08-Nov-2005, 03:12 PM
للشاعر فاروق بن فهد الكسر
سـر ياقلـم والصـدر يمليـك مـالاق=نوادر تجلـي عـن الخاطـر الضيـق
إنجـاب فكـر ٍ جـاب مـالاق الأذواق=لياهام حلق في سمـا الشعـر تحليـق
ماجت له الفكرة علـى بيـض الأوراق=ولا قام يستعـرض عليهـا الطواريـق
واللي خذن من رونق الشعـر رونـاق=بنات فكـري فـوق بيـض اللواهيـق
عقد ٍ جمـع در ٍ لمـع فـوق الأرنـاق=تغـار منـه نجـوم ظلمـا الحناديـق
من فيض فكري والضمايـر والأعمـاق=يشوق ترنيمـه هـل الشعـر تشويـق
ويشوقني وأسوق من ضيقـي شيـاق=تصريـف هـم مـال كونـه تفاريـق
مير أدن لي ياسعود مايجـل الأغـلاق=هـات الـدلال وروق الكيـف ترويـق
ياسعـود عـد مهيـلٍ يبـر الأضيـاق=تراي أعي مـع خنـة الهيـل وأفيـق
يصيح في راسـي زعانيـف وحمـاق=ليا شفتهـن فـوق المنـاره مدانيـق
والنار تومـي ضاحهـا ضـاح لهـاق=عقب أدبحن يـم المغيـب المشاريـق
كن الهوى لأقرى علـى النـار سـراق=ليا قام ياخـذ مـع طرفهـا تساريـق
ونجر ٍ تهيض له المشاعر والأشـواق=ياسعود ياخذ بـي ضبيحـه غداريـق
لأدوى بثلـث ٍ فأخـر الليـل غسـاق=ينعش ضميري نعشة العـرق للسيـق
وأنا هواي اللي لهـن خاطـري شـاق=رسلانتيـن ٍ مـن طـوال المعانـيـق
لازل شـقـراً للمطالـيـق معـشـاق=ملموسـة ٍ بالنـار مـن دون تحريـق
منهـا خنيـن الهيـل لاخـن عـبـاق=فالـراس يفتـح للطـواري فناتـيـق
وإن سيق فنجاله على الكيـف ينسـاق=مافيـه لاخـلـه ولافـيـه تبـريـق
هـذا وأنـا اللـي للشواهيـق عشـاق=والرجع نجع البـدو والوقـت ماشيـق
أقولهـا مانـيـب لا قـلـت فـهـاق=لاشـك يبغـا المجـد حـظ وتوافيـق
في نجـد مايمسـك للأمجـاد مسبـاق=ألا عديـم ٍ حقـق الـقـول تحقـيـق
من راس من يفصل عن الروس الأشناق=في ضـف قـوم يحتمـون الملاحيـق
ألآد روق اللـي للأمـجـاد عـشـاق=شيخـان نجـد معوقـة كـل عويـق
خلو دويـش مطيـر للشـرق شـراق=وأقفـا يهـل عبارهـا عقـب ماسيـق
وبن رشيـد اللـي تومـر ورى سـاق=عقنـاه بخشـوم الرمـاح الـزواريـق
لين إنكسر من عقـب عقنـاه وإنعـاق=وأقفـا يبـي منـا السلامـه تشافيـق
وعلى طلال يشالـق الـروس شـلاق=العـام يــوم يرفـرفـن البـواريـق
يوم إنجلع مـع فتقـة الصبـح فتـاق=والموت جـا لرعـود نـوه تصاعيـق
لين أنكفوا من عقـب مكفـا ومـدلاق=وتفرقت جمعـة هـل الجمـع تفريـق
راحوا مثل صيد الخـلا طـرد ولحـاق=تذايـروا عنـا مثـل شـرد الهـيـق
من ضـرب هنـدي ٍ لـلأرواح زهـاق=سيـف طعونـه فـي عـدوه مغاميـق
يتلونـه اللـي للفخـر ساقهـم سـاق=شيخـان روق مبعـديـن المرامـيـق
برهاف هند وسـرج سابـق وسبـاق=وزرق الرماح اللـي ندبهـن مزاريـق
وشلفن زما مع دربهـن كـل شوهـاق=ماعيق مضربهن عن الـروس ماعيـق
في نجـد حنـا متيهـة كـل مفـواق=سحـج البكـار مولعـات العشاشيـق
يازينها فـي سهلـة ٍ روضهـا بـاق=فيهـا يهـز النـود روس الزمالـيـق
ليـا رايعـت حيرانهـا خلـف النـاق=وقامـت تعـوج بروسهـا للمساويـق
وليامشـن قامـن يزومـن الأعـنـاق=مافي بعضهن عـن بعضهـن تفاهيـق
خلاقهن مـن جوهـر الحسـن خـلاق=أبـدع بهـن خـلاق كـل المخالـيـق
وأنزل غلاهن فـي جمـا كـل خفـاق=عند الرجـال اللـي تهـوز الشواهيـق
البل تبي مـن عانـق النايـف عنـاق=اللـي بنـا لأمجـاد قومـه عماليـق
اللـي يطـول وللطويـلات يشـتـاق=شامان بن هايـف عريـب المعاميـق
هذاك له طـرف أكحـل العيـن تـواق=ودايم لـه أنظـار العـذارى متاويـق
أنـا أشهـد إنـه فالرياجيـل عمـلاق=وأنا أشهد إنه مـن ركـون ٍ مشاهيـق
والشيخ أبـو فـواز حمـاي الألحـاق=اللـي رفـع لرسـوم ناصـر معاليـق
شيخ ٍ ضحى جوده لأهل نجـد مشـراق=في نجد يزمي مثـل أبانـات وطويـق
وقاعـد ولـد قعـدان حـر ٍ ليـا واق=يـرم العشـا للحايمـات المحامـيـق
وضيف الله اللي في دجا الليـل شعـاق=نـاره يـزم لسـاري الليـل ويويـق
ضحوك سن وعنـده مـزوح وأخـلاق=وراحـات جـوده بالمكـارم مدافـيـق
وبـن ثنيـان الفخـر محتـم السـاق=عنـده ملازيـم الـوفـا والمواثـيـق
يالبيض ياللي سلمكـن حـب وإفـراق=بالـود شومـن للزحـول المطالـيـق
جـل الفخـر مافـي عقايدهـم دقـاق=ذكرتهـم يـوم الفخـر فيهـم يلـيـق
ولا ترى الروقـه هـوى كـل مشتـاق=في مدحهـم يازيـن نظـم الطواريـق
وختامهـا مـالاح فالـمـزن بــراق=ومامـاه لبحـور السرابـه تخافـيـق
من عمق صـدر ٍ لا تجهـم ولا ضـاق=يضحك ليـا صكـت عليـه المغاليـق
سـلام ٍ أحلـى مـن مناقـيـع الأوداق=عقب إنجلى عن خاطري زاجر الضيـق
سـر ياقلـم والصـدر يمليـك مـالاق=نوادر تجلـي عـن الخاطـر الضيـق
إنجـاب فكـر ٍ جـاب مـالاق الأذواق=لياهام حلق في سمـا الشعـر تحليـق
ماجت له الفكرة علـى بيـض الأوراق=ولا قام يستعـرض عليهـا الطواريـق
واللي خذن من رونق الشعـر رونـاق=بنات فكـري فـوق بيـض اللواهيـق
عقد ٍ جمـع در ٍ لمـع فـوق الأرنـاق=تغـار منـه نجـوم ظلمـا الحناديـق
من فيض فكري والضمايـر والأعمـاق=يشوق ترنيمـه هـل الشعـر تشويـق
ويشوقني وأسوق من ضيقـي شيـاق=تصريـف هـم مـال كونـه تفاريـق
مير أدن لي ياسعود مايجـل الأغـلاق=هـات الـدلال وروق الكيـف ترويـق
ياسعـود عـد مهيـلٍ يبـر الأضيـاق=تراي أعي مـع خنـة الهيـل وأفيـق
يصيح في راسـي زعانيـف وحمـاق=ليا شفتهـن فـوق المنـاره مدانيـق
والنار تومـي ضاحهـا ضـاح لهـاق=عقب أدبحن يـم المغيـب المشاريـق
كن الهوى لأقرى علـى النـار سـراق=ليا قام ياخـذ مـع طرفهـا تساريـق
ونجر ٍ تهيض له المشاعر والأشـواق=ياسعود ياخذ بـي ضبيحـه غداريـق
لأدوى بثلـث ٍ فأخـر الليـل غسـاق=ينعش ضميري نعشة العـرق للسيـق
وأنا هواي اللي لهـن خاطـري شـاق=رسلانتيـن ٍ مـن طـوال المعانـيـق
لازل شـقـراً للمطالـيـق معـشـاق=ملموسـة ٍ بالنـار مـن دون تحريـق
منهـا خنيـن الهيـل لاخـن عـبـاق=فالـراس يفتـح للطـواري فناتـيـق
وإن سيق فنجاله على الكيـف ينسـاق=مافيـه لاخـلـه ولافـيـه تبـريـق
هـذا وأنـا اللـي للشواهيـق عشـاق=والرجع نجع البـدو والوقـت ماشيـق
أقولهـا مانـيـب لا قـلـت فـهـاق=لاشـك يبغـا المجـد حـظ وتوافيـق
في نجـد مايمسـك للأمجـاد مسبـاق=ألا عديـم ٍ حقـق الـقـول تحقـيـق
من راس من يفصل عن الروس الأشناق=في ضـف قـوم يحتمـون الملاحيـق
ألآد روق اللـي للأمـجـاد عـشـاق=شيخـان نجـد معوقـة كـل عويـق
خلو دويـش مطيـر للشـرق شـراق=وأقفـا يهـل عبارهـا عقـب ماسيـق
وبن رشيـد اللـي تومـر ورى سـاق=عقنـاه بخشـوم الرمـاح الـزواريـق
لين إنكسر من عقـب عقنـاه وإنعـاق=وأقفـا يبـي منـا السلامـه تشافيـق
وعلى طلال يشالـق الـروس شـلاق=العـام يــوم يرفـرفـن البـواريـق
يوم إنجلع مـع فتقـة الصبـح فتـاق=والموت جـا لرعـود نـوه تصاعيـق
لين أنكفوا من عقـب مكفـا ومـدلاق=وتفرقت جمعـة هـل الجمـع تفريـق
راحوا مثل صيد الخـلا طـرد ولحـاق=تذايـروا عنـا مثـل شـرد الهـيـق
من ضـرب هنـدي ٍ لـلأرواح زهـاق=سيـف طعونـه فـي عـدوه مغاميـق
يتلونـه اللـي للفخـر ساقهـم سـاق=شيخـان روق مبعـديـن المرامـيـق
برهاف هند وسـرج سابـق وسبـاق=وزرق الرماح اللـي ندبهـن مزاريـق
وشلفن زما مع دربهـن كـل شوهـاق=ماعيق مضربهن عن الـروس ماعيـق
في نجـد حنـا متيهـة كـل مفـواق=سحـج البكـار مولعـات العشاشيـق
يازينها فـي سهلـة ٍ روضهـا بـاق=فيهـا يهـز النـود روس الزمالـيـق
ليـا رايعـت حيرانهـا خلـف النـاق=وقامـت تعـوج بروسهـا للمساويـق
وليامشـن قامـن يزومـن الأعـنـاق=مافي بعضهن عـن بعضهـن تفاهيـق
خلاقهن مـن جوهـر الحسـن خـلاق=أبـدع بهـن خـلاق كـل المخالـيـق
وأنزل غلاهن فـي جمـا كـل خفـاق=عند الرجـال اللـي تهـوز الشواهيـق
البل تبي مـن عانـق النايـف عنـاق=اللـي بنـا لأمجـاد قومـه عماليـق
اللـي يطـول وللطويـلات يشـتـاق=شامان بن هايـف عريـب المعاميـق
هذاك له طـرف أكحـل العيـن تـواق=ودايم لـه أنظـار العـذارى متاويـق
أنـا أشهـد إنـه فالرياجيـل عمـلاق=وأنا أشهد إنه مـن ركـون ٍ مشاهيـق
والشيخ أبـو فـواز حمـاي الألحـاق=اللـي رفـع لرسـوم ناصـر معاليـق
شيخ ٍ ضحى جوده لأهل نجـد مشـراق=في نجد يزمي مثـل أبانـات وطويـق
وقاعـد ولـد قعـدان حـر ٍ ليـا واق=يـرم العشـا للحايمـات المحامـيـق
وضيف الله اللي في دجا الليـل شعـاق=نـاره يـزم لسـاري الليـل ويويـق
ضحوك سن وعنـده مـزوح وأخـلاق=وراحـات جـوده بالمكـارم مدافـيـق
وبـن ثنيـان الفخـر محتـم السـاق=عنـده ملازيـم الـوفـا والمواثـيـق
يالبيض ياللي سلمكـن حـب وإفـراق=بالـود شومـن للزحـول المطالـيـق
جـل الفخـر مافـي عقايدهـم دقـاق=ذكرتهـم يـوم الفخـر فيهـم يلـيـق
ولا ترى الروقـه هـوى كـل مشتـاق=في مدحهـم يازيـن نظـم الطواريـق
وختامهـا مـالاح فالـمـزن بــراق=ومامـاه لبحـور السرابـه تخافـيـق
من عمق صـدر ٍ لا تجهـم ولا ضـاق=يضحك ليـا صكـت عليـه المغاليـق
سـلام ٍ أحلـى مـن مناقـيـع الأوداق=عقب إنجلى عن خاطري زاجر الضيـق
