هلا يامرحبا في مرحبا حييّت يابن دحيم(سلطان)
عبدالله الاصعر27-Jul-2009, 03:42 PM
هلا يامرحبا في مرحبا حييّت يابن دحيم=على شانك رجل عالي مقامه يالله الخيره
على شان الوفا بين العرب تستاهل التكريم=من النار اقرب وتلقى الكرامه يالله الخيره
سلطان بن دحيم27-Jul-2009, 04:05 PM
انا اقول ابقاء في مرحبا ما هل وبل الغيم = وانا وياك هامه جنب هامه يالله الخيره
الايالوافي اللي تعرف التحليل والتحريم = ترا كل(ن) رصاصه في حزامه يالله الخيره
عبدالله الاصعر27-Jul-2009, 04:35 PM
تعلّم كان تبغى اعلى ادرجه يارجل فالتعليم=مع اهل العلم خل اهل الغشامه يالله الخيره
انا دايم معك وافي وريس لجنة التحكيم=من ايمينه ملبسك العمامه يالله الخيره
سلطان بن دحيم27-Jul-2009, 05:00 PM
وصاتك طيبه والناس ذا راحل وذاه مقيم = وانا قلت اتصدق بابتسامه يالله الخيره
ترا سلطان يالطيب تعدا مستوى التقييم = والاصعر ناسي(ن) نفسه علامه يالله الخيره
عشقA27-Jul-2009, 05:32 PM
الأصعر & بن دحيم
صح لسااااااانكم ياشعراااااءنا...
تقديري....
سلطان بن ثعلي27-Jul-2009, 06:16 PM
عبدالله الاصعر+ سلطان بن دحيم
صحت الالسن والله ياشعار
واصلوااا والله يقويكم
سجلوني متابع للجميع الابداع
والصف صفك ياعبدالله ولايهون سلطان
لكم احترامي
سلطان بن دحيم27-Jul-2009, 09:34 PM
عشق /// سلطان
صحة ابدانكم
شرفتونا بالمرور
تحياتي
صاهود27-Jul-2009, 10:12 PM
طلال ناشي28-Jul-2009, 03:41 AM
ياسلام ياسلام
عشت ياعبدالله /// وعشت ياسلطان
الايالوافي اللي تعرف التحليـل والتحريـم = ترا كل(ن) رصاصه في حزامه يالله الخيره
هذا والله الكلام ...............
تحيااااتي وتقديري
سلطان بن دحيم28-Jul-2009, 03:31 PM
ذيب عروا///طلال ناشي
صحة ابدانكم
شرفتنونا
عبدالله الاصعر28-Jul-2009, 08:41 PM
المعذره على التاخير لانقطاع الاتصال
اباك تصير شيخ اغزيبك المطران ولاّ سليم=لاجا يوم(ن)مثل يوم الرغامه يالله الخيره
تبا تارد على العدّ وتعوّد من علاه محيم=والاصعر مثبتٍ والله كلامه يالله الخيره
سلطان بن دحيم28-Jul-2009, 09:53 PM
معذور لاهنت
يالاصعر راحت علومك معي ترهيم في ترهيم = تعلم لك نظامي في نظامه يالله الخيره
ليا منا حضرنا يالسنافي ساعة التقسيم = خذيت من الجمل ذروة سنامه يالله الخيره
صاهود28-Jul-2009, 10:03 PM
المعذره على التاخير لانقطاع الاتصال
اباك تصير شيخ اغزيبك المطران ولاّ سليم=لاجا يوم(ن)مثل يوم الرغامه يالله الخيره
تبا تارد على العدّ وتعوّد من علاه محيم=والاصعر مثبتٍ والله كلامه يالله الخيره
اثرك تبا تغزي علي مطير
لا انشالله عساه مايتعلم ههههههههههههههه
وصح السانك
صاهود28-Jul-2009, 10:04 PM
معذور لاهنت
يالاصعر راحت علومك معي ترهيم في ترهيم = تعلم لك نظامي في نظامه يالله الخيره
ليا منا حضرنا يالسنافي ساعة التقسيم = خذيت من الجمل ذروة سنامه يالله الخيره
كفو كفو
اتعبي ماراح بلاش هههههههه
سلطان بن دحيم28-Jul-2009, 10:19 PM
كفو كفو
اتعبي ماراح بلاش هههههههه
ههههههههههههههههههههههههههههههه
عبدالله الاصعر28-Jul-2009, 10:26 PM
احسبنّك على ضني ياسلطان الرويس فهيم=واثر مانته بكفواً للزعامه يالله الخيره
ليا منّا حضرنا جالها بين الرجال زعيم=عن شداد الجمل شوف المسامه يالله الخيره
عبدالله الاصعر28-Jul-2009, 10:30 PM
عشق
سلطان ابن ثعلي
طلال ناشي
ذيب عروى
صحت ابدانكم
ومشكورين على المرور
تقبلو تحياتي
سلطان بن دحيم28-Jul-2009, 10:48 PM
انا ما اخلف ظنون اهل المعرفه وانت اظنك نيم = حلال الهرج يخلط مع حرامه يالله الخيره
ترا ما فيك قاصر مير طعني لا تقوم تهيم = وتعرف نجد ما يشبه تهامه يالله الخيره
عقاب العنزي28-Jul-2009, 10:53 PM
وصاتك طيبه والناس ذا راحل وذاه مقيـم
وانا قلت اتصدق بابتسامـه يالله الخيـره
ترا سلطان يالطيب تعدا مستـوى التقييـم
والاصعر ناسي(ن) نفسه علامه يالله الخيره
ياسلام
صح لسانك ياعبدالله وياسلطان
وبصف سلطان ولايهون عبدالله
..
عبدالله الاصعر28-Jul-2009, 11:09 PM
لا بالله كل ماقلناه صح ولا طلع توهيم=هذا سلطان وش خانة وسامه يالله الخيره
انا شبيت ناري وانت كيف اتشبها يا شريم=عليك القوم يلقون الملامه يالله الخيره
عبدالله الاصعر28-Jul-2009, 11:11 PM
عقاب العنزي حياك الله
صح بدنك ومشكور على المرور الكريم
تحياتي
سعود العصيمي28-Jul-2009, 11:49 PM
عبدالله الاصعر=
هلا يامرحبا في مرحبا حييّت يابن دحيـم=على شانك رجل عالي مقامه يالله الخيـره
على شان الوفا بين العرب تستاهل التكريم=من النار اقرب وتلقى الكرامه يالله الخيره
سلطان بن دحيم=
انا اقول ابقاء في مرحبا ما هل وبل الغيم=وانا وياك هامه جنب هامـه يالله الخيـره
الايالوافي اللي تعرف التحليـل والتحريـم=ترا كل(ن) رصاصه في حزامه يالله الخيره
عبدالله الاصعر=
تعلّم كان تبغى اعلى ادرجه يارجل فالتعليم=مع اهل العلم خل اهل الغشامه يالله الخيره
انا دايم معك وافي وريس لجنة التحكيـم=من ايمينه ملبسك العمامـه يالله الخيـره
سلطان بن دحيم=
وصاتك طيبه والناس ذا راحل وذاه مقيـم=وانا قلت اتصـدق بابتسامـه يالله الخيـره
ترا سلطان يالطيب تعدا مستـوى التقييـم=والاصعر ناسي(ن) نفسه علامه يالله الخيره
عبدالله الاصعر=
اباك تصير شيخ اغزيبك المطران ولاّ سليم=لاجا يوم(ن)مثل يوم الرغامه يالله الخيـره
تبا تارد على العدّ وتعوّد من عـلاه محيـم=والاصعر مثبتٍ والله كلامـه يالله الخيـره
سلطان بن دحيم=
يالاصعر راحت علومك معي ترهيم في ترهيم=تعلم لك نظامـي فـي نظامـه يالله الخيـره
ليا منا حضرنا يالسنافـي ساعـة التقسيـم=خذيت من الجمل ذروة سنامه يالله الخيـره
عبدالله الاصعر=
احسبنّك على ضني ياسلطان الرويس فهيم=واثر مانته بكفـواً للزعامـه يالله الخيـره
ليا منّا حضرنا جالها بين الرجـال زعيـم=عن شداد الجمل شوف المسامه يالله الخيره
سلطان بن دحيم=
انا ما اخلف ظنون اهل المعرفه وانت اظنك نيم=حلال الهرج يخلط مـع حرامـه يالله الخيـره
ترا ما فيك قاصر مير طعنـي لا تقـوم تهيـم=وتعرف نجد مـا يشبـه تهامـه يالله الخيـره
عبدالله الاصعر=
لا بالله كل ماقلناه صح ولا طلـع توهيـم=هذا سلطان وش خانة وسامه يالله الخيـره
انا شبيت ناري وانت كيف اتشبها يا شريم=عليك القوم يلقون الملامـه يالله الخيـره
صحت السنتكم
يامبدعين.
حمود بن برجس28-Jul-2009, 11:49 PM
الاصعر
بن دحيم
صحت السنتكم ولاهنتوا
وبيض الله وجيهكم على هالطاروق
عبدالله الاصعر29-Jul-2009, 01:38 AM
سعودالعصيمي
صح بدنك وبيض الله وجهك على التنسيق
تحياتي وتقديري
عبدالله الاصعر29-Jul-2009, 01:39 AM
حمود ابن برجس
صح بدنك ومشكور على المرور الكريم
تحياتي وتقدير
سلطان بن دحيم29-Jul-2009, 10:12 AM
المعذره على التاخير
كلامك ما منه تأخير يالاصعر ولا تقديم = يا ابو قلب(ن) تبين فيه شامه يالله الخيره
عسى ربي يعين اللي شكى التهميش والتحطيم = وتهديده يبشر بالسلامه يالله الخيره
بندر المرشدي30-Jul-2009, 10:03 AM
عبدالله الاصعر31-Jul-2009, 02:12 AM
سلطان ابن دحيم بيض الله وجهك
وتشرفت باللعب معك
تحياتي
عبدالله الاصعر31-Jul-2009, 02:13 AM
بندر المرشدي صح بدنك
مشكور على المرور
تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
