مطلوب ابوزيد والا معدي المرقاب

سلام الله سلام يصك باب وينفتحله باب
يفك ابواب خير ولا على الاجواد جبريه
اريد الشاعر ابوزيد ولا معدي المرقاب
ومن يبغا الرباعيه يدورله رباعيه

صح لسانك

مبدا رائع

وفي انتظار من طلبت

تحياااااااااااااااااااااااااااااااااااااتي

صح بدنك اخوى ابن نعيس
والابداع يتجدد بوجودك طال عمرك

ولا يا مرحبا ترحيبة التقدير والإعجاب = من هواجيس توقّد نارها كل يوم حيه
تقدم واشرح الحالة وبين لي وش الأسباب = بعد ما صارت الدعوى ما بين الروحه الجيه

ابن نعيس
حياك الله

ترى كلن يغلق لا زمه في الماقف الغصاب= نبيع ونشتري في السوق والعمله سعوديه
محد منا وصل ماوصله احبيب وابو مشعاب= وبعض الناس فيهم غطرسه يادافع السيه

ياسلام يالنشمي ولايهون معدي المرقاب

ولو ان عجز البيت الاول مدري عنه ياخوي معدي

بس حبيت انبهك توكد منه قبل يجي مرزوق ويهاوش ههههههههههههههه

مزحه تحياتيييييييييييي

الاخ المبتدي الله يعطيك العافيه ويبيض وجهك على التشجيع المستمر
وانا ومعدي المرقاب عليميه

كلامٍ يعجب العاقل ما بين الربع والأجناب = ولكن من يعلم ناس ما تعرف رومنسيه
تراها جملةٍ بين الجمل ممسوحة الأعراب = حصيلة فاقد الحيلة مغير الناب والحيه

ياشين الدله اللي مالها بين العرب شراب = وانا عنها غناوي والعرب عنها غناويه
محمد نقتدي في سنته ومسيلمه كذاب = ولاياصل مواصيل الثبيتي فيصل العيه

يعطيكم العافيه واصلوا وانتبهوا لوقفة القاف

انا مع الصفوف ومسمتع

تحيااااااااااااااااااااااااتي

..
.

لاهنتم ياشعااار ..
معدي المرقاب في تحسن مستمر
والشطر اللي تكلم عنه المبتدي كلامه في محله..
ولا يا مرحبا ترحيبة التقديـر والإعجـاب.....من هواجيس توقّد نارهـا كـل يـوم حيـه
والصحيح:
ولا يا مرحبا ترحيبة التقديـر والإعجـاب... تجي لك من هواجيس ٍ توقّد نارهـا حيـه