قصيده بمناسبة شفا الامير سلطان بن عبدالعزيز حفظه الله

قصيده بمناسبة شفا سمو الامير سلطان ابن عبدالعزيز ولي العهد ونائب رئيس مجلس الوزراء

وزير الدفاع والطيران والمفتش العام

قصيده للملازم اول متقاعد الشاعر بندر بن تركي بن هليل الشيباني


ليت الجرايد والمجلات والشون = تنقل تهان الجيش كله السلطان
وتشرح لبو خالد عن اللي يكنون=بعد شفاه الجيش والشعب فرحان
ياسيدي كلن بالاخبار ممنون=بعد البيان اللي على الصحف عنوان
ياسيدي نرقب متاكم تعودون=بعد الشفاء وانتم صحيحين الابدان
افراد قواتك من القلب يدعون=انه يعيد الهم من الغرب سلطان
تحبهم وهمه لشخصك يحبون=والله يابوخالد من القلب ولسان
وزيرهم وهمه على امرك يسيرون=انته لنا كالنون والجيش الاعيان
فيهم زرعت الحب وهمه يعرفون=بعمالك اللي جالها عندهم شان
تزرع لهم وهمه على اثرك يحصدون= وتزورهم في كل خندق وميدان
وتسمح خطاياهم الى صار يخطون=تقابل الغلطه بعفون وسمحان
ياكثر حسناتك ان قامو يعدون=اللي يعبر عن جمايلك عجزان
هذا قليلن قلت من ما يقولون=ينقصني التعبير والشعر وجدان
ياسيدي جندك لرؤياك يرجون=بعد الشفاء كلن للقياك شفقان
تعيش وهمه في خيالك يعيشون=حصاد قلبن صار للجيش بستان
اومر وهم لمرك جميعا يلبون=نخدمك بقلوبن يغذيها الايمان
تحت امركم قولوا لنا وش تريدون=وحنا نقول حظور في كل ميدان
حنا الجنود اللي وطنهم يحرسون= نذود عنها في الوغا كل عدوان
انوكد الطاعه والاضداد يوحون=اللي على التخريب والظلم عوان
ونقول ضد ملوكنا لاتغلطون=ترا الغلط ينصح عنه كل غلطان
وان كان صرتوا في غلطكم تمادون=والصبر معكم ماحصل منه برهان
امضوا وشوفوا قدمكم ويش تلقون=مظلتن من نار والارض بركان
ماتستطيعوا لو بغيتوا تفرون=الارض تزفر غيض والجو نيران
برشاد ابومتعب على شان تدرون=ان السلاح انواع والجيش شجعان
وصلاة ربي عد ناسن يحجون=على الرسول محمدن نسل عدنان


تحياتي اخوكم


ابو خالد

صح لساااانه

ولاهنت يالغالي على النقل ..


تحيتي
..

صح لسانك ماقصرت
الله يرد ابوخالد لارض الوطن سالم غانم
التوقيع:
الجعيد

صحت ابدانكم

وشاكر لكم تنويركم الصفحه

صح لسان <<قايلها وناقلها>>

صح لسان قايلها



ولا هان ناقلها

«®°·.¸.•°°·.¸¸.•°°·.¸.•°®»صح ابدانكم

ومشكورررر على مروركم الكريم«®°·.¸.•°°·.¸¸.•°°·.¸.•°®»