مساجله بيني وبين الشاعر العضو عبدالله العريدي بعنوااااااان (مول الفنــاتير)

السلام عليكم ورحمه الله وبركاته ,,,,,,,,, اود ان اطرح لاذواقكم الرائعه هذه المساجله بيني وبين احد اعضاء هذا المنتدى الراقي الشاعر /عبدالله العريدي





يابو محـــمد يازبـون المناعــــيـر=يامـزبني في وقــت ضالم وغــدار
وصلك منـي عشره ابيات لاغـير=فيهن ابشرحلك تفاصيل وش صار
امس العصر مريت سوق الفناتـير=وشفت الجمال اللي به الفكر يحــتار
شفته وواعدتــــه وقال ابشر بـخير=غرون عسى يفدونه كبار وصــغار
وصار الوعد مــن بينا بالتفـاسـير=بالوقت والتــاريخ مع ترك الاعــذار
وجيته على الميعاد من دون تاخير=وقمت انشده اخر علومه والاخــبار
ودار الحديث وصار للعهد تذكـير=نبقى على عهد الوفاء طول الاعمار
وقام يتغنج معي ســيد الغنــاديــــر=ويقول قلـــبه لــي لو الـــزمن جــار
يابو محمـــد يازعيـــم الطوابيــــر=في ماقــفن لادقـــت اجراس الانذار
هذا طلبك وجاك من دون تقصـير=يومن شفك فالغـــزل يابــن الاحرار

وهذا رد الشاعر/ عبدالله العتيبي










(…..)ندبني في جــداد التعابيــــــر=وانا على الفــزعه سريـع للاخيـــار
هات القلم والبوك يامــدور الخير=واكتب عسى ربي يجيرك من النـار
اكتب لبو متعب بيـــوتن مشاهــير=مثل الذهب بيدين حلوات الانظــــار
للشاعر اللي صخر القاف تصخير=من جود بحره طيب الاصل يختـــار
شاعر ولايحتار بــين الشواعـــير=ولاهوب في نطم التماثـــــيل محتـار
يفداه دايـم من عـــيونه مطايـــــير=في نفسه انه من طويلــــين الاشبــار
دايم عـــلومه فالمجــالس ثراثـــير=كلن يعرفـــــه فالــدواويــن ثرثـــــار
شرحت لي شرحـــــن يفيد المداوير=وفهمت كل اللــــي تقــــوله بالاشعار
فهمت مشوارك خيــــــار المشاوير=اللي ثمانه بيــــــض وردوفــه كبـــار
غرون نهوده يالــــسنافي مزابـــــير=خلاك تاخـــــــذ للفناتـــــير مشــــوار
و السر خله يافتــى الجود في بـــير=وخلك على بعــــد المواليف صبــــار
اصبر ترى للــــصبر لذه وتبشـــير= الصبر مفتاح الفرج يابن الاحــــــرار






ولكم فائق الاحترام والتقدير ع مروركم مع تمنايتي بان تحوز المساجله ع استحساااااان الجميع

صح لسانك ولسانه


قصائد جميله ومعبره

تعجبني المساجلات الاخويه

تفرج الهم احيانا واحيانا توثق النصيحه والمحبه

تسلم ياخوي معجب
وبيض الله وجهك ع هالأشاده


وانا اشارك بقوووووووه رايك عن المساجلات لمافيها من حوار شعري بحت ومناقشه ذات طابع خاص ومعبر بوزن وقافيـــــــــه



ولذلك اهيب بدوري ان من لديه مساجلات بينه وبين اي شاعر ان يتحفنا بها.

هذا ولكم فائق الاحترام والتقدير

اجــل الفنـاتــير


عزالله بتشووف الهوايـل هنااك خخخخخخخخ




صح السنتكم جمــيعا ولاهنتم
وعزاالله ما تاردون الا جزيـل

شكرا لمرورك اخوي الوافي

صح لسانك وصح لسانه لافض فوك ولافوه ولاخاب شاربك ولاشلت يمينك ولايمينه اسعدتمونا اسعد الله اعوامكم

شكرا لمرورك

يالمهندس صح السانك ولسان العريدي والله يستر من الفناتير