سعدالعصيمي تقدم حياك الله
عبدالله الاصعر15-Jun-2009, 07:16 PM
مرحبا رحب نسوقه لوافين السبال=مثل سوق الشاذليه على شرابها
ليلة جت بالعصيمي من خيار الليال=والعلوم الطيبه حاسبين حسابها
سلطان الجـذع15-Jun-2009, 07:26 PM
الله الله الله
صح لسانك وفي انتظار المذكور أعلاه :)
علي فلاح العضياني15-Jun-2009, 07:36 PM
الله الله
صح لسانك يالاصعر
و صح لسان سعد العصيمي مقدماً
متاااابع
سلطان بن دحيم15-Jun-2009, 07:53 PM
الليل الليل
صح لسانك
وصح لسان سعد مقدما
كلكم مبدعين
تحياتي
مرزوق حمدان العتيبي15-Jun-2009, 08:00 PM
..
..
الف صح لسانكــ ياعبدالله
.. وننتظر قدوم العملاق سعد العصيمي وصح لسانه مقدماً ...
...
ابو لمار15-Jun-2009, 08:12 PM
صح لسانك ياعبدالله
شاعر جزل ولا غرابه
بدايه كايفه
في انتظار سعد ليكتمل الابداع
وصح لسانه مقدما
متاااابع
عيد العازمي15-Jun-2009, 09:02 PM
الله الله
صح لسانك يالاصعر
و صح لسان سعد العصيمي مقدماً
سـعـد الـعـصـيـمـي15-Jun-2009, 09:57 PM
عبدالله الاصعر
ماشفت مبداك الا هالحين اعذرني مار دقايق وجايك الرد
يامرحبا بالجميع كلن بسمة
وشرفتونا بحضوركم
سـعـد الـعـصـيـمـي15-Jun-2009, 10:01 PM
الله الله
البقا والطيب عندي وعندك لامحال=قلتها ويقولها الكل وانت ادرابها .. !!
ترقبون الشمس عند الطلوع مع الزوال=ماحسبتوا للمشاكل وكثر اتعابها .. !!
عبدالله الاصعر15-Jun-2009, 10:20 PM
ياسعد من يوم عندك رصيد وراس مال=خوت اصحاب المعالي تراك اولابها
وان تعدت حدها والرشا ركب المحال =عنك ردينا سباعا تحد انيابها
عبدالله الاصعر15-Jun-2009, 10:22 PM
يالربع ودي احيي كل باسمه
لكن مشكورين على مروركم الكريم
ولكم خالص التحيه والتقدير
سـعـد الـعـصـيـمـي15-Jun-2009, 10:50 PM
استلم .. ونكمل بكره انا برقد هالحين
كان راح الامر بين البناخي والخوال=العلوم الضايعه مافتحنا بابها .. !!
والذياب اللي تعاوى على روس الطوال=ابشر اني ذيب نابي يطاول نابها .. !!
علي فلاح العضياني16-Jun-2009, 09:56 AM
الله الله
واصلوا يعطيكم الف عافيه
عبدالله الاصعر16-Jun-2009, 12:44 PM
العلوم الضايعه مالها عندي مجال=ابشر بخوة رجال طوال اشنابها
خابرينك ياسعد طول عمرك فالضلال=والمعارك فالميادين ماتشقابها
سـعـد الـعـصـيـمـي16-Jun-2009, 04:35 PM
وش تسمي ناقةً لاهجار ولا عقال=ماوسمها الا جربها وكبر جرابها .. !!
لاتذم الذيب ابو ناب ياراع الحلال=جنب الضلعان واسلم شرور اذيابها .. !!
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
