عيني على بندر من أمس مخطوفة ,,

قصيدة حزينة للشاعر الكبير عبدالله السياري ..
يالها من قصيدة رائعة تجعل قارئها يتفاعل معها لدقة تصوير الموقف وسلاسة القافية
إنها لشاعر كتبها بدموعه.. شاعر صاغها من معاناة حقيقية . يقول فيها :


عيني على بندر من أمس مخطوفة ... والنوم نوم مروع خايف ذال

عشرين عام وسبعة أعوام أشوفه ... لا طيب يرجى ولا ميت بال

لو كان ما تخفى على الله ظروفه ... فقد الولد يثر على كل رجال

بحماك يا مرجع ليعقوب شوفه ... يا واحد يحمد على كل الأحوال

والله ما في النفس عقبه حسوفه ... أرخصت له روحي وما حزت من مال

ما مر يوم ألا تحلى وصوفه ... طيفه معي في القلب راحل ونزال

عشرة عمر ما فك كفي كفوفه ... ومن حيث ما سافرت بندر على البال

واليوم لحق النفس عقبه كلوفه ... مصايب لحقت على باقي الحال

النار مثل الريح قلبي تلوفه ... والحلق سده عن حلا الزاد فنجال

مدري حنان العود والا مروفه ... بس العيون أدموعها تسبل اسبال

مدري حنان العود والا مروفه

بس العيـون أدموعهـا تسبـل اسبـال


الاخ العاقل

سلمت يمينك

وصح اللسان قايلها

لك اجمل تحيات

خالد العصيمي

مشكور يالعاقل
الله لايهينك
قصيده جزله ومعبره
تقبل تحياتي

يعطيك العافية اخوي العاقل
وقصيدة جميلة ومعبرة فعلاً

الوجيه

لاهنت وبيض الله وجهك..

قصيدة معبرة..



تحيااااااااتي.