$$$ اللحظ اللي ماصار به خير $$$

اسيكم با لخير يالربع:


الشيخ/ متعب ابن مضيان (رحمت الله عليه) شيخ الظواهره من حرب معروف

رحمت الله عليه بحكمته وتتجلى في قصائده وهذه المره بينه وبين واحد حضري

تاجر من اهل القصيم يقال له ابن خضير المهم ان ابن مضيان راح كما جرت العاده

السنويه لدى اكثر البدو ياخذ المؤنه من طعام وغيره مما يحتاج البدوي على

يفيه لاجى وقت المناخ من ابن سعود ولاكن هذه المره رفض الحضري بحجة ان

المناخ يتأخر والتفت ابن مضيان لخوياه اللي معه وقال هذه الابيات :

ونيت من عملة ابن خضير:::::::::::::::::::::::وهنيت من لايعرفونه

ونين هاف حداه القير::::::::::::::::::::::::::::على المعاسر يحدونه

واللحظ اللي صار مابه خير::::::::::::::::::::::::::::تنسد اذانيه وعيونه

ويطيح خطات الطير ::::::::::::::::::::::::::::::بايدي ربعن يصيدونه

عقب المراقيب كل عصير:::::::::::::::::::ينصك باب الفضا دونه


وسلامتكم يالربع...

مسيت بالنور يالحربي

ونشكرك على هالسالفه

ولكن اود منك ذكر سالفة العنزي مع خالد القرن وقصيدته
اللي قال فيها
قالو علامك تبكي على حرب ... واهم لنا عدوان ما ينبكوني

وتقبل تحياتي

اسيك بالرضا والنور يالخنفري
وشكرا لك على تواصلك

اما بالنسبه لما طلبت ليس لدي اي معلومات ولكن ابشر
بها اذا لقيت معلومه عنها.

مشكور على ها المشاركة
و نبي منك اكثر

مشكور على المشااركة


تحياتي لك