الشــــــــاص الالفــــين والســـواق قحطــــــاني

ياركبن الي جديد الصنع ياباني = ميزات كامل خليجي مالك لا به

الشاص الالفين والسواق قحطاني= والحمل ان قاله الله يوصل اصحابه

خمسين عطفن وخمسين الف عماني= ما حمل الي يسود وجه من جابه

حول مع الجوف توه موترن ثاني= يمسح ولاشاف طقم العسكر اغوابه

يطلع لهم شرق صوب بلاد سنحاني= وراعي الحموله سرا تثليث وهضابه

يبغي يعشي عياله طير حوراني= يوم الردي طاب نومه والخطر هابه

على شعاع القمر مسرى كحيلاني = النور مفصول والرامي على بابه

قال لخويه ترى ان كان الله احياني = مانمسك لو عليه الخط دبابه

لعيون من عودها ناعم ورياني = نقظي غرضنا وكلن يقبض حسابه

ون سار شين من الله فالعمر فاني = في ساعتن كاتبنها الله في كتابه

قلته وانا من رجالن تمن الجاني=الي وزاهم بدور الصلح طلابه

ياناعس الطرف فيك الزين فتاني = لاشافك الي يحاسب ظيع حسابه



وســـلامتكــــم




القصيــده لـواحد من ال دليــــم قحطـــاني
لكــن للاسـف لايحضرنــي اســمه

صح السان شاعرها

صح لسان الشاعر

ومشكور اخوي ابن جرمان

ارحــــــــــبوو جمــيع

وبيض الله وجيهكـم على المشــــــــاركه