سلام

سلام يامنتدى الهيلا بمسك الختام=قاف مسري نبا شاعر ونسري معه
الحر لامن تعلا بالسما ثم حام=حول وراس الحبارى يشلعه يشلعه

يامرحبا عدّ من صلا صلاة القيام = نبا نسولف معك ياراعي المنفعه
الحر لامن شهر فرغت فيه الحزام = حتى يحوٌل ويلقى فالثرا مصرعه

ابك البقا عد من في البيت لبس الحرام=تعال سولف وكل امورك مسنعه
الحر لامات يفدنه طيور الحمام=يصبر على المر من ذاقه ومن يبلعه

ان كان تبغى السوالف فالهوا والغرام = ياذيب راع الهوا فالهرج مانتبعه
مثل الخفافيش لاحٌل المساء والظلام = الهرج مايطعمه والدمع مايقطعه

بيض الله وجيهكم
وصحت الالسن

نايف الثعلي

ووجهك ابيض صح بدنك شرفت ونورت

الطول بالمتر والميزان كيلو جرام=لاتنحر الضيق نفسك خلها في سعه
اللي يبا يعتلي يركب براس السنام=وان كان وقتك ياعبد الله ماطاعك طعه

نايف الثعلي صح بدنك
وشرفت يالغالي

ذيــــب x عبدللــــه

صــــح السنتــــكمـ

مبدعيـــــن

\

دام الجهات اربعه شرق ٍ وغرب ٍ وشام = الي معه بوصله ماضاع فالمقطعه
مابعد ضرب الحصار الا غزو واقتحام = كلن يبا يضغط زناده براس اصبعه

السبيعي

الابداع وجودك صح بدنك لاهنت

لاظلم الوقت ثم خيل خيال الغمام=البرق من فوق راسك والرعد تسمعه
لاضاعت البوصله وش قول راع الجهام=أظنتي صاحبي يبا يصف أربعه

السبيعي صح بدنك
ولاهنت

ذيب العوازم صح لساانك يالذيب .. النوم سلطان ولا اللعب معاك ماينمل والجايات احسن ان شاءلله .. والمعذره لو حصل قصور



مرٌت في لمح البصر خمسه وعشرين عام = الوقت يجري مع الايام يامسرعه
لاضاعت البوصله معاد فيها كلام = يبا يحصل سباع ٍ فالخلا تسبعه

صح بدنك ياعبد الله
وصح السانك وحشا ماجا قصور
وتصبح على خير ياطويل العمر

ذيب العوازم وش ذا الابداع الرهيب شاعر متمكن


ياعبد الله جزل ومبدع ومتمكن


صحت السنتكم ,,

بارود عازمي
صح بدنك واشكرك على مرورك
وكلامك الجميل