أأحد(ن) ورى لقمته يسعى وياكلها : ( الشاعر / فلاح بن مرشد الزراقي العتيبي

بسم الله الرحمن الرحيم


إن كان عندك علوم اجداد لي قلها= الزين والشين عندي كلها عادي

هذى حياتي وعارفها من أولهـــــا= عرفت طعم العنا من يوم ميلادي

عوجة زماني ليا حاولت أعدلهــــا= يجي بدلها ليا التعديل ما فــــادي

وإن جيت أبدل حياتي كيف أبدلها= قد راحت أولوفها عشرات آحادي

فكرت بالعقل أطلعها و أنزلهــــــــا= ولين ما فيه غير الصبر ميعـــادي

لي سيرة لو أسجلها وأفصلهـــــــا= تملا دواوين من طعم العنـا زادي

ماهي على مسرح التمثيل أمثلهـــا= و لا هي بلعبة جرت في ملعب النادي

دنيا دنية نطاردها و نشتلهــــــــــــا= واللي غدت به ترى ما عنه نشادي

و أحيان نمشي شويه ونتحايلهـــــا= و هيه تربص بنا في كل مرصادي

و كم واحد مع طرفها و يتغفلهــــا= فرصة و لن روحت مافيه معوادي

يجي على غفلة الدنيا و يختلهـــــا= إيقال صيدة و هو رامي وصيادي

وكم من غشيم تحطه في حبايلها= و يصير فالحبل مربوط و منقـادي

أحد(ن) ورى لقمته يسعى وياكلها= وأحدعلى نار من قو اللهب جادي

وأحد(ن) تصل لقمته قدام ياصلها= تجيه قدام لا يقطع لها الـــــوادي

و أحد(ن) تعب خلفها عيا يحصلها= و ليا قربها لياها مبعدة غـــــادي

وأنا تغربلت فيها من غلايلهـــــــا= لكن مخفي الهموم اجموع وأفرادي

هذي همومي وبصبر و أتحملهــــا= من كثرها مالها محصي وعدادي

قصة طويلة و لا تحتاج أطولهـــا= دونت تاريخها هجري و ميــلادي

الشاعر: فلاح بن مرشد بن خلف الزراقي العتيبي

...
بيض الله وجهك ووجه
وصح لسانه على هالقصيده الجيده ..
..

اخي معسف القوافي

الله يعطيك العافيه
وصح السان فلاح

صح السانك والسان الزراقي

نقلت الى القسم المخصص

تحياااااااااااااااااااااااااااااتي

معسف القوافي

صح لسانك ولسان شاعرها

واسمح لي على التنسيق


تحياااااااااااااااااااااااااااااااااااااااااتي

صح السانك ولسان فلاح
كم اتمنى تواجده في المنتدى
ملاحظه :القصيده موجوده بصوته حاول الحصول عليها
تحياتي

الله يبيض وجهك ووجه القايل

لاهنت يامعسف القوافي

وصح السان الزراقي ونا~مل في المزيدمن قصايده


تحياتي

صح لسانك ولسان شاعرها

تحياااااااااااااااااااتي

صح لسانك وسلم بنانك