الآدراه أعطت الشعار دفعه معنويه $$
ماجد السميري11-May-2011, 01:06 AM
الساده اصحاب الاوسمه سواءً زوار او متخفين
الآدراه أعطت الشعار دفعه معنويه=والمصيبه شافوا أنفسهم وحطّوها غنيمه
مختفين يراقبون المنتدى صبح وعشيه=يمكن احدٍ بأسمهم فالمنتدى يطرح وسيمه
عبدالله السرحاني11-May-2011, 01:11 AM
ماجد السميري
صح لسانك
في انتظار قبيلك
متابع لكم
تحيتي
ماجد السميري11-May-2011, 01:18 AM
ماجد السميري
صح لسانك
في انتظار قبيلك
متابع لكم
تحيتي
صح بدنك
ولاهنت على المتااابعه
فهد الشهيب الثبيتي11-May-2011, 01:32 AM
اسمح لنا بالمجاراه ياماجد
ياعسى ربي يبارك فالرعاه وفالرعيه=وانت خلك نيتك فالمنتدى نيه سليمه
"المرور" المحترم يتبع وزير الداخليه=وراعي الرخصه يطوّفها ولاياخذ قسيمه
عبد الكريم العازمي11-May-2011, 01:32 AM
عبدالمجيد الثعلي11-May-2011, 01:43 AM
الله الله ياماجد صخ لسانك
و الله الله يالشهيب صح لسانك
متابع لكم
فهد الشهيب الثبيتي11-May-2011, 01:45 AM
ارحب ارحب ياعبد المجيد
صح بدنك وشرفتنا بمرورك الكريم
ماجد السميري11-May-2011, 02:03 AM
اررررحب يافهد ومجاراتك تنومس
انت تدر ان البيوت العامره بالعز حيه=عزها من طيب اهلها والنوايا مستقيمه
المطوّف مفترض تسحب عليه التابعيه=لو يطبّق ’ ما تحصّل رخصة السايق قديمه
ماجد السميري11-May-2011, 02:05 AM
ماجد صح لسانك
والصف صفك
صح بدنك ياعبدالكريم
والصف يتشرف بوجودك فيه
ماجد السميري11-May-2011, 02:07 AM
الله الله ياماجد صخ لسانك
و الله الله يالشهيب صح لسانك
متابع لكم
صح بدنك ياعبدالمجيد
ولاهنت على المتااابعه
فهد الشهيب الثبيتي11-May-2011, 02:15 AM
البقاا ياماجد
السعوديه بخير وشعبها مني وفيـه=ماعلاك امن الضعوف اللي يذبون الخريمه
مانكب نص البدو غير الجهل والعنصريه=مادرو بان الجهل والظلم عاقبته وخيمه
فايز بن سرحان الثبيتي11-May-2011, 02:27 AM
مختفين يراقبون المنتدى صبح وعشيـه
يمكن احدٍ بأسمهم فالمنتدى يطرح وسيمه
انت متأكد !!؟ اتعبتك هالوسيمه :):)
على العموم صح لسانك ياماجد
مانكب نص البدو غير الجهل والعنصريـه
مادرو بان الجهل والظلم عاقبتـه وخيمـه
صح صح يافهد صح لسانك وااااافيه "
فهد الشهيب الثبيتي11-May-2011, 02:31 AM
ارحب ارحب يابو ريان
صح بدنك وشرفتنا بمرورك طال عمرك
ماجد السميري11-May-2011, 02:39 AM
بعد ثارت بندق الرامي وفي جنبه خويه=الارانب عانها قامت تذب من الهشيمه
يالثبيتي والله اني خابرن فحوى القضيه=وان هرجنا لا نقاده وان سكتنا لا ظليمه
فوازالعتيبي11-May-2011, 02:46 AM
صح السنتكم
محراف هجومي كعادت صاحبه
فهد الشهيب الثبيتي11-May-2011, 02:50 AM
الشريف يكافح اهل الغـش وعزومه قويه=عقب مااعطاه الملك قدم الرجال شداد ريمه
في زمان العولمه عان الشعوب اليعربيه=تدحم الحكام والحكام روّاد الجريمه
ماجد السميري11-May-2011, 03:12 AM
الخبر والعلم كله عند ظباط السريه=والجنود اللي يشيعون الشوايع والنميمه
يالثبيتي والله انه لا علاك ولا عليه=مار قلي من يحقن العلم في قلب البهيمه
ماجد السميري11-May-2011, 03:18 AM
مختفين يراقبون المنتدى صبح وعشيـه
يمكن احدٍ بأسمهم فالمنتدى يطرح وسيمه
انت متأكد !!؟ اتعبتك هالوسيمه :):)
على العموم صح لسانك ياماجد
مانكب نص البدو غير الجهل والعنصريـه
مادرو بان الجهل والظلم عاقبتـه وخيمـه
صح صح يافهد صح لسانك وااااافيه "
شكلك اخذ في خاطرك لياهالحين
ولكن لك حق تزعل ثم لك حق نرضيك
صح بدنك يابعدي
فهد الشهيب الثبيتي11-May-2011, 03:21 AM
يالسميري لاتعذرب في نظام العسكريه=لو ّ رتبتها تحط لضايعين الشور قيمه
حلها عند الرجال اهل الوفا واهل الحميـه=لاتباعد بعد بكره لو يعقـب السيل ديمـه
ماجد السميري11-May-2011, 03:55 AM
يالثبيتي منت مدفع تحتشي دون البريه=خلها بيني وبينك يافهد قدر وحشيمه
حلها مضمون يوم الرجل في دربه جريه=ما يغر من الحلول اللي مفاهمهم حكيمه
صح لسااانك يافهد
اشكرك على حسن المجاراه
والختاااام لك تحياااتي
فهد الشهيب الثبيتي11-May-2011, 04:10 AM
ذمتي من كلمة اهل الزور والزله بريه=لاتضيق من الحقايق وانت ياماجد صتيمه
صح بدنك ولسانك ياماجد والشكر لك على اتاحة الفرصه
تصبح على خير انت ومن تابعنا
ماجد السميري11-May-2011, 04:14 AM
ذمتي من كلمة اهل الزور والزله بريه=لاتضيق من الحقايق وانت ياماجد صتيمه
صح بدنك ولسانك ياماجد والشكر لك على اتاحة الفرصه
تصبح على خير انت ومن تابعنا
بيض الله وجهك على ردودك الوافيه
صح بدنك وانت من اهل الخير انت والمتااابعين
مرقاب12-May-2011, 12:34 PM
الآدراه أعطت الشعـار دفعـه معنويـه
والمصيبه شافوا أنفسهم وحطّوها غنيمه
مختفين يراقبون المنتدى صبح وعشيـه
يمكن احدٍ بأسمهم فالمنتدى يطرح وسيمه
ياعسى ربي يبارك فالرعاه وفالرعيـه
وانت خلك نيتك فالمنتدى نيـه سليمـه
"المرور" المحترم يتبع وزير الداخليـه
وراعي الرخصه يطوّفها ولاياخذ قسيمه
صحت السنتكـم
والله مدري شقول لكـن ابداع جماعي ;)
