21-Apr-2009, 08:56 AM
اليكم هذه القصيده للشاعر تركي المروقي قصيده من اجمل القصايد واتمنى ان تعجبكم
العاطفة لاخالطة سكر نبات الشعر .. جات = حزّة ثمولي .. وابتدا ليل الخيال السرمدي
الدلو في جمّ القريحة .. والحبال مروبعات = والفكر درهم .. والخيال العنجهي قام يحدي
اجذب من اعماقي واهوبل .. والقوافي هات هات = والنزف . ياقوت . وذهب . والماس . والحرف ابجدي
للشعر موعد .. يفتح ابواب القلوب المغلقات = ويرقابها متن السما .. على البساط الاحمدي
ياخذني البوح لمواقع ماعليها كائنات = بين المجرة والنجوم اسبح .. وانا في مقعدي
يا كرنفال الشعر .. مدري مهرجان المفردات = الليل زغرد للنجوم .. وقال قومي زغردي
عزفت قيثار العواطف .. والنجوم المرقبات = لاغازل سهيل الثريا .. ذاب للجوزا الجدي
شاعر،، واعزف انغام حزني والمشاعر مرهفات = والجرح جرحي .. والوتر في آلتي ..واليد يدي
عاشق واروم العشق ودروبه ،، بدون مقدمات = جوع الحنان .. لسكّة العشاق حاديني حدي
والبارحة .. قام الخيال يدور بين اربع جهات = الحب .. واحلام الطفولة .. وانت .. والحظ الردي
والليل .. يفتح نافذة على سجل الذكريات = كنّه يقول : اختر معي من وين ودك نبتدي؟
وانا لو اني ماضميت الوصل .. ياسكر نبات = ما درهمت ذلول فكري .. للزمان الجرهدي
اهديت رجلي .. للضما .. والقيض .. وسنين الشتات = في صفصف ٍ .. لون الحياة يبين فيها ويغدي
والهم عاصف .. والظلوع اعجاز نخل ٍ خاويات = وعروقي كبدي ناشفة ..والجرح في قلبي ندي
طال البطا ياسلسبيلي .. والسنابل يابسات = والوقت يطوي مكرة الايام والعمر يعدي
متى ؟ تجي شمس ٍ تبشر بالصباح الأمنيات = وافتح شبابيكي لنورك .. وآخذ انفاس سعدي
متى تجي واعزف لك انغام التراحيب وتبات = في عين ٍ اسهرها الوله .. واقول قري وارقدي
متى ؟ متى ؟ وابطيت واقف .. والدقايق واقفات = والليل حالك في عيوني .. والسهر حبله مدي
تعال .. اخذني من غرابيل السنين الباقيات = تعال حل حرام حزني .. واذبح همومي فدي
وان مابغيت .. اقل حاجة لد يمّي بالتفات = والله يبيحك عقبها ويحللك .. يالاجودي
العاطفة لاخالطة سكر نبات الشعر .. جات = حزّة ثمولي .. وابتدا ليل الخيال السرمدي
الدلو في جمّ القريحة .. والحبال مروبعات = والفكر درهم .. والخيال العنجهي قام يحدي
اجذب من اعماقي واهوبل .. والقوافي هات هات = والنزف . ياقوت . وذهب . والماس . والحرف ابجدي
للشعر موعد .. يفتح ابواب القلوب المغلقات = ويرقابها متن السما .. على البساط الاحمدي
ياخذني البوح لمواقع ماعليها كائنات = بين المجرة والنجوم اسبح .. وانا في مقعدي
يا كرنفال الشعر .. مدري مهرجان المفردات = الليل زغرد للنجوم .. وقال قومي زغردي
عزفت قيثار العواطف .. والنجوم المرقبات = لاغازل سهيل الثريا .. ذاب للجوزا الجدي
شاعر،، واعزف انغام حزني والمشاعر مرهفات = والجرح جرحي .. والوتر في آلتي ..واليد يدي
عاشق واروم العشق ودروبه ،، بدون مقدمات = جوع الحنان .. لسكّة العشاق حاديني حدي
والبارحة .. قام الخيال يدور بين اربع جهات = الحب .. واحلام الطفولة .. وانت .. والحظ الردي
والليل .. يفتح نافذة على سجل الذكريات = كنّه يقول : اختر معي من وين ودك نبتدي؟
وانا لو اني ماضميت الوصل .. ياسكر نبات = ما درهمت ذلول فكري .. للزمان الجرهدي
اهديت رجلي .. للضما .. والقيض .. وسنين الشتات = في صفصف ٍ .. لون الحياة يبين فيها ويغدي
والهم عاصف .. والظلوع اعجاز نخل ٍ خاويات = وعروقي كبدي ناشفة ..والجرح في قلبي ندي
طال البطا ياسلسبيلي .. والسنابل يابسات = والوقت يطوي مكرة الايام والعمر يعدي
متى ؟ تجي شمس ٍ تبشر بالصباح الأمنيات = وافتح شبابيكي لنورك .. وآخذ انفاس سعدي
متى تجي واعزف لك انغام التراحيب وتبات = في عين ٍ اسهرها الوله .. واقول قري وارقدي
متى ؟ متى ؟ وابطيت واقف .. والدقايق واقفات = والليل حالك في عيوني .. والسهر حبله مدي
تعال .. اخذني من غرابيل السنين الباقيات = تعال حل حرام حزني .. واذبح همومي فدي
وان مابغيت .. اقل حاجة لد يمّي بالتفات = والله يبيحك عقبها ويحللك .. يالاجودي
