طلبي عند ولد خال عواض الذيابي

جالي طلب عند ولد خال عواض بن مستور الذيابي
مشهور بن تركي الذيابي وارسلت عواض عليه ولبى الطلب وكتب عواض هذه القصيده
في ولد خاله بمناسبة طلبي عند ابو تركي



تــكفــى يابوتركي نخاني جاري
والجار مرتبط(ن) بسلم الجيره
يوم اتصل فوقي نخاني نخوه
وعن لازمه ماعاد لي توخيره
ثم قال ابي جاهك ياراع الفزعه
عند ابن تركي فزعة العشيره
ذكره وصل كل الديار وجاها
مشهور مايقضي لزومي غيره
وقلت ابشر اني في لزومك حاضر
وان ما انقضى رحلت من هالديره
ذكرت والله من يريح بــالي
انـصـاه لاكثرت علي الحيره
خالي ولد خالي وعزوة راسي
يوم الردي محد(ن) شبع من خيره
اما فزع في لازمي من يفزع
اروح مثل اللي بلش مع طيره
مشهور انا جيتك بعد ماجاني
وعساك تبقى للزوم ذحيره
واقبل تحيات الضمير الصادق
وياجعل لك في ماتسوي خيره




وانا رديت على عواض واشدت بمى سوا ابو تركي
ويستحقون المدح



نخيت جاري بيض الله وجهه
عواض راع الطايله ماغيره
ماهو غريب الطيب فوق الطيب
والخبل مايسوى عقال بعيره
عواض راع النخوه المشهوده
مـا فـيـه لا لـفـه ولا تدويره
مشهور خال(ن) له وتركي خاله
ذوي نجم يا طيبين السيره
تكبر على بعض الرجال القاله
وان جالها مشهور جات صغيره
يحلها بالمعرفــه والــحكــمه
صليب رأي وناجح(ن) تفكيره
ومن لا نفع ربعه ومن جاء عاني
لا نافع(ن) حــلمه ولا تفسيره
مشهور ابن تركي طويل اليمنى
محصل(ن) كلمة نعم مع غيره
الله يبقي حــيهم ويــعــزه
والميت الله يرحمه ويجيره
اقــولهــا والله عليه شاهد
ماهوب لا ضحكه ولا تمريره

وسلامتكم

ابو زبن صح لسانك وصح لسان عواض الذيابي

تحيتي

جيران بعضها تنخا بعض وراحت افزوع بينهم هههههههه


تسلم ابو زبن وصحت السنتكم