محاورة بين صياف الحربي وخليف بن دواس يرحمهم الله جميع

محاورة بين الشاعرين صياف الحربي وخليف بن دواس




صياف




الله يـعـز الجمـاعـه طيبـيـن النـفـوس ** فالليـلـه الحامـيـه والملعـبـه حـامـيـه

اعطونـي اللـي كلامـة مثـل نقـد الفلـوس** .............................................




خليف




البينه ثابتـه ويبيـن لـروس روس ** مع حلة الراحل والا طول الاياميه

ياطالب الحاجه النيبان قبل الضروس ** وان طول النوم زانت فيه الاحلاميه




صياف




ياخليف بعض السنتكم كنها حد موس ** واطرافها يابسـه وعروقهـا ناميـه

بعض الجماعه يجيبون الكلام معكوس ** روح احفر البير اظنك تسقي الضاميه


خليف




مغير نمزح ونلعب في زواج العروس ** والارض حامل بحمل اصغار الاغاميه

اليا تعلمت بعض الناس عميان طوس ** بادي نظرها على ديكور وافلاميـه




صياف




هذي طبوع الليالي قوس من فوق قوس ** خلت حديد النظر في العامي الصاميه

مانسمع الا البواري مع صرير التروس ** بين الرفاقه وبين اكبـار الارحاميـه




خليف




العام الاول عهد نابك بحرب البسوس ** واليوم بحسن كرم تومي بالكماميـه

الله يمسيك بالخيرات ليلـك عبـوس ** اترك بني حام وشتر من بني ساميـه


صياف




العام الاول جهل وادوس برجل دوس ** واليوم مثل الجبال الركـد الزاميـه

ماكل وادي تحصل فيه ذيبٍ فـروس ** لكن خلك ولـد عـزام جزاميـه


خليف





العام واليوم مافي عيونك الا الكبـوس ** ان رحت لهل اليمن وان رحت لشاميه

انا لقيت الرجال اللي لحاءها ملـوس ** وتعبت واتعبت رجلي بين الايتاميـه




صياف




اليا مزحنا معك راحت عيونك يبوس ** اصبر دقيقه تجيـك مطيـر متراميـه

ان كان قلبك غدا ضيعت كل الدروس ** وان كان قلبك معك عذبت الاقداميه


خليف




ماني مصدقك وانت احلف بدين الغموس** بعض السوالف بحاجه نقـض وبراميـه

مانته بخابرني الفاهم بقلـب امغمـوس ** سقـي بزمـزم وزمزمهـا تزمزاميـه

الله الله

عز الله محاورة كايفه رحم الله شاعرالخليج صياف الحربي ورحم الله خليف


لاهنت يالمطرفي كانها عندك صوت ولافيديو ليتك تنزلها

الله يرحمهم جميعاً شعااااااااااار كبار
مشكور على النقل