف طول الليالي
الله الله وان حضر فالملعبه ياخذ نصيبه=الله الله ماينوخ للحمول الا الجمالي
علي الثبيتي13-Jun-2009, 07:08 PM
الله الله والبقا ياشاعراً معروف طيبه= الله الله والولد لا طاب من طيب الخوالي!!
الله الله سيفنا المسلول كلاً يعتزيبه=الله الله محتزينه للمعارك والقتالي!!
عبدالله الاصعر13-Jun-2009, 07:29 PM
الله الله والشداد اللي على وسق النجيبه=الله الله مايحصل مثل ابو زيد الهلالي
الله الله غاب راعي السيف وابطى في مغيبه=الله الله ثم يالنشمي عليك الحمل مالي
ذيب الملاعب13-Jun-2009, 07:35 PM
الاصعر عبدالله
النشمي
صحت الألسن
واصلوا
متابع
علي الثبيتي13-Jun-2009, 07:42 PM
الله الله محتمين الدار من نمره وذيبه=الله الله من ضمي يشرب من الجم الزلالي!!
الله الله مالحقنا فالزمن جور وغليبه=الله الله مانسيسها على الجرف الهيالي!1
عشقA13-Jun-2009, 07:52 PM
هالله هالله عليكم...
طارووووووووووق ممتع من شعرااااااااااء كباااااااار...
صح لساااااااااااانكم...وااااااااااااصلو
متااااااااااااااابع...:)
عبدالله الاصعر13-Jun-2009, 07:58 PM
الله الله نرفع الرايه ولا نخطي الضريبه=الله الله من غداء يدل بالنجم الشمالي
الله الله مالحقكم ياعرب شكه وريبه=الله الله مير حنا الروس واصحاب المعالي
عبدالله الاصعر13-Jun-2009, 08:01 PM
ذيب الملاعب
عشق
صحت ابدانكم
لكم تحياتي
ابو لمار13-Jun-2009, 08:10 PM
عبد الله الاصعر
النشمي
صحت السنتكم وقلوبكم
مبدعين ولاغرابه الابداع من اهله
واصلواااااا
متاااابع
عبدالله الاصعر13-Jun-2009, 08:12 PM
ابولمار
حياك الله
وصح بدنك
لك خالص تحياتي
علي الثبيتي13-Jun-2009, 08:15 PM
الله الله خابرين ولا عقلها غار شيبه=الله الله يوم شرب الكيف من مرً وحالي!!
الله الله حكمنا يمشي رضى والاغصيبه=الله الله لا تداحم لك جبل يبن الحلالي!!
علي الثبيتي13-Jun-2009, 08:17 PM
حياكم كلاً بسمه وصحت ابدانكم جميع
علي الثبيتي13-Jun-2009, 08:19 PM
عبدالله صح لسانك مليون
انا معزوم عند شرواك والان فترة عشاء
عبدالله الاصعر13-Jun-2009, 08:56 PM
الله الله خابرينك شايب والله مصيبه=الله الله مير عبدالله عقلها بالعقالي
الله الله مالكم حكم وعلى مثلك صعيبه=الله الله مير خلك يالعتيبي فالضلالي
علي الثبيتي13-Jun-2009, 09:05 PM
الله الله لا تقول الزور واحذر تدعيبه=الله الله مايثبت غترتك غار العقالي!!
الله الله شيخنا قاد السريه والكتيبه= الله الله وانت تال القافله ياهملالي!!
عبدالله الاصعر13-Jun-2009, 09:28 PM
الله الله والكلام اللي ينقد مانجيبه=الله الله نشرب الفنجال من صفر الدلالي
الله الله كلكم رحتو سريبه في زريبه=الله الله ثم ردينا البراء والحض عالي
علي الثبيتي13-Jun-2009, 10:07 PM
الله الله مانجيه ولانت مجبور اتحكيبه= الله الله ماوردنا العد بقصار الحبالي!!
الله الله فعلنا ماينجحد كلاً دريبه=الله الله محتميك الشيخ حماي التوالي!!
الحجازونجد13-Jun-2009, 10:10 PM
الله صحت السنتكم
مادامك ياعبدالله مشغول مع الثبيتي اجل ترد على بعدين وش رايك
عبدالله الاصعر13-Jun-2009, 10:48 PM
الله الله طاح دلوك يالثبيتي في قليبه=الله الله لا تنومس به مع ثقات الرجالي
الله الله ماتعديت السويل ولا شعيبه=الله الله لا تكلم في كريمين السبالي
علي الثبيتي13-Jun-2009, 11:12 PM
الله الله وش تبا بالزور قلي وش تبيبه= الله الله مع رجال المعرفه ماله مجالي!!
الله الله سيفنا اللي في مغازيك اتغزيبه=الله الله كيف تنكرني وتجحد راس مالي!!
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
