سلام
عقاب الهيلا18-May-2009, 04:33 PM
سلام من واحد(ن)يبغا عليك السلام
والكلمه الطيبه يالربع يازينها
وده يشارك ولاكن ماش مابه كلام
حتى التحيه ترد وينتهي حينها
المكافح18-May-2009, 04:55 PM
يامرحبا بك عدد ماناح ورق الحمام= قدمك رجال ترى دينك على دينها
الله يحييك وابشر بالعلوم السمان= ربعك عتيبه ترجحلك موازينها
عقاب الهيلا18-May-2009, 05:12 PM
الليل يامكافح اقبل والهمام الهمام
غلطت ياصاحبي عجل بتزيينها
قبل اتكلم وتثبت عند كل الانام
والناس تقرا المضارف مع عناوينها
المكافح18-May-2009, 05:44 PM
كلمتك هذي تراها لاحلال وحرام= والديره المسنيه يقلون يا شينها
انا نظامي واحب اللي مشى بالنظام= افرح صدور العرب مااحب تحزينها
عقاب الهيلا18-May-2009, 05:57 PM
النون وش جابها يالقرم وسط السنام
انصحك ياصاحبي ترجع لتحسينها
صورتك ياصاحبي بالعين قبل المنام
عليك ياصاحبي ماجوب تلوينها
المكافح18-May-2009, 06:08 PM
ترى العتب للنظر جاني عليه العسام= والمطبعه لخبطت يالذيب في حينها
عز الله انك حزامي يوم شد الحزام= سيوفنا للعدا يالذيب حازينها
عقاب الهيلا18-May-2009, 06:44 PM
العذر مقبول ياللي تعتذر ماتلام
لاكن تفقد حروفك قبل تدوينها
وابشر بعزك لياجيتوا لوقت الصرام
على المضاريف تلقاها مضامينها
مشرف بن سعيد19-May-2009, 09:40 PM
بيض الله وجيهكم على ابداعكم وصحت السنتكم
عقاب الهيلا20-May-2009, 07:25 AM
صح بدنك اخوي مشرف ولاهنت على المرور
لك تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
