قصيده مهداه للشاعر عبدالله بن عون.. والشاعر عبدالله بن زويبن

هذي القصيده قلتها عندما كنت اتابع برنامج قصيد ومعازيب على قناة المرقاب الفضائيه
واللذي كان يجمع علمين من اعلام الشعر في الجزيره العربيه
الشاعر عبدالله بن عون العتيبي والشاعر عبدالله بن زويبن الحربي



الليله اتابع قصيد ومعازيب=ولقى النشاما فرصة نغتنمها
خطلان الايدي طاياين الاشانيب=ثل الجبال اللي بعاد قممها
برنامج من طيبه الخاطر ايطيب=على قناة كلنا نحترمها
ساعة لقاهم يحضر القلب ويغيب=والسالفه لو مرته ما لزمها
لولا ستاره والضلوع المحاديب=يمديه من زود الحماس اقتحما
جنه هواجيس الضماير مناديب=وعقب استلمها فالقوافي نضمها
عسفتهن عسف النضى بالمشاعيب=حتى تطاوع روسها مع خطمها
مايخطي الاسناع من رايه مصيب=وجزل المعاني بالجزيل استلمها
في مدح شعار بدو فالمراقيب=صدق المشاعر شيمة من شيمها
ابن زويبن منقع العرف والطيب=لسان حرب وفاللزوم يخدمها
شاعر علم مافيه شكه ولا ريب=في حقه الشعار تنصف ذممها
يشهد ل شعره شاعر رايه يصيب=من يمه ابرى ذمته ماضلمها
شهادة ماله وراها مطاليب=مير الحقيقه عدها ماكتمها
عبدالله بن نايف الشهم الاديب=اللي ليا غنا القصيده رسمها
فالطيب ولا له عن الطيب تجنيب=كم شارد ترجع له ليا نهمها
بالشعر والحكمه قوي المضاريب=شيد صروح المعرفه ما هدمها
في محزمه مايحتزم بالمكاذيب=يوم اكثر الشعار مليا حزمها
والشاعر اللي كل شعره عذاريب=اما انه اعمى العين ولا لطمها
دايم يغثرب صافيات المشاريب=وقصايده واضح عليه ايعكمها
ويقول يالدنيا الشقيه مكاتيب=ومن اذنها يقطع ويرمي بفمها
مايدري ان الضن في مثل يخيب=وربع تدور خدمته ماخدمها


الشاعر عبدالله الاصعر

الله الله ...

شاعر علم يا الاصعر وصح لسانك ,,

والممدوحين غنيين عن التعريف وشعار ما عليهم كلام ,,

سجل اعجابي يا الذيب

مشاعر تدل على محبتك للعلم الغانم ومزارق الطيب ، صح الله لسانكـ

بيض الله وجهك يا الأصعر

وصح لسانك

كان اللقاء ممتع بكل ماتعنيه الكلمة

قصيد وسوالف وعلوم جزلة

تقبل تحياتي

صح لسانك


ويستاهلون