نادوا النشمــــــــــــــــي>>>>>>>>>>>>>>
مقعد الدغيلبي29-Apr-2006, 06:10 PM
الله يمسيك بالخير يا بو دخيل الله واستلم
مرحبا ترحيبت(ن)مثل العسل واحلا زياده=بالنيابه عن رجال(ن)لاتذل ولا تهابي
نادوا النشمي مادامه محترف فن وقياده=بيني وبينه علوم وبيني وبينه حسابي
مرزوق حمدان العتيبي29-Apr-2006, 06:18 PM
...
..
الله الله يابو محمد
اتيت واتى معك الابداع...
صح لسانك .. واعتلاشانك ...
وينك يالنشمي ؟؟؟
تحياتي لكما ...
.
مقعد الدغيلبي29-Apr-2006, 06:42 PM
ماياتيك شر يامرزوق
وجودك ومتابعتك لنا هو الأبداع
لاهنت يابو محمد والله يجيب النشمــــــــي
علي الثبيتي29-Apr-2006, 08:02 PM
الله يمسيك بالخير والعلم الزين يامقعد ويسلم علاك العود
واستلم
البقا يالدغيلبي والطيب للجواد عاده= طيب الذ امن العسل والذ من زين الشرابي
اعتبرها منك يامقعد لي اوسام وشهاده=مار هات العلم يامقعد واخذ رد الجوابي
علي الثبيتي29-Apr-2006, 08:08 PM
مديرنا المحبوب حياك وبياك يابو محمد
انت الابداع وحضورك شرف للجميع
ابوسعودالقثامي29-Apr-2006, 08:09 PM
مقعد الدغيلبي
تعال يبن الحلال امسك لي الصف
انت والنشمي خلو المحاوره بعدين
والا تر اابنسحب
هههههههههههههههههههه
مقعد الدغيلبي29-Apr-2006, 10:09 PM
ياسلااااااااااااام واستلم
البعير اللي تنشّد عنه ماميّل شداده=ماعلاه أخلاف يالنشمي ولو طال الغيابي
بارك الله فيك والدنيا تبى صبر وجلاده=وانت وافي والوفاء طبع الشبابي يالشبابي
مقعد الدغيلبي29-Apr-2006, 10:12 PM
ارحب يابو سعود
والصفوف لاتهمك ياسنايدي أنا والنشمي جايينك
لاكن الرجال جاء والا لا
ابوسعودالقثامي29-Apr-2006, 11:31 PM
ارحب يابو سعود
والصفوف لاتهمك ياسنايدي أنا والنشمي جايينك
لاكن الرجال جاء والا لا
لاوالله ماجا ياعزوتي
مار ابا اتكي عندكم شوي لين اشوفه لاتقولون امسك الصف
ترا بالي مشغول مع الرجال اححححححححححححح
ياسبدي عليه سبداه
مرزوق حمدان العتيبي29-Apr-2006, 11:41 PM
...
.
ياسلالالالام على الابداع
منكم يالاثنين ....
سروها لايطلع عليكم النور الا قد خلصتوها
:)
لاهنتم .....
علي الثبيتي30-Apr-2006, 03:19 AM
ياعتابه واحليل اللي رفع رائة بلاده=تنشر البيضاء علاه ويلبس اجداد الثيابي
انتبه للجنبي يوشي ويقدح من زناده= امنعوا بعض العلوم اللي مثل حد الجنابي
مقعد الدغيلبي30-Apr-2006, 02:56 PM
ياعتابه كل نار(ن)تدهر ترجع رماده=وانت من تحت السماء ساكن على سطح الترا بي
لايهمك والله انا ماترجينا وداده=والعتيبي مانحطه بين ظرس وبين نابي
أبو مرحبا30-Apr-2006, 03:03 PM
الشاعرين مقعد الدغيلبي + النشمي
صح السانكم
ابدااااااااااااااااااع
واااااااااااصلو
وابشروو بالصفووووووووف
|165| |165| |165| |165| |165| |165|
|191|
مقعد الدغيلبي30-Apr-2006, 03:08 PM
ارحب
ارحب
ياقحص
والصفوف عامره بوجودك
لاخلا ولاعدم يابن العم
علي الثبيتي30-Apr-2006, 05:09 PM
البلي تطمع جهانه لويموت ابن رفاده= والشلاوى تنكر الحرث وتاريخ العرابي
حددوا نوع المرض وانجيب تكتور العياده= واخر اعلاج المريض الكي من فوق العلابي
علي الثبيتي30-Apr-2006, 06:28 PM
قحص صح بدنك وحياك الله
تسلم تسلم وحبة خشم وعلاه الشحم
مقعد الدغيلبي30-Apr-2006, 06:38 PM
طيب طيب
يالثبيتي زرعك اللي تزرعه مقبل حصاده=والشلاوى ماطلع منها رسول ولاصحابي
القضيه عودة من نقص تطلع في زياده=وانت وش رايك بحيه شاربه من سم دابي
علي الثبيتي30-Apr-2006, 07:16 PM
الثبيتي لازم اشداده ومتحقق مراده= والقبائل عند بيبانه ينيخون الركابي
والسياده لو جهل بعض العرب لهل السياده= علموا حزب البشير وعلموا حزب الترابي
مقعد الدغيلبي30-Apr-2006, 11:35 PM
مانقول قصور والرجال ناره من زناه=والكتاب اللي قريته عندنا غيره كتابي
لاتغير فالعلوم ولا تغير فالافاده=الهواء لوهب ماحرك جبال ولاهضابي
فهيد مقعد الرويس01-May-2006, 12:14 AM
ياسلام ياسلام
صح السانك يامقعد وصح السانك يالنشمي
ابداع غير مستغرب
واصلو
تحياتييييييييييييي
علي الثبيتي01-May-2006, 03:12 AM
واهجاد اللي يبا ينكر عتابه واهجاده= كل ماينصك باب انفك له تسعين بابي
المعاند طول عمره مايجنب عن عناده= ينهج ادروب الخطاء ويحيد عن درب الصوابي
مقعد الدغيلبي01-May-2006, 01:48 PM
بيض الله وجهك يالنشمي والله انك طشيت راسي فهاذا الطاروق
والختام عندك
الحقيقه خابرك حراً ينومس في هداده=مالحق مثلك ملام ولالحق مثلك عتابي
يو م بعض الناس عينه تشبه العين الجراده=فيه من ريش الحرار وفيه من ريش الغرابي
علي الثبيتي01-May-2006, 08:45 PM
الاخ مقعد ابيض وجه وصح لسانك مليون والله ماانشد عنك الا معزة ومؤده يالغالي
واستلم
انت حر ولدحرآ طابله شربه وزاده= من يلحك الملام من العرب خاسي وهابي
كل فارس لازمن يصبر على كبوت جواده= والسوالف بعضها ياخوك منها الراس شابي
اشكر جميع الاخوان في المنتدي والزوار و الله يعطيكم الف الف عافيه
مقعد الدغيلبي02-May-2006, 01:41 PM
الله يعز مقدارك ماتعز الا من يعزك
يالنشمــــــــــــــــــي
ولا لحقنا في ذلك شك
الشــــــــــــــــك زايك
واللعب معك شرف
تحيااااااااااااااتـــــي
