ابيات متنوعة للشاعر حمود جلوي

مجموعة ابيات جمعتها لشاعر السهل الممتنع حمود جلوي وبقدمها لكم علها تنال الاعجاب


ليت الخلايق تنقلب كلها انت

واصير اشوفك كل ماشفت مخلوق

ــــــــــــــــــــــــــــــــــــــــــــــــــ ـــــــــــــ

من تجربة حبك وصلت لقناعة

اذا بغيت انسان يغليك ... خونة

يشتاق لك اربع وعشرين ساعة

واللي تخونه شرط تاخذ عيونه

ــــــــــــــــــــــــــــــــــــــــــــــــــ ـــــــــــ

لا تسأل اللي حب وشلون حبيت

روح اسأل عيون الوفا شلون خانت

من دنية الوجهين يارب مليت

يوم القلوب اللي تكاره تدانت

ــــــــــــــــــــــــــــــــــــــــــــــــــ ـــــــــــ

ماني بميت لاتخليت عني

الناس واجد وانت واحد من الناس

ــــــــــــــــــــــــــــــــــــــــــــــــــ ـــــــــــــ

ودي اضمك في عيوني عن الناس

مابي احد بالناس غيري يشوفك

ــــــــــــــــــــــــــــــــــــــــــــــــــ ـــــــــــــــــ

قلبي يبيك وخاطري منك مجروح

ودي اجيك وخايف اصغر بعينك

ــــــــــــــــــــــــــــــــــــــــــــــــــ ـــــــــــــــــــــــ

ماجيت لك عاني عشان اتعداك

ولا تعديتك وانا جيت عاني

ثمنت وصلك يوم جربت فرقاك

مرة خسرتك مابي اخسرك ثاني

شــآعر مبدع أتمنى منك أن تأتينا بقصائد له :) !!

,,

قصيده جزله تشكر عليها