قصيده لرشيد الزلامي

قصيده لرشيد بن زيد الزلامي

عندما كان في احد الدول العربيه

وقد حصل بينه وبين احد الاشخاص

خلاف وفي هذه المناسبه قال الزلامي

هذه القصيده






الله من قلب به النار تشــــتب

هبت وضبت واســـتمرت شبوبه

قلبٍ غدى للهم ما رد ومشــرب

وما ضاع من هم العرب راح صوبه

همٍ على ربع وهمٍ على غب

باليوم والســــاعه همومه تلوبه

والله من عينآ تصب العبر صب

صب القلـــيب اللي تدالج غروبه

يا عبيد انا ما نيب ضبٍ ولد ضب

يصبر لما يســـمع وينفخ ذروبه

انا عتـــــيبيآ عريبٍ معرب

لي ما قفٍ كل الجميع شهدو به


من سب داري قـلتله كب ثم كب

وارخصت روحي دون داري جلوبه

لو أنسجن بسبابها واتـــــعذب

صبرت من شان الوطن للــعقوبه

والسجن ما هو عيب شئ مجرب

لعلم المسجون ما هي ذنــــوبه

يلومني خبلٍ إلا ما تــــغرب

ينسى الوطن خسروا هله يوم جو به

فوده مع الضفران صفر مـكعب

فطـــــيس قلب و لذة النوم دوبه

وانا على كل الجنوب اتقلـــب

ما ذقت حلو النوم يوم اهــتنوا به

اقنب قنيب الذيب في راس مرقب

من حر ما به قام ينهش جـــنوبه

يحيني الغربي عـــصير إلاهب

وريح الديار الطاهره في هـبوبه

ريحة هواها مكسبي يوم نــكسب

اخير من ريح البحر والرطـــوبه

عسى السحاب اللي من العصر ينصب

هلت هماليله وهبت انصــــوبه

يسقى وطن راعي العقال المقصب

نجد العزيزه وغرب نجد وجــنوبه

ياديرتي ما تقبل الشتم والـــسب

يا منبع الإسلام دار الــــعروبه

يفوز مذهبها على كل مذهـــب

وعلى مقلبت المذاهب عــــقوبه

يحكم بشرع الله وبالـسيف الأرقب

ولا شق فيها طالب الحـــق ثوبه





رشيد بن زيد الزلامي

خالد العصيمي

مشكور على النقل الرائع

لهذا الشاعر الكبير.

تحياتي..

الاخ خالد ماقصرت وعلمك غانم
يعطيك العافيه صح السانك والسان ابوجميل

الاخ طلال الثعلي

شكرآ على مرورك الكريم

والغير مستغرب منك

الاخ الدلبحي

سلمت على الكلمات اللطيفه

وخدمة الهيلا واجب علينا جميعآ

مشكور على مرورك

لك اجمل تحيه