مرزوق تعال هنا .. رحله سياحية

مرزوق مرزوق نبغى نأخذه ويشوف لبنان = يمكن ليا راح نطلع له بوجه وشكل ثاني
لن كان عيا يروح نقول يا مرزوق خسران = خلك لحالك وحدك فالمويه وفالمحاني

خل المدير يغير


جو ياماجد


مرزوق تمشيه مجانيه لا تعيي


ههههههههههههههههههههههههههههههه


في انتظار المدير المتألق والمبدع دائماً


مرزوق


وتراني في صفه ياماجد ولا تهوووون يالغالي


تحياتي

هلا وغلا فيك

يا فـــيــــصل

لا لا مو معقوله في كل محاورة وأنت مبلشني

لازم نشووف لك واحد يدبر أمرك

تحياااتي لوجودك

صح السانك ياماجد

بس وراكم على مديرنا

أنت بتوديه لبنان |14|

والكبتن مدري وين بيوديه|50|

ياجماعه لا تخربون مديرنا|197|

هههههههههه

أنا ودي له بالسياحه العربية يا ذياب

أما الكبتن مناحي مو موطيها قريب

يبا البلاد الأجنبيه|194|

ومديرنا لازم نوسع صدره لا يضيق علينا |182|

أنا والكبتن

نعمل سويا ً لصالح المدير

ألف شكر لمرورك

هههههههههههههههههه

سوياً لصالح المدير ؟؟ !! :rolleyes:

ما تبون احد معكم تمشونه على حسابكم ؟ :(

وده لو تودونه البحرين ... !!:D

انا وذياب .. ونونسكم بالموالات واللحون الجديدة :D

على العموم .. صح لسانك يا ماجد

وانا في صفك المره هذي .. وعلى المدير

فيصل

صح السانك

في انتظار المدير

مرزوق مرزوق نبغى نأخذه ويشوف لبنان = يمكن ليا راح نطلع له بوجه وشكل ثاني
لن كان عيا يروح نقول يا مرزوق خسران = خلك لحالك وحدك فالمويه وفالمحاني



اي بله خسران ان ماطاعك وراح لبنان يم قوم الحريري


يسلاااااام عليك ياماجد

ننتظر أبومحمد عساه يطيعك ويروح للبنان

فيصل الثبيتي

على الرحب والسعة

أنت وذياب تستاهلون

بس شوفوا راي الكبتن مناحي عسى يوافق لكم

هو كبتن الرحله وأنا مستشار فقط

تحياااتي لوجودك في صفي شرف كبير لي يالغالي

ابن نعيس

صح بدنك

وشاكر لك مرورك

ابن نعيس هلا فيك يالغالي

يشرفني مرورك

وإن شاء الله يوافق

تحياااتي

نصيحتي نصيحتي
يامرزوق
انحش
لاتسمع كلامهم
المويه والمحاني
ديرة ربعك
أخير من دير
الصفر ..
هههههههه


انا في صفك يابو محمد لو كلهم ضدك...
ازهل الصفوف...

آآثرك ياماجد وكبتن مناحي مثل الاخوان = الطبع واحد ولاتصفون لاشان الزماني
لبنان مالي وماله يعرف الموضوع ذيبان = الله يقويك ياللي من شقا وقتك تعاني

..
ههههههه
كل الشكر والتقدير للي مروا من هنا
وحذروني من هالاثنين ..
الله يكافينا شرّهم ... والله الظاهر اخر الدعوى
بقول لهم قدام .. :)

الباص جاهز وعان الباص فيه فلان وفلان = لكن هيا ولا تقعد وكب الأمتحاني
ما للعنا درب يا مرزوق وشبك صرت حيران = ما ني بناسيك وأنت تقول لـ..مناحي نساني

الله اكبر الله اكبر

صح السانك يماجد والسان مرزوق

ماجد اخذوني معكم دام بتروحون خلوه جماعيه الرحله

تحياااااااااااااااااااااااااااااتي

شاعر عتيبه

أهلا ً بمرورك وبنصيحتك

التي أستمع لها مرزوق

تحياااتي

الدلبحي

أهلا ً بك وسهلا ً

على الرحب والسعه

بتوسط لك عند الكبتن مناحي

وبنشوووف وش يقول

أبشر إن شاء الله ما يصير إلا كل خير الكبتن ما يزعل أحد

ســــــــــــــــــــلام

ماجد الباص خابرن فيه مقعد فالأخير

احجزه لي الله يرضى علاك

وان بغيت رشوة حاضرين مالك الا من يترس جيبك

الله يقويكم

هلا وغلا يا معدي المرقاب

ما يحتاج رشاوي ولا نآخذها

أعتبرها فزعه

والصاص عند الكبتن مناحي

للحين ما وصل بكلمه في أمرك ولا يهمك

تحياااتي

..
.
استلم استلم ياماجد
والسموحه على التاخير فالدخول هاليومين صار شبه محدود
على شان كذا وسع البال علينا شوي :)


اركب على الباص ياماجد ووجهبه من الان = وان كان ضيعت دربك طالع اسهيل اليماني
المسأله واضحه والحق مايحتاج برهان = وانا غني والله المعبود من فضله عطاني

..
.
كلكم يالشباب اللي مريتوا من هنا
نقول لكم مشكورين ومجملين
..وترى محجوز لكم اوكي ... بقيادة الكبتن مناحي ..

:)

الله على الابداع
لكم الشكر
يا مدير رحله تغيير جو لا تعيي هههههه
تحياتي

الله الله

استلم يالمدير

وعادي خذ راحتك حضورك يكفينا


للنار شعلة وأعرف الدرب يا مرزوق سلطان = والعشر بالعشر لا تنقص ولا ترجع ثماني
ما ني برامي بها يا صاحبي من دون نيشان = حان الوعد واللقاء حسب الوعد والوقت حاني

..
.
تسلم تسلم ..


ان كان عندك مهاره فايقه وتقول فنان = ماشفت لك فعل يذكر فالبلد يامودماني
جانا الخبر قبل ماياصلك ياهدهد سليمان = والحرب حنا لها بالرمح وبحد السناني

الله الله

أستلم يا مرزوق



روح أنشد الوقت والتاريخ والأيام وش كان = وأنته تعرف الجواب اللي يبا يقوله لساني
ماني بطاير : وكيف توصف الهدد بالإنسان ؟ = ما أخبرك تغلط .. وش اللي صار بك يالمودماني

..
الله الله ..


ما احتاج انشّد وبرهن في حقايق قدم الاعيان = لكن عزومك وراها صابها بعض الهواني
اضرب لك امثال والامثال للمقصود عنوان = ماكنت اخبرك غشيم ويصعبك فهم المعاني

اسلم اسلم


ما غيــّر الحق واحد يجحده في مر الأزمان = وإن قلت فالعزم شي العزم ما جاه اللياني
نيتك نيه وطيرك الهواء من غير جنحان = إليا سلمت أعرف إني ما تزحزح عن مكاني

النيّه اعلم بها.. رب البريه عالي الشان = وانته ياماجد تقلب كالزمان القلباني
منت إمتخلّص ليا جالك من القومان ديان = ياخذ سلاحك و يقفي بك على ظهر الحصاني

مرزوق

القاف ما شاب

والنهاية لا بد منها

ولو ندري إن كل الجمهور هذا بيجي على شان قلنا بنسفرك لبنان

كل يوم بنقولها سعدنا بهذا التواجد

صح لسانك

وتقبل مني أجمل تحية وتقدير

...
.


صح بدنك ياماجد ..
..
ويكفي بس ذكر لبنان على شان يكثرون الجمهور
هههههههه

..
تحياتي

اركب على الباص ياماجد ووجهبه من الان
وان كان ضيعت دربك طالع اسهيل اليماني


الله يرجك يامرزوق



الباص جاهز ياجماعة الخير

..
.
ارررررررررحب ياراع الباص ..
مر على ماجد ترى العفش جاهز :)

نورت ياكبتن .
..