يا دار لاحت في سماك التباشير متعب بن خلف بن هذال

قصيده وطنيه بحثت عنها كثيرا بعد ان سمعتها في قناة الساحه
بمناسبة تعيين الامير نايف بن عبدالعزيز نائب ثاني لرئيس
مجلس الوزراء ووزير الداخلية للشاعر متعب بن خلف



يا هاجسي حظر ولا اقبل معاذير=جاء للمشاعر والشعور استثاره
عليك باالجزلات فكره وتصوير=وهات الثمين اللي ثقيل" عياره
وانش السحاب من القوافي مزابير=واقدح من بروق المثايل شراره
وامطر بيوت" تحمل اجمل تعابير=لاميرنا اللي منزله فالصداره
يادار لاحت في سماك التباشير=تزيني يا دار لاغلى بشاره
امر المليك اللي يقود الطوابير=حكيم من راسه يصدر قراره
صدر قراره في زبون المخاسير=نايف عضيد الملك حامي دياره
رجل الامن فكره للافكار تنوير=تاريخ حافل للعقول استناره
دهات عقل وعلم مع حسن تدبير=عنده على دوس المخاطر جساره
اليا سطى يسطي مثل سالم الزير=والعطف فيه وميزته في وقاره
وفي موقفه راسي كما طويق والنير=ظل وذرا من لاذبه واستجاره
شبره يطول ان قصرن الاشابير=يملك على حب القلوب استماره
ووريث مجد وسطر المجد تسطير=من جده الاول ما خذها اعاره
ادلال جوده من يمينه مباهير=كريم سبلا ما حسب للخساره
دايم بهقواته تفرد عن الغير=روس المعالي رغبته واختياره
امن بلاده فاليال المعاسير=واركى على كبد المعادي حراره

يا سيدي وفيت ما منك تقصير= وحنا معك لامن الوطن في خفاره
نحمى الوطن وندق للمعركه زير=حنا كعام المعتدي مع دماره
نكيل له صاعين من دون تأخير=نسقيه من كاس العنا والمراره
واقبل كلامي فيك وافديك يا مير =تعيش يا حرز الوطن يا شعاره

صح لسان الشاعر


وصاحب السمو الملكي الامير نايف بن عبدالعزيز

ونعم به ويستاهل كل خير




وتشكر على النقل