النشمي علي للإستفاده ....!!!!

..




هلا يامرحبا ترحيب بالنشمي وكل ثبيت=شيوخٍ في عتيبه كلهم روقي وبرقاوي

حفرتوا برتواز الماء وطبيتوا بمنبع زيت=وصارت لقمةٍ من قسمة الوبال والشاوي

الله الله

ناصر الابداع والجزاله


صح لسانك ولسان النشمي


سجلوني متاابع

..

معجب العتيبي

..


صح بدنكـ يابوسلطان .. مروركـ يسعدنا وغيابكـ مايعجبنا يامعجب

لاهنت

..

الشاعر الهرم : ناصر الجلاه

أنا هنا لتسجيل الإعجاب بشاعريتك الفريدة

أتمنى الإستفادة منك يوما" من الأيام

كن بخير .............

يدوم ابك البقا وثبيت ساس المعرفه والبيت=ولن دقت طبول الحرب لا ترحم ولا تاوي
اخذنا اللي نبا والا انت عن بعض العلوم ازريت=واضنك يالجلاه اطيح تال الوقت متساوي

مشرفنا المميز معجب العتيبي صح بدنك

..


ونعمين وثلاث انعام كان اوحيت أو ماوحيت=وحنا ألاد عاصم مجدنا يهرجبه الراوي

ابو عرام وش به يخلط الكمون بالحلتيت=على كبده مراره لايزود فوقها اللاوي

ناصر صح لسانك
وصح لسانك يا النشمي .....



ابداع ولا هوب مستغرب على شعراء بهذا الحجم

..

عبدالرزاق القشعمي


..


خالد اوصاهب


..


صحـ أبدانكــم يالغااالين .. تواجدكــم نور الصفحه

لاهنتوووا


..

ياناصر تمشي ادروب الخطاء وتقول انا مخطيت= واثر راع الرعيه يالعصيمي ذيبها العاوي

ابو عرام عابيلك من البارود والكبريت=سرى ليلك لكن الليل يامردود ياحاوي

....


ناصر والنشمي .... ولأول مره يلعبون مع بعض !!! ... وجبت المتابعه:)

صحت الالسن ومتاااااااااااااااااااابع للاستفاده ..

خالد اوصاهب حياك الله وصح بدنك

يالسطورة العتبان حياك الله
وصح بدنك ومتابعتك شرف للجميع

..




ترى لولا الطريق اللي مشيته حضرتك ماجيت=ولكن خلها فوق النجوم وسرها داوي

ياليتك تذخره للقوم في وقت الوغى ياليت=على شان المعارك ترفعك يالسارح الضاوي

..


سلطان الجذع

..


حضوركـ يكفينا يالاسطوره .. صح بدنكـ


لاهنت

..

ناصر الجلاه .. والنشمى ..
شعراء ..
تجبروننا أن نتمتع بقراءة أحرفكم الإبداعية ..
ياسلام .. عليكم ..

صحة الألسن ..

..


السميري

..


صح بدنكـ يالغااالي .. حضوركـ مميز دائمآ واطرائكـ اجمل

لاهنت

..

وصلنا قبل تاصل مار ريح واسترح ياشيت=قبل نزعل علاك وناسمك بالميسم الكاوي
انا ابنشدك ياناصرمع العتبان وش سويت=نهار ان الجنايز في صليب الحزم سنداوي

..





ترى مانلتفت يمك سواك اصبحت وألا امسيت=تبى تزعل تبى ترضا على كيفك يامكاوي

انا في ماقفي وأقف هذا سالم وهذا ميت=تعلى نجمنا يومٍ نجمك فالفضاء هاوي

انا عندي دواء واقراء على المجنون والعفريت=وترى ماهمني فالوقت لا هندي ولا جاوي

يقال انك خلاف القوم لا صامل ولا ذليت=ولكن الحمول اخفاف وانت اتلد وتراوي

..



ترى منته بمثر في جنونٍ دارها في هيت=توقع ماهو بخاري ولا فالاصل جداوي

انا ماني خلاف القوم انا راع الفعل والصيت=يومنك يالثبيتي فالزويا دوم متزاوي

ههههههههههههههههه
من قلبه

انا كرتي مغطا وانت لا تلعب ولا جليت= وانا ناويك نيه منت داري ويش انا ناوي

اقول الليل طرف ون سهرة الليل ماصليت= يقومون لصلاة الفجر وانته منسدح ثاوي

الاخ العزيز ناصر
الليل طرف وانا عندي دوام
وتصبح على خير
والشكر مؤصول للخوان
وتصبحون على خير

اخوكم
ومغليكم
ابوفهد

..


النشمي

..


صح لسانكـ شاعر ودكتور وبسم الله الرحمااان ههههه اتشرف يوم اجاري شرواك

واعذرنا على القصور وإذا فاتتك صلاة الصبح ماني مسؤل

تصبح على خير

..

ناصر الجلاه

هلا يامرحبا ترحيب بالنشمي وكل ثبيت=شيوخٍ في عتيبه كلهم روقي وبرقاوي

حفرتوا برتواز الماء وطبيتوا بمنبع زيت=وصارت لقمةٍ من قسمة الوبال والشاوي


النشمي

يدوم ابك البقا وثبيت ساس المعرفه والبيت=ولن دقت طبول الحرب لا ترحم ولا تاوي
اخذنا اللي نبا والا انت عن بعض العلوم ازريت=واضنك يالجلاه اطيح تال الوقت متساوي


ناصر الجلاه

ونعمين وثلاث انعام كان اوحيت أو ماوحيت=وحنا ألاد عاصم مجدنا يهرجبه الراوي

ابو عرام وش به يخلط الكمون بالحلتيت=على كبده مراره لايزود فوقها اللاوي


النشمي

ياناصر تمشي ادروب الخطاء وتقول انا مخطيت= واثر راع الرعيه يالعصيمي ذيبها العاوي

ابو عرام عابيلك من البارود والكبريت=سرى ليلك لكن الليل يامردود ياحاوي


ناصر الجلاه

ترى لولا الطريق اللي مشيته حضرتك ماجيت=ولكن خلها فوق النجوم وسرها داوي

ياليتك تذخره للقوم في وقت الوغى ياليت=على شان المعارك ترفعك يالسارح الضاوي


النشمي

وصلنا قبل تاصل مار ريح واسترح ياشيت=قبل نزعل علاك وناسمك بالميسم الكاوي
انا ابنشدك ياناصرمع العتبان وش سويت=نهار ان الجنايز في صليب الحزم سنداوي


ناصر الجلاه

ترى مانلتفت يمك سواك اصبحت وألا امسيت=تبى تزعل تبى ترضا على كيفك يامكاوي

انا في ماقفي وأقف هذا سالم وهذا ميت=تعلى نجمنا يومٍ نجمك فالفضاء هاوي


النشمي

انا عندي دواء واقراء على المجنون والعفريت=وترى ماهمني فالوقت لا هندي ولا جاوي

يقال انك خلاف القوم لا صامل ولا ذليت=ولكن الحمول اخفاف وانت اتلد وتراوي


ناصر الجلاه

ترى منته بمثر في جنونٍ دارها في هيت=توقع ماهو بخاري ولا فالاصل جداوي

انا ماني خلاف القوم انا راع الفعل والصيت=يومنك يالثبيتي فالزويا دوم متزاوي


النشمي

انا كرتي مغطا وانت لا تلعب ولا جليت= وانا ناويك نيه منت داري ويش انا ناوي

اقول الليل طرف ون سهرة الليل ماصليت= يقومون لصلاة الفجر وانته منسدح ثاوي

ناصر الجلاه


صح لساااانك ملايين مبدع

مبدع ولافيك حيله


ابو فهد


مبدع ورائع

ولافيك حيله


صح لسانك


طاروق جميل