من صد عنا مالنا فيه مصلوح .....

السلام عليكم ورحمة الله وبركاته

والله يمسيكم بالخير جميعا ً

اتمناء ان تنال على الاعجاب


الحب احسبنه خرافات ومزوح=واثره عذاب ويتعب المودماني
سهم الهواء مسموم يثر على الروح=اليا تمكن بين حدب المحاني
سهمه جرح غيري وانا منه مجروح=عانيت من سهمه وغيري يعاني
ياورق يالي فوق الاغصان وتنوح=غيرك مكانك قبل اغير مكاني
دوحتك تلقا في البلد غيرها دوح=وانا يكلفني نقيض المباني
ماتدري اني من عنا البعد مذبوح=وانته على الساقي تجر الغواني
ياورق عيني تنثر الدمع وتفوح=تفوح من فرقا وليف ً جفاني
اليا بغيته دونها حال ساموح=وهوه يقيده الحياء لو بغاني
وانا على سر المحبين مابوح=والقلب مايعط الاشاره للساني
ولاخير في سر ً من الناس مفضوح=يصبح يسولف به فلان الفلاني
انا اتحمل غلطة الزين واروح=لو ان حبه مامحاه الزماني
وداعة الله ياهواء البال مسموح=الي جرالي من سببكم كفاني
ربانة ً جاي ً للبراقها ضوح=كيف استغيث ورشها ماسقاني
حتيش لو هي تشلع البرق وتلوح=مادام صدت برقها ماشقاني
من صد عنا مالنا فيه مصلوح=نلقا ويلقا له من الناس ثاني

وسلامتكم
الشاعر/سهيل مقحم العتيبي
24/4/2011

صح لسانكـ


مبدع دوما ياسهيل بن مقحم

صح لسانك قصيدة جزلة بدون مجاملة

محمد الذيابي

صح بدنك ولاهنت طال عمرك

والابداع مرورك

تقبل تحيتي واحترامي للشخصــك

الازوري

صح بدنك

وشكر ا ً على المرور الي عطر الصفحه والكلام الجميل

تقبل تحيتي

واحترامي للشخصـك

اليا بغيتـه دونه ايحول سامـوح
وهو يقيـده الحيـاء لـو بغانـي


الله الله ياسلااااام اطربتنا ياسهيل

صح لسانك


وقصيده فاااااخره يكل امانه "

اليا بغيتـه دونه ايحول سامـوح
وهو يقيـده الحيـاء لـو بغانـي


الله الله ياسلااااام اطربتنا ياسهيل

صح لسانك


وقصيده فاااااخره يكل امانه "

صح بدنك يابن سرحان

ولاهنت

وشهادتك نعتز فيها ونفتخر بها يعلم الله

تقبل تحيتي