الخرااااص مطلوب عاجلا ً
نادر بن طريخم14-Apr-2005, 01:44 AM
استلم يالخراص
جات يالخراص ساعات القـرار= قبل تبدا شوري انـك تستشيـر
وانصحك لاسرت معنا للمطـار= شف نظام النبض من قبل المطير
الخــراص14-Apr-2005, 02:13 AM
مرحبا ومسهلا
أستلم لاهنت
مرحبا فاليل وألا فالنهار=في مجال الشعر ماعندي وزير
واقفٍ قدام عينك فالمسار=محتسلك فالقاء سيفٍ شطير
نادر بن طريخم14-Apr-2005, 02:42 AM
استلم لاهنت
لو يصيبك بعد لحظات انهيار = ساعةٍ فيها يناديك المصير
ساعةٍ ماعاد لك فيها خيار = والقدر باعك عن كتابه قصير
الخــراص14-Apr-2005, 03:05 AM
لو رفعت البيت حناله دمار=وإن نسيت العام قد جالك نذير
أشرم البرطم ترى ماشب نار=وأنته الليله وصلت أمرٍ خطير
نادر بن طريخم14-Apr-2005, 03:16 AM
خلوووووووووووووووها
انتبه لاصرت في درب الكبار = وابتدا لعب الكبير مع الصغير
لو سرى ليل الرمك كر وفرار= تصبح المجروح فيها والضرير
الخــراص14-Apr-2005, 03:27 AM
خلها انت
انت يانادر تبا رد أعتبار=مار تبطي وأنت في سجني أسير
التجاره غير عن لعب القمار=لايضيع الفكر وإتعكس المسير
نادر بن طريخم14-Apr-2005, 03:41 AM
خلوووووووووووووووها
يوم انا وياك بالفصل اختبار = ماقويت الحكي في حضرة مدير
كيف عاد اليوم يالخراص صار = لك كلام ٍفيه هقوات الكبير
الخــراص14-Apr-2005, 03:57 AM
خلوووووووووووووها
لاتشب النا من قدحت شرار=مغلقٍ كل الطرق مالك منير
الخطر لاتقتربله كان ثار=ثم أتعود لـ الرغا عقب الهدير
نادر بن طريخم14-Apr-2005, 04:09 AM
استلم
سيفنا مجرود لك سر وجهار = بالمهمه ماحملنا له جفير
غمدته بالحلق من خلف الزرار = فتحة ٍمنها شهيقك والزفير
ماجد الهذلي14-Apr-2005, 04:10 AM
الله الله
محااااااااااااوره رائعه
تسلموووووون ومتابع لك لين الفجر
نادر بن طريخم14-Apr-2005, 04:15 AM
الأخ @ماجد@
الرائع هو متابعتك
نتشرف بوجودك والظاهر أذن الفجر
الخــراص14-Apr-2005, 04:26 AM
خلووووووووووووووووها
ما يجهز للهدد غير الحرار=وأنت لو حاولت ماتقدر تطير
ياعميلي فزتك فزت إحوار=والحمول الكايده تبغا بعير
الخــراص14-Apr-2005, 04:29 AM
ماجد
مرحبا والله ومسهلا
حضورك ومتابعتك
شرف كبير
لاهنت
الخراص
نادر بن طريخم14-Apr-2005, 04:29 AM
خلووووووووووووووها
محكمين الحظر حولك والحصار= وانتبه للموت نزعات وغرير
انطق بلفظ الشهاده باختصار = واعلم ان الحشر له يوم ٍعسير
عايض الحبابي14-Apr-2005, 04:57 AM
نادر .. والخراص ..
يازين هالمحاوره والله ...
سجلوا أعجابي وتقديري لكم ..
واصلوا وتقبلوا تحياتي ..
الخــراص14-Apr-2005, 06:29 PM
الله الله
استلم يأبن طريخم
أرفع البندق وضبط فالعيار=لا يجيك اليوم شرٍ مستطير
لا تجي يم البحر هذا أنتحار=كيف تسبح وأنت تغرق في غدير
نادر بن طريخم14-Apr-2005, 09:06 PM
والله مانت بسيط ياولد العلم بحر
استلم استلم
ياقمر وتدور في نفس المدار = كن مالك في سما نجد ٍخشير
ليلك الثاني سرى وقته ودار = وحبلنا من حول حلقك يستدير
الخــراص15-Apr-2005, 12:03 AM
الأخ العزيز
نادر بن محمد
تشرفت بالعب معك
وأمسحها في وجهي هاذي المره
ولاعاد اعودها
تحياتي لك
نادر بن طريخم15-Apr-2005, 12:22 AM
الأخ العزيز / بنيدر الخراص
مستقبلك بالمحاوره مستقبل
مشرق تستخدم مخارج عده
من الأزمات وتصعب السيطرة
عليك ... تهاجم كثيرا ً
أبدعت وأجدت أسعدني اللعب معك
لا أثق فيما كتبته بعدم العودة مجدا ً
تقبل شكري وتقديري
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
