شم العرانين

( شم العرانين)

يابنت انا من رووس قومٍ سلاطين=قومٍ لها بالوقت صولـه وجولـه

زحول الرجال تزايد الصاع صاعين=لاقال كلمه يحتمـي وجـه قولـه

ربعي اهل طالات شـم العرانيـن=كسابة النوماس عاجـه ولولـه

مانقبـل الزلـه ولانقبـل الديـن=حاضر بحاضر والايادي عجولـه

يشهد على ماقول منـي براهيـن=تراحيب بافعاله رجـال شهدولـه

ايه ابدوي من راس حتى الكراعين=قاطن بصحراء والمجاهيم حولـه

مارضى المذله كان بالذل ترضين=ارضى الممات ولا حيـاةٍ ذلولـه

اشب ناري والنجـر لـه ترانيـن=اضبط دلالـي ولا حيـاةٍ كسولـه

تابع لديـن الله ماتبـع شياطيـن=تابع لديـن الله وسنـة رسولـه

يدي على مخباي مارجي البخيلين=لو حدني وقتي وشانـت فعولـه

اكرم ضيوفي وارفع الراس مترين=وادعس ريالي دون وجه الجموله

راسي كما ترسي اصم الضلاعين=صم الجبال السود ماحـدٍ يزولـه

كلٍ وعقله يثمن الهـرج تثميـن=ومن ثبت المخراج ثبـت دخولـه

لابارك الله فـي خـوي الذليليـن=خبلٍ مع العربان يشعـب ذلولـه

لارافعٍ قدره مـع اللـي رفيعيـن=صورة رجالٍ ماتعـرف الرجولـه

خسارةٍ بالوقت بالعسـر والليـن=ماله طموح ونظرتـه لارجولـه

واليوم فكري عارف الزين والشين=كلٍ على ماقيـل يعـرف حلولـه

هذي طبوعي قلتها كـان توحيـن=يامـا كـذا ولابـلاشٍ نقـولـه

اقـول روحـي لاعليـه تعوديـن=مادام يدي من جهتـك مغسولـه

روحي وسوي ماقدرتـي تسويـن=باليـد ولا كـان رجلـك تطولـه

ماشدني شكله من الساق للعيـن=ولا هز شعره ولا فتنـي بزولـه

فلاح العضيله

...
اخوي حمر عين
اولا يسعدني ان ارحب فيك..
فانت ضيف جديد حللت بمضاربنا :)
ولا يسعنا الا ان نقول لك
حللت اهلا ونزلت سهلا ... سعداء با انضمامك
على امل ان نرى منك كل مفيد وانت كذالك...
ثانيا لاحظت ان القصيده نزلها في المنتدى حمر عين
وقائلها هو فلاح العضيله ...
السؤال هل حمر عين هو فلاح العضيله؟
الهدف من ورى هذا السؤال ان هذا القسم انشي لقصائد الاعضاء
اما القصايد المنقوله فمكانها القسم الشعبي....
اتمنى منك ايضاح ذلك لكي نقوم بالواجب والله يحفظك
اخوك...
....

الاخ مرزوق العتيبي//
امد الله في عمرك
لايسعني الا ان اقول البقاء فيك
نعم انا فلا ح العضيله
احببت ان اشارك في هذا المنتدى الرائع
امل ان اكون عند حسن ظنك
بس في ملاحظه اسمي المستعار هواحمر العين وليس حمر عين
اخوك فلاح العضيله

...

ونعم فيك يافلاح
نحن فخورين بتواجد الاخوان والشعراء امثالك

والله يحييك عند ربعك وفي محلك
وسنبقى في انتظار جديدك..

دم بخير

مبدع مبدع


الله يعطيك العافية أخوي

صح لسانك ...

على هذه القصيدة الجزلة ...

ويا هلا ومرحبا بك أجمل ترحيب ...


تحياااااااتي.