قصيدة الخيانــــة ( لمحمد بن دخيل العتيبـــي )

بسم الله الرحمن الرحيم

قصيدة الخيانة

جتني تقول اليوم يا فلان مابيك
ما عاد لك بالقلب مثقال ذرّه

حبّيت غيرك وانت وش عاد لي فيك
دوّر على غيري حبيبٍ تبرّه

قلت ارحلي ياللي تبعين شاريك
أقولها يا بنت مليون مرّه

مادام خنتي عهد من كان مغليك
عارٍ عليّ القلب يمّك أجرّه

والله مرمي عزَّتي بين اياديك
ولاذِل نفسي دامها النفس حرّه

ولا اطرد سرابك لوّنه القلب ضاميك
ولو هو حداني الوقت برده وحرّه

وان عاد شفت القلب يتبع حراويك
دفنت قلبي حي واخفيت سرّه

هذي جزاتي، روحي الله يجازيك
يالخاينة بالحزن عقب المسرّه

روحي عسى سود الليالي تورَّيك
طعم المرارة والألم والمضرّه

ويا عل مايطري على القلب طاريك
ولا شوف لك يا بنت فالأرض جرّه

محمد بن دخيل العتيبـــي

اشهد ان لا اله الا الله

صح لسانك يا جري

وصح لسان الشاعر محمد

فعلاً قصيدة جزله ومن روائع القصيد

لك تحية ود بعبير الورد

على النقل الراقي

فيصل

صح السانك والسان الشاعر

تحيااااااااااااااااتي