زبن القاضي وسلطان الجلاوي ومرهب البقمي وحمود السمي

السلام عليكم ورحمة الله وبركاته

أسعد الله جميع أوقاتكم بكل خير ,


أعزائي أعضاء منتدى الهيلا
أقدم لكم طاروق رباعي بـ حفل حسين العازمي
بين كل من :
زبن القاضي و سلطان الجلاوي
و
حمود السمي و مرهب البقمي


زبن القاضي
الا يامرحبا من شاعر الهيلا هل الامجاد=قبيله مجدها في روس حاضرها وماضيها
سلطان الجلاوي
الا يامرحبا ترحيبةً تنشر على الاشهاد=اقوله عن بني عاصي رجالً نفتخر فيها
مرهب البقمي
بأسم روس البقوم اللي على البيداء كما الاوتاد=عسى فيك البقى والقوم نعرفها بأساميها
حمود السمي
بقيتوا يا رجالً مجدكم سيفً حدب وشداد=وانا من روس قومً حيً اولها وتاليها
زبن القاضي
تروح يمين والا يسار واقف لك على المرصاد=ولا والله تضيع رعيةً في حكم راعيها
سلطان الجلاوي
الا يا حاسبين الوقت بالهجري وبالميلاد=على قول المثل والنار تحرق رجل واطيها
مرهب البقمي
ترا ابوجعفر المنصور هو اللي عمر بغداد=وانا رجال اميز كلمتي قدام اغنيها
حمود السمي
على وضح النقا المجرود والميقاف قدح زناد=وانا شبيت ناري والمطافي ماتطفيها
زبن القاضي
ترا صدام ربي خالقه سلطه على الاكراد=وانا ربي خلقني للعيون الحول ابعميها
سلطان الجلاوي
رحمك الله يا مطلق ويا صياف بن عواد=عظامً باليه معاد باقً غير طاريها
مرهب البقمي
عسى الاكراد والشيعه تكاثر مالها عداد=وانا مالي دخل لو كان حاميها حراميها
حمود السمي
عسى الله يرحم العيه مثل عنتر ولد شداد=يسوي له سواتن يالجلاوي ماتسويها
زبن القاضي
انقد كلمتي قدام لاينقدني النقاد=ماتغدي حجتي مابين كاتبها وقاريها
سلطان الجلاوي
على هونك يأبن عايض لاتسرع يفصل العداد=انا لي هيبةً منها العدا تومي بأذانيها
مرهب البقمي
علومي مثل كيف الدله اللي تسبق البراد=لكن يازين لاتزبن جبالً تدرق فيها
حمود السمي
تبا تسوي مثل هامان وتهيمن على الاجواد=وحنا ناس ماهيمن عليها غير باريها

لاهنت ياسيف ...

,,

لا هنت يالغالي,,,

السمي شاعرررررررررررررررر
بشهادة الزلامي وحبيب وابن شايق والرياحي رحمه الله
لكن متردد وكأنه لا يحب تمثيل البقوم بعد وفاة الرياحي على الرغم من انه افضل شاعر بقمي حتى الان
اصحى ياحمود وخل عنك النوم

طاروق رائع
وفيه حماس شوي
من الطرفين
تحياتي لك