حمودي ابو ديبان

منـي لبـو ديبـان ازكـى تحيـه=هذاك حمـودي زبـون البطـولات
الحمـد للمعطـي إلــه البـريـه=اللي عطانـا مـن كبـار العطيـات
حمودي اللي كـل عـذراء سميـه=تباه يخطبهـا و تجنـي المسـرات
يضفي على ربعه بستـر و حميـه=و يقول لي في موقف العز وقفـات
ما اقول مثل الذيـب الذيـب زيـه=انسـان يرقـى فالمزايـا بمـرات
و الصقر ياخذ من وصوفـه حليـه=لكنـه يحلـق و يفـرق بقفـزات
راعي الثلاث البيـض و الشاذليـه=هداج تيمـاء فالسنيـن القديمـات
كريم سبـلا شيـخ و النـار حيـه=يعطي بلا منـه سمـانٍ جزيـلات
هـراج للوافيـن غـنـام هـيـه=علومـه تسلـي قلـوبٍ حزينـات
و لعـداه شـرٍ مستطيـرٍ و عيـه=خشنٍ شرس عكيس رجل المهمات
يزرق غريمه زرق سهـم المنيـه=اما عطبه و الا غدى ضمن الاموات
طويـل الـذراع مـورد النافعيـه=يقول ما لهل الرصاصة شجاعـات
يفدى خويه لو غدى هـو ضحيـه=ما هاب يومن الردي مـر بسكـات
و يرد عن طفلٍ خطـا كـل سيـه=حتى لو انه نـال شـر العقوبـات
ما يعرف الضيقـه سليـم الطويـه=كلن يحبـه مـن بعيـد و قرابـات
امه و ابوه يشوفهـم مثـل ضيـه=و من اجل اخوانه يهدم السـراوات
اسم معروف و فوق قايـد سريـه=لا قالوا اسمه يقصـرن المسافـات
حمودي الديبـان يـا حـي حيـه=عـز لعتيبـه متعبيـن الاصيـلات

بسم الله الرحمن الرحيم

السلام عليكم و رحمة الله و بركاته

أبناء عمومتي نصرهم الله ....

أستغفر الله لي و لكم و لجميع المسلمين ،

ثم استميحكم عذراً في عدم تواجدي الدائم في

موقعنا العريق ، بسبب ظروف الحياة ،

و لكن قلبي معكم و دعواتكم معي

بإذن الله تعالى .

صح الساانك
وحيا الله هالطله

- الشاعر :- عبدالرحمن الهيلوم ، صح الله قلبك و أعزك الله

و أبقاك ذخرا .