اختار لك وحده .ووحده يالثبيتي خلها!..فهـــد الشهيب!
مطني الحافي18-Dec-2010, 12:20 AM
مسيت بالخار
فهد
سلام ولامرحبا اكيد في الثنتين خير=اختار لك وحده .ووحده يالثبيتي خلها!
ماتعرفون الا البهيته ياهل السيل الكبير=والله مادري وش مصبركم عليها كلها!.
.
ضاوي الشيباني18-Dec-2010, 12:25 AM
صح لساااااانك اخوي مطني
وصح لساااان فهد مقدم
متابع...
فايز بن سرحان الثبيتي18-Dec-2010, 12:25 AM
طيب طيب
صح لسانك يامطني مبدع الله لا يضرك "
وصح لسان ابو عواض سلفا "
مطني الحافي18-Dec-2010, 12:27 AM
صح بدنك
ياضاوي
ومتبعتك
اسعدتناا
مطني الحافي18-Dec-2010, 12:29 AM
ابن سرحان
صح بدنك
واشكرك على مرورك العطر
.
.
فهد الشهيب الثبيتي18-Dec-2010, 12:33 AM
مسيت بالرضا يامطني
حياك الله
مغنيني الله عن خياراتك مادام انك فقير=ترا الفقارى ماتميز دقها من جلها
اتقولها وانا اخبرك في نجد مجهول المصير=ولا البهيته دار من شال السيوف وسلها
فهد الشهيب الثبيتي18-Dec-2010, 12:35 AM
ارحب ارحب ياضاوي الشيباني
صح بدنك وشرفتنا بمرورك الكريم
فهد الشهيب الثبيتي18-Dec-2010, 12:36 AM
ارحب ارحب يابن سرحان
يستاهل مطني بلاشك
صح بدنك وشرفتنا بمرورك الكريم
مطني الحافي18-Dec-2010, 12:48 AM
قبل امس نسمع لك رغا واليوم نسمع لك هدير=عز الله انك عقدَ يسهل عليه حلها
حنا نعرف اللي طغو في نجد بالسيف الشطير=الله يخلي لك رجال ظلتك في ظلها .
,
عناد الشيباني18-Dec-2010, 12:51 AM
مطني الحافي18-Dec-2010, 12:52 AM
فهد الشهيب الثبيتي18-Dec-2010, 01:02 AM
الله الله
اطيب من اللي خابرينه لاحصان ولابعير=يعقد حجاجه مار لاجات المواقف فلها
مادام تعرفهم علاك الصمت لاشفت الامير=سنع علومك قبل نفسك لايبين غلها
فهد الشهيب الثبيتي18-Dec-2010, 01:03 AM
ارحب ارحب ياعناد
صح بدنك ولاهنت
شرفتنا بمرورك الكريم
مطني الحافي18-Dec-2010, 01:20 AM
الضاهر انك منهري يوم ارتفع سعر الشعير=عانك تجيب علوم بعض احيان ماتفطن لها
ان كان يالفراش صاير في وزرتنا مدير=قلت الوزاره لو تشب النار فيها احسن لها
مطني الحافي18-Dec-2010, 01:21 AM
فهد الشهيب الثبيتي18-Dec-2010, 01:27 AM
تبا تصلحها وراحت عنك يوم العلم غير=الناقصه لاجات منكم حالف ٍ لاازلها
ماودنا نبحث خفاكم بين قحطان ومطير=راجع علومك كلها واحفر لها وادفن لها
مطني الحافي18-Dec-2010, 01:40 AM
ان كان ماتغبا العرب تخطي عليك وتستطير=لاتبدل كبود العرب ياصاحبي وتعلها
ياهل الديار اللي تذكرني باهل سودة عسير=انا ليا ذكرتكم زرق الدموع اهلها
فهد الشهيب الثبيتي18-Dec-2010, 01:52 AM
ماعندنا لوجيه بعض الناس غير الزمهرير=علم قليلين المعرفه يامطني قلها
ياهل الخيام اللي يلاعبها الهوى تالي عصير=الله ولا ناس ٍ عيال القوم تاخذ بلها
مطني الحافي18-Dec-2010, 02:09 AM
ماعندك الا العافيه لو قلت لك علمَ خطير=يامل عينك من مطني يافهد ياملها
هاذي على ربعك تصير وعند ربعي ماتصير=والله يا لولا عزوتي يانجد ماتحتلها
فهد الشهيب الثبيتي18-Dec-2010, 02:17 AM
ياقشر حظك يوم حول بك على البحر الغزير=البحر قدمك مار كبدك ماقدرت تبلها
الحق واضح مايغطيه الكلام اللي كثير=لولا الامير اللي ولاكم كان ماتاصل لها
مهنـا العتيبي18-Dec-2010, 02:19 AM
طيب طيب
رديه بمعنى الكلمه
عيد العازمي18-Dec-2010, 02:43 AM
مطني ----- فهد
الاخوين المبدعين
صحت السنتكم
فهد الشهيب الثبيتي18-Dec-2010, 02:43 AM
ارحب ارحب يابو طلال
صح بدنك
شرفتنا بمرورك الكريم
مطني الحافي18-Dec-2010, 02:47 AM
وياقشر حظ اللي طحن حبه رحاةَ تستدير=وان دلت العربان كل دروبها مادلها
قدام لا نفزع لكم كنتم تطرَون المنير=لكن حنا اللي جماعتنا سترنا ذلها
مطني الحافي18-Dec-2010, 02:48 AM
عيد العازمي
صح بدنك
مرورك
اسعدني
.
.
ابن عقاب الشمري18-Dec-2010, 02:50 AM
سلام ولامرحبا اكيد في الثنتين خيـر .. اختار لك وحده .ووحده يالثبيتي خلها!
. . ياا سلام يالثبيتي ..
مغنيني الله عن خياراتك مادام انـك فقيـر .. ترا الفقـارى ماتميـز دقهـا مـن جلهـا
صح ألسنتكم ..
مطني الحافي18-Dec-2010, 02:50 AM
مطني الحافي18-Dec-2010, 02:53 AM
ابن عقاب الشمري
مرحبا
وصح بدنك
واسعدنا
مرورك
,
,
فهد الشهيب الثبيتي18-Dec-2010, 03:05 AM
ماودي اذكر ولد حافي بقصة بن عمير=ترا القصيدة فالمكاتب والعيون تخلها
وشلون تفزع وانت هاك الوقت في حوطة سدير=الناس تقبل للحرايب وانت ماتقبل لها
فهد الشهيب الثبيتي18-Dec-2010, 03:06 AM
ارحب ارحب يابن عقاب
صح بدنك طال عمرك
شرفتنا بمرورك الكريم
لاعدمناك
مطني الحافي18-Dec-2010, 03:08 AM
صح لسانك
يافهد
والله لايهينك
استمتع باللعب معك دائما
فهد الشهيب الثبيتي18-Dec-2010, 03:17 AM
صح بدنك يامطني ومن قال لاهان
مشكور على الدعوة وماقصرت
سعودالعتيبي18-Dec-2010, 03:25 AM
رائع ياشهيب
وأنتبه ياحافي من الشوك
محاوره جميله وأنتم مبدعين
مطني الحافي18-Dec-2010, 03:37 AM
:confused:
وش هو شوكه يابعدي؟؟
سعود العصيمي18-Dec-2010, 03:47 AM
قبل امس نسمع لك رغا واليوم نسمع لك هدير
عـز الله انـك عقـدَ يسهـل عليـه حلهـا
حنا نعرف اللي طغو في نجد بالسيف الشطير
الله يخلـي لـك رجـال ظلتـك فـي ظلهـا
اطيب من اللي خابرينه لاحصان ولابعير
يعقد حجاجه مار لاجات المواقـف فلهـا
مادام تعرفهم علاك الصمت لاشفت الامير
سنع علومك قبل نفسـك لايبيـن غلهـا
الله واكبر الله واكبر
فتل ونقض رااائع جدآ
صح لساااانك يامطني
وصح لسااانك يابو عواض مبدع بقوه
فهد الشهيب الثبيتي18-Dec-2010, 03:53 AM
ارحب ارحب يابو طايل
شهادة نفتخر فيها
صح بدنك طال عمرك
شرفتنا بمرورك الكريم
خالد الثبيتي19-Dec-2010, 04:42 PM
فهد الشهيب
مطني الحافي
<<< ما هو لزوم كل شوي امدحكم :) هههه
الله يبيض وجوهكم
شعار و لا فيكم حيله
خلف المطيري19-Dec-2010, 11:01 PM
الحق واضح مايغطيه الكـلام اللـي كثيـر
لولا الامير اللي ولاكم كان ماتاصـل لهـا
انا عارف من تقصد يافهد ونعم فيه
لكن فيه شيخ ثاني هو السبب الرئيسي فالنزول
صحت الالسن والقلوب جميع
مبدعين وطواريقكم تحمل الاثاره دائما
فهد الشهيب الثبيتي19-Dec-2010, 11:31 PM
ارحب ارحب يابن منور
يالله حيه
ووجهك ابيض طال عمرك ولالحقنا شك فاللي مثلك وشرواك
صح بدنك وشرفتنا بمرورك الكريم
فهد الشهيب الثبيتي19-Dec-2010, 11:32 PM
ارحب ارحب يابو عبد الله
ماعليك زود طال عمرك لكن ودي انك تنشد عن راعي نجد لجل تزيد من ثقافتك الواسعة
وكلهم عينين في راس ومصدارهم واحد
صح بدنك وشرفتنا بمرورك الكريم
خلف المطيري20-Dec-2010, 01:41 AM
ارحب ارحب يابو عبد الله
ماعليك زود طال عمرك لكن ودي انك تنشد عن راعي نجد لجل تزيد من ثقافتك الواسعة
وكلهم عينين في راس ومصدارهم واحد
صح بدنك وشرفتنا بمرورك الكريم
لايروح فكرك بعيد
وكل الامور اعرفها مايخفاني شي وصدقت كلهم عينيين في راس
ومصدارهم واحد صدقت
وصح السانكمره اخري
