سعود البرقاوي اذا عندك وقت...
رفيع المنزل11-Nov-2009, 01:52 PM
يابن برقا بعد صرت مع حزب الكبار = سلموك المجهر اللي عرفت تشغله
مار وش ينفعك مادامت عيونك صغار = لو تشوف اللي عليها حرام تحلله
خيال الأصيله11-Nov-2009, 01:58 PM
الله الله
مبدا كايف وصح اللسانك في انتضار سعود
سعود البرقاوي11-Nov-2009, 02:19 PM
اعذرني انا مظطر للخروج ياطويل العمر
ابن برقا ماقعد تحت وضع الانكسار = لورفيع المنزل يموت داخل منزله
لاتخلينا نفكر على ضغط الزرار = الصراحة مابغينا تثور القنبلة
رفيع المنزل11-Nov-2009, 02:42 PM
اذن بعد 12 ان شاء الله اكون موجود
الحقيقه مجلس الكونغرس صدر قرار= الطويل يقصره والقصير يطوله
لو ضربت الارض ياسعود ماثار الغبار = وانت تذكر برق من دون مزن نخيله!!
علي فلاح العضياني11-Nov-2009, 02:44 PM
الله الله
صحت الالسنه و القلوب
متااابع
رفيع المنزل11-Nov-2009, 02:44 PM
رفيع المنزل11-Nov-2009, 02:47 PM
سعود البرقاوي11-Nov-2009, 03:45 PM
طيب طيب
مابقى الا انك تطالب برد الاعتبار = دوّر المفتاح والباب حاول تدخله
تجري الاحداث والوقت وشلون استدار = النشاما ماتسولف بعلمٍ تجهله
رفيع المنزل11-Nov-2009, 04:44 PM
والله دخلت وشفت ردك ياسعود وقلت ابارد واطلع
وعلى الوعد القاك ان شاء الله
السفن تصتدها الريح في عرض البحار = مار يالله تدحر الظلم واللي يفعله
انت نشمي مار عطنا الدلايل باختصار = لاتخط القاعده قبل شرح الامثله
سعود البرقاوي11-Nov-2009, 06:18 PM
ابد اللي تشوفه يارفيع المنزل وعلى أقل من مهلك
ملعب النادي يطبق نظام الاحتكار = ماهو بملزوم في كل لاعب يقبله
لابغيت اختار يصعب علي الاختيار = لين راحت كلها سلسلة متسلسلة
رفيع المنزل11-Nov-2009, 10:00 PM
الملاعب عقب ماجد عساها للدمار = مار غرتنا الصحافه بكثر البلبله
كان زندك يابن الاجواد مايقدح شرار = لاتطبل للخطا مثل ناس مطبله
سعود البرقاوي11-Nov-2009, 10:56 PM
طيب طيب
لد عينك ياولد من يمين ومن يسار = العدد دوبه كمل مايبا له تكمله
راسم الخطة رسمها ورى حيد الستار = واكشتفناها بعد ماتضحى في هله
رعد الروقي11-Nov-2009, 11:15 PM
السفن تصتدها الريح في عرض البحار
مار يالله تدحر الظلـم واللـي يفعلـه
ملعب النادي يطبق نظام الاحتكار
ماهو بملزوم في كل لاعب يقبله
الله الله
رفيع // سعود
صحت السنتكم مدد
متابعين معكم
رفيع المنزل11-Nov-2009, 11:18 PM
الموقر عندنا له محل وله وقار = لكن المعثور ياسعود كيف تجمله
راعي الخطة ورا ماينفذها جهار = قبل مانقرا عليه الفلق والزلزله
رفيع المنزل11-Nov-2009, 11:19 PM
حياك الله يالعمده
وجودك يشرف
سعود البرقاوي11-Nov-2009, 11:23 PM
بارك الله فيك والا فالاسم المستعار = العلوم مصلحة وانت راع الاولة
افضحته الشمس في ظرف ساعة من نهار = وانتهت والباقية فالليال المقبلة
رفيع المنزل11-Nov-2009, 11:38 PM
الجبل في موقعه والقمر وسط المدار = مار تبغى تصعب العلم والا تسهله
لانزال نطالبك بعد طال الانتظار = بس جاوبنا على واحد من الاسئله
سعود البرقاوي11-Nov-2009, 11:51 PM
الجبل يمكن معرّض لهزه وانفجار = القنابل جاء لها في جنوبه جلجله
يارفيع المنزل اقبل جزيل الاعتذار = ودي اجاوبك واخاف تصبح مشكله
سعود البرقاوي11-Nov-2009, 11:51 PM
ارررررررررررررررررررحب يالعمدة اررررررررررررررررحب
رفيع المنزل12-Nov-2009, 12:04 AM
اعقد الهدنه معي قبل مااعلن بالحصار = ثم برقا تعتزي روق عند المعضله
انت مثلك مايحسب طوال ولاقصار = مار بان النور والبير عكر منهله
سعود البرقاوي12-Nov-2009, 12:27 AM
الله يبيض وجهك يارفيع المنزل ولايهينك على هالقاف اللي شرفتني به
سلمت سلمت
والله الا طال راسك مع طوال العمار = تمشط اللحية وشاربك معهم تفتله
كل حرٍ ينفض الريش من ماكر حرار = اله صيد ولاهو بكل صيده ياكله
عيد بن مرضي12-Nov-2009, 12:49 AM
رفيع المنزل / / سعود البرقاوي
صح الله اااااااااااااااااالسنتكم
للأمااااااااااانه طااااروق جزل استمتعت به
رفيع المنزل12-Nov-2009, 12:49 AM
الشرف لي طال عمرك والله يسلمك وانا المستفيد
تو اصدق ماقريته عن الوان الحمار = تستثير الرجل وتذكره بالمرجله
فارس الفريس باقي على قب المهار = مايهمه واحد ٍ حط سمه بعسله
رفيع المنزل12-Nov-2009, 12:50 AM
عيد بن مرضي اعتز بشهادتك
مشكور وصح بدنك
سعود البرقاوي12-Nov-2009, 12:51 AM
الاخ العزيز رفيع المنزل
بيض الله وجهك على كل حال
وصح الله لسانك مليون
لاهنت
لاهنت
لاهنت
سعود البرقاوي12-Nov-2009, 12:51 AM
اررررررررررحب ياعيد بن مرضي ارررررررررررررحب
رفيع المنزل12-Nov-2009, 12:55 AM
الله لايهينك الله لايهينك ياسعود
وصح لسانك كذلك مليارات
استفدت منك
والى لقاء اخر باذن الله
وشكرا لجميع المتابعن
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
