تكفون ياعزوتي يالاد شيباني

بسم الله الرحمن الرحيم ..
هذه قصيدة للشاعر : سلطان بن مجرّي بن قاعد بن نوير الشّيباني
عندما كان سجين في الكويت .. عام 1950 هـ ..
يرسل قصائد .. لجماعته الخليفات من الشيابين وللأمير ماجد بن ضاوي إبن فهيد ..
يطلب منهم فكه من السّجن
يقوول :


سر يانديبي على اللي عشّق بثاني = فرتٍ جديد يمر إبك القويعيه
اسبق من اللي رماه العصر دبساني = واسبق من اللي وكر ضلع الطويعيه
بلغ سلامي ليا وجهت عماني = اثنه عليهم ووصله للفهيديه
ترا الفهيدات لمن علق العاني = ربعٍ كرامٍ على الشطات نشميه
في بيت ضاوي تحط اذناب خرفاني = ودلال ممليةٍ هيلٍ وبريه
والارقب اكمل علومه يم جذواني = يشرب قليب الدخول ولالهم نيه
ولاني بساس الردى عمي صنيتاني = وجدي يفك النشب لاصارت الهيه
ولامن وصلت الحمل واطراف قمراني = تلقى بيوتاً كباراً للخليفيه
تلقى عيالٍ ترد إبك النظر ثاني = متحيزمينٍ بعصملي وباشيه
وسعيّد العرم يعطي كل جيعاني = ملزوم تلقى الشحم لجوه طرقيه
وتكفون ياعزوتي يالاد شيباني = ضيّق علي الحديد وقص رجليه

ونعم بالخليفات والشيابين كلهم
والله يرحم الشاعر

كفو والله ابو ضاوي يستاهل