محد تجي دنياه دايم على الكيف

محد تجي دنياه دايم على الكيف----



--------------------------------------------------------------------------------

محد تجي دنياه دايم عــلى الكـــيف 00 يوم محل واليوم الأخر مريـــفـــــــــــــه
لاتلتفت تكثر عليك التــــــحاســـيف 00 مافات منها ..مات .. خله بـــــكيفـــــه
ترقى بصيتك فوق رؤوس المشاريف 00 وتمشي معك مثل الهبوب اللطيفـه
اليا أقبلت لمت شـــتات الموالــيف 00 واليا أبعدت ينسلى وليف ولــــــيفــــه
مادام انا وياك دايـم مــــــلاهـــــيف 00 ومتقاسمين حبـــــــنا بالنــــــصيــــفه
أنا خوي السـهر والســـهر ضـــيف 00 ومن عادتي لاحل ضيف استضيـــفه
حبك نزل بين الضلوع المـــــهاديف 00 الصدق بـــين والنــــــوايا شــــــريفــــه
مع غيرك انتي ماتطيب السواليف 00 ياللي على قلبي .. مزوحك خــفيفـــه
قصة غلاك تشرف القلب تشـــريف 00 سيرة غلا ... بين القلوب النـــــظيفــــه
انتي اليا وصفت فوق التواصــــيف 00 ياللي لزينـــــك كــــل زيـــــن وصيفــــه
مامرني زينك ولا بالنظر شـــــــيف 00 الزين في غيرك مـــغطــــيه زيــــــفـــــه
وان قيل به للزين والحس تـــعريف 00 انتي عن أجمل مايوصــف مـــــنيفــــه
الناس تفرح بالمرابــــــع وبالريــــف 00 وقربك لقلبي هو ربيـــعه وريــــفـــــه
مـــع تحـــيــــات :ابوطلال


حفضتها دايم ارددها صح السان الشاعر

ابو طلال

صح السانك والسان الشاعر لاكن ياليت تذكر اسمه

تحيااااااااااااااتي

...
اختيار موفق والله يعطيك العافيه
وفي الحقيقه تستحق الحفظ ..
تحياتي

تسلم يمناك

لاهنت

تحياتي

اخي الد لبحي الشاعر اسمه الشمالي هذا الاسم الذي يرغب فيه حسب طلبه



ابن عمك الشيباني

مرزوق الله يرزقك بمليون ريال وعطني نصفها




اخوك ابو طلال

داهية عتيبه اسم على رجل يستاهله





ابو طلال

ابو طلال

صح لسانك و لسان الشاعر

قصيدة جزلة و تستحق الأشادة و النقل

لاهنت يالغالي

تحياتي

صح لسانك يبو طلال وصح لسان الشاعر الشمالي ومشكور ولا قصرت.
فيصل المسعودي