رد حبيب على الهاجري

اولا : قصيدة الشاعر سلطان الهاجري


نسـبـة الشـــك مـا تلـحـق مداك ومـــداي=يا بــعـيـد النظـر خـلـك بـعـيـد الـنظر
عــظـم الله عـزاك وعـــظــم الله عـزاي=في زميـل القصيد وفـي زمـيل العمـر
ميـر أبعـطـيـك راي وبسـتمع منك راي =بـعـد اخـذنـا مـن الـدنـيا دروس وعبر
كــل قــصـدي بهـالــدنـيا وغــاية مـنـاي=فـــي بـدايـة عـمـر والا نـهـاية عـمـر
اشعر اني كـسبت ارضى جميع ازملاي=وارجـو ان الـمـواصـل بـيـنـنا يستـمر
واحتفظ في غلا اصحـابي وتحفظ غلاي=ولـي وقـار وقـدر ولـهـم وقـار وقــدر
كـم صـديـق رحــل منـا ولا هـو بــجـاي=غـيـبـتـه الـمـنـيـة والـقـضـا والـقـــدر
وأتــمـنـى مــن أصـحـابـي تـلـبـي نـداي=ولك سلامي يا بو فيصل وكـل الشكر

ثانيا : رد حبيب العازمي على القصيدة



يا حـميـد السجـايا لـيـش تبحث خـفاي=وانـتـه اللـي عـن الاحـوال عـندك خبر
واعـلم أني عن الزلات اقصر خطاي=واحـتـفـظ بالـمـودة لـو ادوس الـخـطـر
نــظــرتـي للأمـام ولا اتـلـفـت وراي=وكـم تـجـي زلـة وارمـي بـهـا في بحر
والله انـي حـزيـن ومـن عناي وشقاي=احـضر اغياب اخـويه بعد موته حضر
ايه اخـويه ولـو مـا صدقـوها عـــداي=عشرة العمر أخـير مـن الذهب والدرر
مير يـا بـو مـحـمـد وانت قـمة رجاي=دام شـرواك حـي الي الـفـخـر وافـتخر
نـيـة الـخـيـر ارضي والـمـروة سماي=واقـتـدي بـالنـجـوم الـيـا بـدت والـقـمر
أنت راس المروة وانت اعز اصدقاي=وانت سـلـطاـن بن وسـام بـالمـخـتصر

القصيدة منقوله من على لسان الشاعر حبيب العازمي مباشرة هكذا وصلتني بالجوال


(منقوووووووووول

ايه اخـويه ولـو مـا صدقـوها عـــداي=عشرة العمر أخـير مـن الذهب والدرر

قمة الوفاء .. رحم الله ابو بدر ..

و صح لساااااااااان ابو فيصل



لا هنت يالسميري

مبكيه

الله لايهينك


محبك

.,

الله يابو فيصل كبير كما عهدناك

والله يرحم ابو بدر فيصل الرياحي

ابدااااااااااع ياليت قصيدة حبيب صوتيـــه

تحيتي لشخصـك..

السميري


بيض الله وجهك


وبيض الله وجه اصحاب الوفا حبيب وابن وسام

قصيدة تستاهل ان تحفظ في الذاكره وليس في المفضله


تحيتي لك

..
.
عمالقه في الذوق والشعر والادب ..
صح لسان شاعر العرب ابن وسام
وصح لسانك ملك المحاوره ابو فيصل
..
لاهنت وبيض الله وجهك يالسميري
....

ايه اخـويه ولـو مـا صدقـوها عـــداي=عشرة العمر أخـير مـن الذهب والدرر

بيض الله وجهك يابو فيصل ورحمك الله يابو بدر

بيض الله وجهك يابو فيص ويالسميري لا هنت واسال الله العلي العضيم ان يبني لبو بدر بيت فالفردوس الاعلى من الجنه ويبدل سياته حسنات


رحمك الله ابا بدر

بيض الله وجهك يابو فيص ويالسميري لا هنت واسال الله العلي العضيم ان يبني لبو بدر بيت فالفردوس الاعلى من الجنه ويبدل سياته حسنات


رحمك الله ابا بدر

صح لسان الشعار

وسلمت يمينك يالسميري

ولا هنت

نـيـة الـخـيـر ارضي والـمـروة سماي = واقـتـدي بـالنـجـوم الـيـا بـدت والـقـمر
صح لسانك يالشاعر الوفي / حبيب العازمي
ولاهنت يالسميري على النقل
ورحم الله الشاعر فيصل الرياحي ونسال الله العظيم ان يسكنه فسيح جناته

كفو بالاثنين انشهد

وقصيده من الهاجري وردها مباشر من العازمي

الله يرحم اموات المسلمين

دمت بود

مشكور على النقل

ولاهنت

كنت ابحث عنها

ووجدتها في منتدى الهيلا

سلمت يمينك

كفو ابو فيصل و سلطان شعراء عمالقه مشاعرهم حساسه تاثروا بوفات زميلهم

هذا يثبت لنا ان اللي يصير في الملعبه لا يغادر الملعبه انما هي لقمة عيش لكل شعار المحاورة و يجب علينا نحن كمتابعين الاقتداء بهم فما يحدث في الملعبه و لو هجاء و غيره لا يؤثر على علاقاتنا باخواننا من باقي القبائل


الله يرحمك يا فيصل الرياحي جعل الله موتك عبرة لمن بقي من الشعار

الله يغفر لنا ذنوبنا
اللهم انصر اهل غزة

بيض الله وجهك وانا املك قصيدة الهاجري ورد حبيب عليها صوت وان شاء الله بزود فيها الموقع


قالها ابو فيصل الله لفيصل الله يرحمه


يازين صوغ المعاني مثل صوغ الذهب...من يوم شفت الرياحي صح والا خطا

ورد فيصل الله يرحمه


هذي ليال الفرح هذي ليال الطرب ....صاحي وناداه صاحي صح ولا خطا

بيض الله وجهك والله يرحم فيصل

وان شاء الله بزودكم بقصيدة سلطان ورد حبيب صوتيه موجوده عندي

يقول حبيب

يازين صوغ المعاني مثل صوغ الذهب......من يوم شفت الرياحي صح ولا خطا

رد فيل الله يرحمه

هذي ليال الفرح هذي ليال الطرب......صاحي وناداه صاحي صح ولا خطا

صح الله لسان الشاعر سلطان الهاجري

والششاعر حبيب العازمي


والله يرحمك يا فيصل الرياحي ويسكنك فسيح جناته

الموت آتي لامحلة للجميع ولاكن هل من معتبر \ اسال الله حسن الخاتمه للجميع ؟ وصح لسان الهاجري ولسان حبيب\

عز الله إني حزنت الله يرحمك يابوبدر ويسكنك جناات النعيم

الله يابو فيصل كبير كما عهدناك

والله يرحم ابو بدر فيصل الرياحي

صح السنتهم

ولاهي غريبه على ابو محمد وابو فيصل

تسلم اخوي

ماقصرت وسلطان وحبيب نعم الرفقه

ماينسون الصديق

الله يرحمه وصح ألسنت الشعار شعار عملاقه لهم ثقلهم في الساحه