المحاورة المباشرة بدون ردود ((حمدان العصيمي وعلي العضياني))

حمدان العصيمي=

سـلام رديـه تبـثّ النـور فـي وجـه العتيـم=مايختلف واحـد مـن العشـره علـى ميزاتهـا
في كل عام أظهر زكـاة المـال واكفلّـي يتيـم=واضحك مع أصحابي وانا اعرف وش ورى نياتها







علي العضياني=

يا مرحبا ترحيب مـا مثلـه يوقّـع فالصميـم=علـى عوايـد روس قـومٍ تفخـر بعاداتهـا
أبشر بالأجر إن كان و ليا إنّ اليتاما من عصيم=و إن كان من غير القبيله تلحقـك شرهاتهـا










حمدان العصيمي=


حصلت لك جرّه جديده بين زمزم والحطيم=مدري صلاتك فالحرم كم هي عدد ركعاتها
مابانت النعمه على العضيان في وادي النعيم=لو السماء تعطي كفوف الارض من خيراتها











علي العضياني=


حنّا نصلي فالحرم من سابق العهد القديم=كلّ السور فالمصحف نرتّل عليك آياتها
إتقولها ما كنّك إلاّ تاجر من أهل القصيم=تراك ما تجهل مشاهير العرب وقضاتها











حمدان العصيمي=


أهم شي إنك تسير مع الطريق المستقيم=بعض الخطوط تشوّش الافكار مع لفاتها
اللي سكن برج العليا ماسكن حي النسيم=وانته على قول المثل ود العلوم وهاتها









علي العضياني=


البخل يا حمدان ما يطري علـى بـال الكريـم=أهل الكـرم طالـت يمانيهـا علـى هقواتهـا
وقتٍ مضى ما غير أبو مشعاب شاعر في سليم=و اليوم غيره ناس نسمع في سليم أصواتهـا








حمدان العصيمي=

البخل بعض أحيان أخير من الكرامه فاللئيم=خلـك دقيـق وجـرّب الدقـه وخلفياتهـا
بعد غدت منك الثقه مال الخصيم الا الخصيم=بالله ياسايـق عـراوي لاتعكـس مراتـهـا






علي العضياني=

ما يرحل الطبع اللذي يقيم حيث إنّـه يقيـم=تثبت و تنفي و الحقيقه ما نفيـت إثباتهـا
الله يعزّك يالضمير الحيّ و العقـل السليـم=الفرق بين أحياء الضماير يا علي و أمواتها

..
.

بيض الله وجهكــــ..... وسلمت يداك يابو طايل ....