قصيدة الشاعر / دقل بن سالم العتيبي

قصيدة الشاعر / دقل بن سالم العتيبي
عند زيارة خادم الحرمين الشريفين لجازان أثناء حرب الجيش السعودي والحوثيين :


عليـت ياقـلـبً يـتــابــع للإخـبــار=لابد مـن عـلم يـســر الــفـــوادي
يوم الملك جــانا وتـمــن الاشـــــوار=دقـت طبـول الحـــرب علـــمٍ وكادي
باروحنا نـفـــــديك ياعــقب الاحـرار=نفــدا المليك اللـي يضــد المـعـــادي
من مـركـز الخـوبـة ليـاروس الأطــــوار=يجيـك جيشٍ مـثـل مــوج الـجــرادي
ليا وجه الصــاروخ و المـلح قـد ثـــــار=يـومٍ عـليـنــا مـثـل يـوم العــيادي
ليا ثــور البارود و الـجـمع قد ســـــار=اما طلـوع الـفجـر والاهــجــــادي
وليا هــبت الهيــجا عـلى الخــصم يـحتار=و مــن يـزرع الفــتنه يحــصد الحصادي
وياما عـذلنــاهم وردو بـالانـــكـــار=ردٍ قــبــيـح و مـعـلـنٍ بـالـروادي
ومن ينكر المعــــروف نكـويـه بـالنــار=و مــن شــده الكويـة يضيـع العنـادي
غلطـان ثـم غـلطـان يـاشـر الأشـــرار=عِقــب لبـوس العــز تلبــس سـوادي
إن كــان لك فـي نـصرة الـدين مـشـوار=المسـجــد الآقصـى بصـوتــه يــنادي
هاذي ديـــار العـز مـاهــي لـكـم دار=وانتــم سكنكم صـوب صعدا وغـــادي
مايصلح الحوثي يجي للوطـــــــن جــار =يخيب جـــار الســــو ماله مبــادي
و حــق البـلد نحـميه مــــن كـل غدار=بمسلحاةً مــن بلـــــــدها جـدادي
اللــي مـسلـحكـم علـيه الـبـــلا دار=عليـه صــعبــات الـبـــلاوي تزادي
واللــي يبــا الطولات يــرخص بالاعمـار=يبيـعهــا دون الــوطـــن بـالوكادي
والـديـن رأس الـعز لو صـار مـاصـــار=ومن لايبيــع النــفس ياسعــود غـادي
احـذر مـن الهـزله وتجــمـيـع الأعــذار=ومـع الـزمـن تبدي عــلــوم جـدادي
حق عـلينــا نطـفـي الـنـــار بالـنـار=ويصبـح لهـيـــب النار غـــادً رمادي
من زارنـــا زرناه فى الســـر وجهـــار=وسلاحنا التـــوحيد حــضر وبـــوادي
وصـــلاة ربـي عــد همــال الأمـطـار=عـلى نـبي الخـلـــق خـيـر الـعبادي

صح الله لسانه و لا هنت على النقل

رد الشاعر /سعد بن فيحان الكرشمي على قصيدة الشاعر/ دقل بن سالم الغبيوي
يابو سعد يامكـرم الضيف والجـار من لانهـج منـهجك ماله مبادي
وانا اشهد انك يـوم نضمت الأشعار نضمتها حـربة ومـسك وكادي
بديتها نخـــوه وشيمة ومـقدار وهديت طـيرك في نهـار الهدادي
سلمت له ياسـعود من كل الأقدار طـير الـسعد مثلك علية استنادي
أحفظ وصات العـود بتقان وإصرار خـبير حرب وعـسكرياَ قيـادي
انتـم ولد غابي طــويلين الأشبار حمـاية التـالي نهـار الـطرادي
كسـابه الـطالة بـعدين الانـظار يشـهد على مااقول حضر وبوادي
ابوســعد مثله عـلى ديـره غار ورجــلً بلا غيره جزاه البعادي
وابـشر يابـو سـعد ماغـدى ثار المملــكة في خـير والجو هادي
والـزمرة اللـي سلـحوها بالإيجار ثلث قتلى وثلثـين رهـن القيادي
جابو لمستاجرهـم الضيـم والعـار تـربت يدين اللي سعو بالفسادي
والنـمل لـوخلق له جـناح ماطار لوجـاء يطير أصبـح مطيره نفادي
والحـكم لله ثم لطـوال الاعــمار اللـي علمهم باسم رب العبادي
آل السـعود متعـبة قـحص الامهار قـوم تقـود وعـمرها ماتقـادي
وارض الـوطن مـن دونها كلنا اسوار نحـمي ثراها مـن ثرى كل عادي
حنـا سـعوديـين في سـر وجهار اللـي نـوانا بسوء ينقص مازادي
نمـشي على سـنه مـحمد والأنصار حيـاة عـز اوموت تحت الجهادي
ماهمـنا حـوثـي ولاهمـنا غــار رجـالنا بمـاله وروحـه يـفادي
وان عودت لحقوق الإنسان وش صار نحـكم بشرع الله جمـع وانفرادي
ونساعد المسكين ولو باقصى الامصار ونجـيب دعـوة كل مسلم ينادي
وبيتً بـلا سـيسان لابـد ينـهار والآمر لله و الحـياة اجــتهادي
والله يحـمينا مـن ضـعوف الافكار اللـي يـزيدون الغـلط بالتمادي
والمشـكلة ماهـيب ليـره ودينـار الأمـن والإيمـان شـربي وزادي
وصــلوا على اللي فرق الشر والخار محـمد افصـل مـن رب العبادي

صح الله لسان الشاعر دقل



و لا هنت يا سلمان



مشكوووووووووور

صح لسان الشاعر والله ينصرجيشنا ويعز حكومتنا انه السميع المجيب