ســلام رديةٍ تضفـي عـلـيكـم عـمـوم "
فهد الحصيني25-Jan-2010, 08:10 PM
ســلام رديةٍ تضفـي عـلـيكـم عـمـوم=مـثل السحاب أيتـكاشـح نـور براقهـا
السيف حـده رهـيف وماتجيه الثلوم=يقـص دايم رقاب الناس واعناقها
حسن إبراهيم الدجيماء25-Jan-2010, 08:18 PM
الله الله يالذيب ... دايم مبدع في طلتك .. وتلفت الانتباه لك بسرعة .. وانا تشرفت في لعبي معك فيما سبق .. واترك المجال لأخواني ولا والله ودي .. لكن الوقت توخر والمخ مقفل .. لكن نبا نتاااابع ..!!
صح لسانك ولاهنت ..! وفي انتظار قبيلك ..!!!
فهد الحصيني25-Jan-2010, 08:23 PM
الدجيماء
...
الأبداع حقيقةٍ هو حضورك المميز يالغالي
وأنا كذالك اتشرف بالعب معك
وصح بدنك والله يسلمك ويرعاك
لك ودي وتقديري
علي الشهراني25-Jan-2010, 08:45 PM
انت يا الذيب موجود عشان نرد عليك
لاني رجال لعبي مباشر و البايت ماله طعم
انتظر ردك
فهد الحصيني25-Jan-2010, 08:49 PM
علي الشهراني25-Jan-2010, 08:55 PM
يا مرحبا يا هلا في برد و الّا سموم=ترحيبةٍ ثابتٍ بالوقت ميثاقها
يا راعي السيف لا تامن قوي السهوم=عاين غروب النجوم و عاين اشراقها
فهد الحصيني25-Jan-2010, 09:16 PM
دام البقا بعد ما جالك قوي العزوم= اللي يعرف العلوم ويعرف سياقها
غير المقدر ماحصل شيء شيء معلوم=وأخاف أحملك حمله مابتطاقها
علي الشهراني25-Jan-2010, 09:23 PM
يا مال فرقا العلوم اللي تجيب الهموم=و الله يعين اهل مكه تعبر انفاقها
لقيت سيارةٍ تلعب بخط الجموم=الظاهر ان البلا في راس سوّاقها
علي الشهراني25-Jan-2010, 09:45 PM
صح لسانك يا الذيب
و الى لقاء اخر
تصبح على خير
فهد الحصيني25-Jan-2010, 09:48 PM
أنا اشري من الذهب وأنته ماتشري تسوم=وعيت تكب العرب ياربعي أنفاقها
هذيك سيارتك تقضي عـليـها الزوم=ازعجت خلق الله أنته سبت ارهاقها
فهد الحصيني25-Jan-2010, 09:50 PM
الراي السديد
صح بدنك والله يسلمك
وتصبح على خير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
