مرثية الشاعر : مشاري النثري في أخيه مشعل

بسم الله الرحمن الرحيم

السلام عليكم ورحمة الله وبركاته

مرثية الشاعر : مشاري النثري في أخيه مشعل بن رفاعي النثري " رحمه الله "

المتوفى الاربعاء 8/5/1431اثر حادث في مدينة ابوجلال



لاواعناي من السهوم العطيبات=اللي ماتاسعها الضلوع المحاني
ياليتني ميّت ومن ضمن الاموات=ولا انفجعت بواحد ٍ من اخواني
اللي خذته ايام بقعا المريرات=واقفى وخلانا بفقده نعاني
واللي معلمني به ابوي بالذات=يوم اتصلبي فالرياض ودهاني
يقول مشعل صار له حادث ومات=ووقفت من هول المصيبه ثواني
ماسمع ياكود اصبر وبعض التنهات=وثره يقصّر بنهتانه عشاني
وانهل دمع العين غارات غارات=حاولت ارده بالرموش وعصاني
تشوف لآثاره رسوم وعلامات=الخد فيه رسوم والوجه حاني
نعم .. من الفرقا وكثر المعانات=بكيت حتى من عرفني بكاني
ماهو جزع باقدار رب السموات=لكن في نفسي بقايا أماني
اما وداعه قبل موته بلحظات=ولا قبل ياخذه .. موته خذاني
قرم ٍ حماسه لكتساب الجمالات=اعز من تحقيقها بالمعاني
الله فيه من الوفا والمروات=والله فيه من العطا والتفاني
يعرف وش ابغى قبل اقوله بنظرات=واطوع على تنفيذته من بناني
لو فيه مخلوق ٍ خدم بالصلوات=ان كان حتى في صلاتي كفاني
عساه بالجنه رفيع الدرجات=وانّه يعين بما بقى من زماني
موته بطش بالخافق وحطّم الذات=وتهبيطته وسط القبر موت ثاني

نسأل الله له الرحمه والجنه وجنات النعيم ..

..
عظم الله اجر مشاري ورحم اخاه ...
صح لسانه على هالقصيده المعبره في اخيه ...
ولاهنت ياطارق ....

..
عظم الله اجر مشاري ورحم اخاه ...
صح لسانه على هالقصيده المعبره في اخيه ...

عظم الله أجرهم وأحسن أعزاهم

نسأل الله لمشعل الجنة والمغفرة والعتق من النار

صح لسان مشاري

قصيدة يتجلى فيها الفقد وروح الاخوة وصدق المشاعر

شكراً ياطارق

تحياتي

رحمه الله وجميع اموات لمسلمين ..

مرثية مؤثره

لاهنت يالغالي على النقل

تحيتي
..

يعطيك العااااافية طارق

الله يرحمه ويسكنه فسيح جناته


مشكووووور اخوي طارق على الطرح



تقبل مروووووووري

الله يرحمه ويسكنه الجنة

عظم الله اجرهم

..
عظم الله اجر مشاري ورحم اخاه ...

صح لسانه على هالقصيده المعبره في اخيه ...

ولاهنت ياطارق ....

,,,

الله يرحمه

إنا لله وإنا إليه راجعون


أحسن الله عزاه في اخوه ,,,,,,,,,,


ورحم الله ميتهم وأسكنه فسيح جناته