(مرزوق العتيبي مع التحيه والتقدير)!!!!

الشاعر الغالي : مرزوق العتيبي
الوقت اللي يناسبك
محاوله فقط نجاريك فيها ونكتسب منك

إستلم لاهنت





سلام الله سلامٍ مستقل ولايجيه قصور=على (الهيلا)عموم ولادخله الشك والظني


أنا لي صاحبٍ يامر على غيره وهو مامور=قبل لاأنشد عنه يامره طيبه لو نشد عني

ارحب يابعيد المظر

ومرزوق على خبري انا ماشي اليوم للديره

وبيتغيب كمن يوم وعسا الله يرده بالسلامه

واستلم بالنيااابه



هلا يا مرحبا بك بالنيابه عن رجل مذكور=بعلم الخير والخيره هذا رد الخبر مني
تهرّج لا تفرّج واكشف الدعوه على الجمهور=وبيّنها سوات الدله اللي وسطها بني

صح لسانك يابعيد النظر

وصح لسانك يابو نجر (( مغار تقشّط على اللعب )) هههههههه

صح لسانك يابعيد النظر

وصح لسانك يابو نجر (( مغار تقشّط على اللعب )) هههههههه

هههههههه

صح ابدنك يا خالد

وش نسووي فاااضين

مرحبا يابو نجر مليون




لعل إلك البقا والمعرفه ماحد بها مكبور=لو إني جيت في علم وخبر مخصوص متعني
ابتهرج واسولف يالنفيعي والصدور قبور=ولو ماياجد الذيب العشا ألا من لحم جني

إرحبوا يالربع إرحبوا

كلٍ بإسمه الله لايهينكم

.
..


الله اكبر الله اكبر


صح لسانك يا بعيد النظر

وصح لسانك يا ابو نجر النفيعي


متابع للابداع ..


.
.
.





تحياتي لكمـ ،،

شاعرنا الرااائع : راس حربه
حياك وبياك وحضورك يشرفنا يالغالي
ومتابعتك هي المراد

لاهنت

صح لسانك يابعيد النضر والضاهر ان ابو نجر لو ملقى شاعر يلعب معه يلعب مع نفسه ههههههههههههههههههه يعطيكم العافيه حنا متابعين

الغالي :بناخي الايداء
ههههههههههههههههههههههه
الله يعطيك العافيه .
ابو نجر يقول وش نسوي فاضين والظاهر إنه إنشغل ماعاد شفته
لكن إن كان يلعب مع نفسه علموني لاتوهقوني معه ههههههههههه

.

محاورة رائعة يابعيد النظر

واقتناص ممتاز من ابو نجر

متابعين

وتحياتي

اسمحلي على التاخير

خرجت ضرووري

والحين عدت

ودووك



هات اللذي ودّك تقوله من مخافيت الصدور=مرزوق ما يخفي عليّه شي في وقت البني
اهرج وجيب العلم يا رجّال مابين الحضور=مالك ومال الجن حض الجن دوم متعني

...
..
.
راس حربه

صح ابدنك

والابداع وجودك يالغالي
..
.
.بناخي الايداء

لاهنت على المرووور

وش نسووي هذا الفراغ:)

..
.
.
ابو زياد

وين الغيبه

سعدت بمرورك الرائع

والله لا يهينكم

..
.
اخووكم..
.
..

ولا يابو نجر ليتك تعرْف تجبّر المكسور=أنا رحت ورجعت ولالقيت علومك تغنّي
دخيلك لاتغش الناس في ليمونك المعصور=ولولاي أستحي خليتها رجلين متحني

مرحبا يابو نجر مليون




لعل إلك البقا والمعرفه ماحد بها مكبور=لو إني جيت في علم وخبر مخصوص متعني
ابتهرج واسولف يالنفيعي والصدور قبور=ولو ماياجد الذيب العشا ألا من لحم جني


صح السانك 0000 يابعيد النظر

قمه بالبلاغه بوركت

قمة الراوحه هي حضورك أخي الغالي / السنحاني
لك التقدير على هذا المرور .
تقديري لك

ولا يابعيد لو ماخاب الضن خابرك مخبور=عبيدالله هذاه اسمك تحب اللعب والفني
انا احمدالله معتزي فوق الجمال الشقر كور=وابا لقنك يا صاحب قبل تات وتلقنّي