قصيدة/براك /في منقية الشيخ/ طويق الافي

يازين بدع القاف فاباعر طويق=يابادع القيفان عاين وشفها
علق على زين المغاتير تعليق=قبل تقول القاف شفها وحفها
الزين واضح مايبا الزين تبريق=بين تهايا زينها من طرفها
ماجابها كود الذهب والمواثيق=ارخص لها كيس الفلوس وصرفها
توفقت وطويق راع التوافيق=قاد المسيره لين وصلت هدفها
جاي لها بين المسيره تباريق=ولافيه واحد شافها ما عرفها
يوضي شعاع الوانها باسمر الهيق=سحابةٍ براقها في سدفها
الزين كله في نحرها شباريق=كم زينةٍ بالزين تلعن جدفها
ما مثلها جابو ولا مثلها سيق=ولا كل من شاف الغزايز وصفها
الله يعديها عيون التفافيق=هل اهل السيوف اللي تحدد سيفها
نوار عشبٍ في مفيض المغاريق=وطويق ناحر للزهور و قطفها
حر(ن) شهر في عاليات الشواهيق=حول بصعبات الامور وعسفها
واله على ماقيل فيها تلاحيق=الطيبه قدم النشاما خطفها
اسلم وسلملي على يابس الريق=كل المراجل فوق متنه نسفها
ماحط من دونه حماه ولماصيق=شيخ(ن) يعزل الصافيه عن عدفها
بيت المعزه ما تجيه الاراويق=وطويق من كل الجوانب سقفها
خزنة عتيبي(ن) بوسط الصناديق=مافك عنها لين نقا حشفها
ما يلحقنه مطلقات المسابيق=خطوا الحرار اللي تطير بعلفها
حلق على اهل المغاتير تحليق=بام الدروع اللي تزايد صلفها
كنها تسج اذوادهم بالمطاريق=يكفيه عن هبد الايادي وحفها


الشاعر/براك بن مشعان العليجي


في منقية الشيخ /طويق بن مقعد الحافي

المشرف


الرجاء تصحيح العنوان

ليصبح(قصيدة/براك بن مشعان في منقية الشيخ/طويق الحافي

...

صح لساااااااااااانه


وطويق يستاااهل..


...

محمد الذيابي

صح بدنك

تحياتي لك

المفروض في منتدى شعراء عتيبه ياطيب


صح لسانه ولسانك وطويق يستاهل الطيب

عزارم

صح بدنك لاهنت


شاكرا لك مرورك الجميل


تحياتي وتقديري لك

صح لسانك يابو فيصل وشكرا لبوجزا ء وتقبل مروري

جار الزمان

صح بدنك بالنيابه

شاكرا لك مرورك لاهنت

تحياتي لك