عبدالله الزراقي شد احزامك

مرحبا يالشاعر الي على مذهب ودين=من هجوسن تبري الكبد والقلب العليل

فيه علمن ياجماعه يصحي النايمين=والعلوم اكثار والعلم يمشي بلدليل

البقى يالي ترحٌب وحنا مسلمين = عدٌ ماهلت مزون ٍ بها الوادي يسيل
ياعساها من علوم الرجال الغانمين = قولها ياصاحبي عندنا رد الجميل

صح السنتكم جميعا ابيات رائعه


وفي انتظار المزيد

عبدالله العتيبي

صح بدنك الجميل تواجدك لاهنت

والله انا كلبونا رجال طيبين=مارشب النا ر بالزند في خشم الفتيل

القعود اللي وسمته على طول السنين= من رهاط اليا المحاني لياقاع النجيل

عبد الله العتيبي صح السانك

وشاكرين مرورك

الرجال الطيبه علمها علم اليقين = والسمينه ماتبرك على صحن البخيل
كيف تاسم لك جمل مالزمته باليدين = ياطويل العمر هذي تراها مستحيل

والله اناعارفين الرجال وخابرين=والردي لاتطلبه لاكثير ولاقليل

انتم الي واسمينه بوسمن مايبين=والعوالي ثبتوهاحسب دم الفصيل

الاتصال بدا يهنق من اليوم احاول ارسل


لن عزينا القوم جينا سوات الفاتحين = ربعنا الي فالمواقف يسٌلون الصقيل
وسمنا ياصاحبي ماتشوفه كل عين = لو يركب عين زرقا اليمامه والبتيل

نعم فيكم مار حنا الرجال الاولين=كاسبين الاوله مانبا فيها بديل

يجماعه خافوالله صهاد الضالمين=الخبر منشور من فم منقوض الجديل

ماعليكم زود وانتم وحنا كاسبين = مير حنا ماخسرنا وجينا بالحصيل
مانصدق لين تحلف عليها باليمين = ماتقوم الحجه الي على قال ٍ وقيل

ياعبد الله انت عاقل ورجالن فطين=ما يحل المشكله غار رجالن ثقيل

ماني بحالف ولالي دخل بين الثنين=ياعميلن ماش مثلك على الدنيا عميل

عبدالله

بيض الله وجهك ياالغالي

تصبح على خير

والختام عندك

والجايات اكثر

الي حصل فيه الخير والنوم كبس علينااا

صح بدنك وبيض الله وجهك على اللعب الطيب والجايات احسن